| e-texts navigator |
| Wylie |
287a1 མཆོད་པ་རྟག་ཏུ་བྱ། ། ཚེ་རིང་འདོད་ན་སྲོག་གཅོད་སྤང་བར་བྱ།། སེམས་ནི་བུད་མེད་དག་ལ་ཞེན་མི་བྱ།། ཡིད་ནི་གཞན་ལ་གནོད་པ་བསྐྱེད་མི་བྱ།། དག་གིས་གཞན་གྱི་སྡིག་པ་བརྗོད་མི་བྱ།། གཞན་ནོར་རྩཝ་ཆུ་བཞིན་དུ་བཅུ
287a2 མི་བྱ། ། རྣ་བས་གཞན་གྱི་ཚིག་ངན་མཉན་མི་བྱ།། མིག་གིས་བུད་མེད་གཟུགས་ལ་བལྟ་མི་བྱ།། ལྕེ་ནི་གཞན་གྱི་རོ་ལ་མྱང་མི་བྱ།། བྱ་བ་ཀུན་ལ་ཡིད་ནི་མིག་བཞིན་བྱ།། སེམས་ཅན་སྲོག་ནི་དོན་མེད་གཅངད་མི་བྱ།། སྐྱེ་བར་ནོར
287a3 ཕྱུག་རྟག་ཏུ་འདོད་པ་ན། ། ནད་པ་དབུལ་པོ་རྣམས་ལ་ཕན་པར་བྱ།། དེ་ནས་འཕགས་པའི་ཚོགས་དང་ལྡན་པའི་འཁོར་རྣམས་བཅོམ་ལྡན་འདས་ཀྱིས་གསུངས་པ་ལ་ཡིད་རངས་ཤིང་མངོན་པར་བསྟོད།། ལས་ཀྱི་རྣམ་པར་སྨིན་པའི
287a4 འབྲས་བུའི་མདོ་རྫོགས་སྷོ། ། སངས་རྒྱས་ཀྱི་སྤྲུལ་པ་རྒྱའི་ལོ་ཙྪ་བ་ཐང་སམ་ཙད་ཞེས་བྱ་བས་རྒྱ་གར་དངོས་ལས་རྒྱ་ནག་ཏུ་ལེགས་པར་བསྒྱུར་ཞིང་།། ཕྱིས་གཞི་ཐམས་ཅད་ཡོད་པར་སྨྲ་བའི་སྡེ་པ་ལས་རབ་ཏུ་བྱུང་བརྒྱ
287a5 ནག་ཆེན་པོའི་ལྷ་བཙུན་ཆོས་ཀྱི་རིན་ཆེན་གྱིས་དཔལ་ལྡན་ས་སྐྱའི་གཙུག་ལག་ཁང་ཆེན་པོར་བསྐུར་ཞིང་ཞུས་ཏེ་གཏན་ལ་ཕབ་པའོ། ། ། རྒྱ་གར་སྐད་དུ། ཀརྨ་བི་བྷ་ད་ག། བོད་སྐད་དུ། ལས་རྣམ་པར་འབྱེད
287a6 པ། བམ་པོ་དང་པོ།། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཟོས་པ་དུས་གཅིག་ན།། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད
287a7 ཟས་སྦྱིན་གྱི་ཀུན་དགའ་བ་ན་བཞུགས་ཏེ། ། དེར་བཅོམ་ལྡན་འདས་ཀྱིས་བྲམ་ཟེའི་ཁྱེའུ་ཤུ་ཀ་ལ་བཀའ་སྩལ་པ། བྲམ་ཟེའི་བུ་ཁྱོད་ལ་ལས་རྣམ་པར་འབྱེད་པ་བསྟན་གྱིས།། དེ་ལེགས་པར་ཤིན་དུ་ཉོན་ལ་ཡིད
287a8 ལ་ཟུང་ཤིག་དང་ངས་བཤད་ཀྱིས། བཅོམ་ལྡན་འདས་དེ་ལྟར་བགྱིའོ་ཞེས་ནས་བྲམ་ཟེའི་ཁྱེའུ་ཤུ་ཀ། བཅོམ་ལྡན་འདས་ལ་ཕྱིར་ཉན་པ་དང་བཅོམ་ལྡན་འདས་ཀྱི་དེ་ལ་འདི་སྐད་ཅེས་བཀའ་སྩལ་ཏོ།། བྲམ་ཟེའི་བུ
iiif viewer powered by OpenSeadragon
