| e-texts navigator |
| Wylie |
287b1 དེས་ནི་སེམས་ཅན་རྣམས་བདག་གི་ལས་སུ་གྱུར་པ་ལས་ཀྱི་རྒྱུ་ལས་སྐྱེས་པ་ལས་ཀྱི་སྐལ་པ་ལ་སྤྱོད་པ། ལས་ལ་རྟེན་པར་གསུངས་ཏེ། བྲམ་ཟེའི་བུ་ལས་ནི་འདི་ལྟ་སྟེ།། སེམས་ཅན་རྣམས་རབ་དང་འབྲིང་དང་ཐ་མར་རྣམ
287b2 པར་འབྱེད་དོ། ། དེ་ནི་འདི་ལྟར་ཚེ་ཐུང་བར་འགྱུར་བའི་ལས་ཡོད་དེ། དེ་ལ་ཚེ་ཐུང་བར་འགྱུར་བའི་ལས་གང་ཞེ་ན། དེ་ནི་སྲོག་གཅོད་པ་དང་སྲོག་གཅོད་པ་ལ་རྗེས་སུ་དགའ་བ་དང་སྲོག་གཅོད་པའི་ལེགས་པ་བརྗོད་པ་དང་མི
287b3 མ་ཛའ་བ་ཚེ་འཕོ་བར་སྐུལ་བ་དང་མི་འཛའ་བ་ཚེ་འཕོས་ན་ལེགས་པར་བརྗོད་པ་དང་མངལ་ནས་ཚེ་འཕོ་བར་བྱེད་པ་དང་མངལ་ནས་ཚེ་འཕོ་བའི་ལེགས་པ་རྗོད་པ་དང་མ་ཧེ་དང་བ་ལང་དང་ཕག་དང་བྱ་ལ་སོགས་པ་གསད
287b4 པར་འགྱུར་བའི་རྟེན་འཆའ་ཞིང་། མཆོད་སྦྱིན་དེ་བཙུགས་པས་བུ་ཚ་དང་སྐྱེ་བོ་གཞན་ལ་ཕན་པར་འདོད་པ་རྣམས་དང་འཇིགས་པས་ཉེན་པ་རྣམས་ཀྱི་ལུགས་སུ་གྱུར་ཅིང་སེམས་ཅན་གསོད་པར་འགྱུར་བ་སྟེ།
287b5 དཔེར་ན་གྲོང་ཁྱེར་ཀས་མརྱ་ན་དགེ་སློང་དགྲ་བཅོམ་པ་གཅིག་ཅིག་ཁྱིམ་ཞིག་གི་སྒོ་ན་འདུག་འདུག་ན། ཁྱིམ་དེའི་ཐད་ཀལམ་པོ་ཆེ་ནས་ཕྱུགས་ཤིག་སྒྲ་འབྱིན་ཅིང་ཁྲིད་པ་དགེ་སློང་དེས་མཐོང་ནས་ཀྱི་ཧུད་ཨེ
287b6 མ་ག་ལ་སྲིད་ཅེས་བྱས་པ་དང་མི་དག་གིས་དགེ་སློང་དེ་ལ། སློབ་དཔོན་ཅི་ཞིག་དེ་སྐད་དུ་ཀྱི་ཧུད་ཨེ་མ་ག་ལ་སྲིད་ཅེས་བྱ་བའི་སྒྲ་རྗོད་ཅེས་དྲིས་ན། དེས་སྨྲས་པ། དེ་ནི་མ་དད་པ་རྣམས་ལ་སྨྲ་བར་ཡང
287b7 མི་བྱ་བ་ཞིག་སྟེ་དགོས་ཀྱིས་སྨྲའོ་ཞེས་ནས། དེས་སྨྲས་པ། ཕྱུགས་པ་པི་ལྟར་སྒྲ་འབྱིན་ཅིང་ཁྲིད་པ་ཕ་པིས་སྔོན་ཆོད་པ་ཕྱུག་པོ་ཞིག་ཏུ་རེད་པའི་ཚེ། རྟེན་བཙུགས་ཏེ་ལོ་དུས་ཀྱི་མཆོད་སྦྱིན་བྱས་ནས།། དེས་དེར
287b8 ཕྱུགས་མང་པོ་དག་ཀྱང་བསད་ཚེ་འཕོས་ཀར་ཡང་བུ་ལ་བོས་ཏེ་སྨྲས་པ། ། བུ་ཁྱོད་ང་ལ་བྱམས་ཤེས་ན། ཕྱུགས་ཀྱི་མཆོད་སྦྱིན་ལོ་དུས་སུ་བྱ་བ་འདིར་ཚེ་འཕོས་ནས་ཀྱང་རྟག་པར་གྱིས་ཤིག་ཅེས་བསྒོན།
iiif viewer powered by OpenSeadragon
