| e-texts navigator |
| Wylie |
288b1 ལག་ཁང་ཞིག་པདག་བཅོས་ལེགས་བྱས་པ་སྟེ། མདོ་དོ་ཉིད་ལས། ཤིག་ཅིང་རལ་པ་སུས་བཅས་པ།། དེ་ལ་ཡེ་འགྲོག་བདུད་མིའི་བྱུང་། ཞེས་གསུངས་པ་ལྟ་བུ་སྟེ།། ལས་ད་ལྟ་བུ་ནི་ཆ་རིང་བར་འགྱུར་བའོ།། དེ་ལ་ནད་མེད་པ
288b2 འགྱུར་བའི་ལས་ཡོད་དེ། དེ་གང་ཞེ་ན་དེ་ནི་ཁྲོ་བ་དང་ཁུ་ཚུར་དང་ཐལ་མོས་རྡེག་པ་དང་ཁུ་ཚུར་དང་ཐལ་མོས་རྡེག་པ་ལ་རྗེས་སུ་དགའ་བ་དང་ཁུ་ཚར་དང་ཐལ་མོས་རྡེག་པའི་ཡོན་ཏན་པ་རྗོད་པ་དང་། དེ་ལ་གྲུལ་བ་དང་ཕ་མའི་སེམས
288b3 དང་ལུས་མ་བདེ་བར་བྱས་པ་དང་རབ་ཏུ་བྱུང་བ་ཚུལ་ཁྲིམས་དང་ལྡན་པ་དག་གི་སེམས་མི་བདེ་བར་བྱས་པ་དང་། མི་མཛའ་བ་ནད་ཀྱིས་བཏབ་པ་ལ་དགའ་བར་སེམས་པ་དང་མི་མཛའ་བ་ནད་སོས་ན་མི་དགའ་བར་སེམས་པ་དང
288b4 ནད་པ་ལ་སྨན་མ་ཡིན་པ་བྱིན་པ་དང་ཟས་མ་ཞུ་བར་བསྟབས་པ་དེ་ལས་དེ་ལྟ་བུ་ནི་ནད་མེད་པར་འགྱུར་རོ། ། དེ་ལ་ནད་ཉུང་བར་འགྱུར་བའི་ལས་ཡོད་དེ་དེ་གང་ཞེ་ན། དེ་ནི་ཐལ་མོ་དང་ཁུ་ཚུར་གྱིས་མི་རྡེག་པ་དང་ཐལ་མོ་དང
288b5 ཁུ་ཚུར་གྱིས་རྡེག་པ་སྤོང་བར་སྐུལ་བ་དང་དེའི་ཡོན་ཏན་རྗོད་པ་དང་དེ་ལ་རྗེས་སུ་དགའ་བ་དང་ཕ་མ་ན་བའི་རིམ་གྲོ་བྱེད་པ་དང་ཁྱིམ་པ་དང་རབ་ཏུ་བྱུང་བ་དང་རྒན་ནམ་གཞོན་ཡང་རུང་སྟེ། ནད་རིམ་གྲོ་བྱེད་པ་དང་མི་མཛའ
288b6 བ་ན་ཡང་མི་དགའ་བར་སེམས་པ་དང་དེའི་ནད་སོས་ན་དགའ་བར་སེམས་པ་དང་སྨན་གྱི་སྦྱིན་པ་བྱེད་པ་དང་ཁ་ཟས་ཞུ་ནས་སྟོབས་པ་སྟེ། ལས་དེ་ལྟ་བུ་ནི་ནད་ཉུང་བར་འགྱུར་རོ།། དེ་ལ་ཁ་དོག་མི་སྡུག་པར་འགྱུར་བའི་ལས
288b7 ཡོད་དེ། དགང་ཞེ་ན། དེ་ནི་ཁྲོ་བ་དང་འཁོན་དུ་འདེན་པ་དང་འཆབ་པ་དང་འཚོག་པ་དང་ཕ་མ་ལ་ངན་དུ་རྗོད་པ་དང་ཁྱིམ་པ་དང་རབ་ཏུ་བྱུང་བ་རྒན་གཞོན་ལ་ངན་དུ་བརྗོད་པ་དང་། མཆོད་ཏན་དང་གཙུག་ལག་ཁང་དང་མཆོད
288b8 རྟེན་གྱི་ས་གཞི་མི་སྡུག་པར་བྱས་པ་དང་མཆོད་རྟེན་དང་སྐུ་གཟུགས་ཀྱི་མར་མེ་བསད་པ་དང་། ། སེམས་ཅན་ཁ་དོག་མི་སྡུག་པ་རྣམས་ལ་ཕྱེས་འདོགས་པ་དང་གཙང་སྦྲ་ཆུ་དང་བ་སྟེ། ལས་དེ་ལྟ་བུ་ནི་ཁ་དོག་མི་སྡུག་པར
iiif viewer powered by OpenSeadragon
