| e-texts navigator |
| Wylie |
286b1 སེམས་སྡང་བས་ཡིན་ནོ། ། ཕོ་མོ་རྟག་ཏུ་སོ་སོར་ངེས་པ་ནི་ཕ་མ་ལ་མ་གུས་པ་དང་སྤྱོད་པ་ངན་པ་བྱས་པ་ཡིན་ནོ།། ཚེ་འདི་ལ་དབུལ་བ་ནི་ཟས་དང་ནོར་ལ་སྡང་བ་ཡིན་ནོ།། མིའི་ལུས་ཡན་ལག་ཆད་པ་དང་ལྡན་པ་ནི་དཀོན་མཆོག
286b2 གསུམ་ལ་དད་པ་ཐོབ་པ་ཡིན་ནོ། ། རིགས་ཀྱི་བུ་དང་རིགས་ཀྱི་བུ་མོ་རྣམས་ལ་བརྩེ་བས་སྨྲ་བར་བྱའོ།། རྟག་ཏུ་དད་པ་དང་གུས་པར་བྱའོ།། གཉེན་མཚམས་ལ་འཐུན་པར་བྱའོ།། ཕ་མ་ལ་དད་པར་བྱའོ།། སྐྱེ་བ་གཅིག
286b3 སོག་མི་གཅོད་ན་མི་མཐུན་པའི་དགྲ་རྣམས་ཀྱང་མེད་དེ། ། ཚེ་གཅིག་ཏུ་མི་རྐུན་རྒྱལ་པོ་ཆད་པ་མི་འབྱུང་ངོ་།། སྐྱེ་བ་གཅིག་ལ་ཆགས་སྡང་མི་རྩོད་ན་ཆད་པའི་རིགས་དང་བཙོན་ཁང་ཡང་མི་མཐོང་ངོ་།། སྐྱེ་བ་གཅིག་ལ་སེམས
286b4 མཉམ་པ་ཉིད་པ་བསྒོམས་ན་དམྱལ་བར་མི་ལྟུང་ངོ་། ། ཡང་བྱང་ཆུབ་སེམས་དཔའ་ཤེས་རབ་ཡེ་ཤེས་ལ་བཀའ་སྩལ་པ། རིགས་ཀྱི་བུ་འམ་རིགས་ཀྱི་བུ་མོ་གང་ལ་ལ་ཞིག་ལས་གྱི་རྣམ་པར་སྨིན་པའི་འབྲས་བུའི་མད
286b5 འདི་ཐོས་ནས་ལག་ཏུ་འཆད་པ་དང་། འདོན་པ་དང་། སྤོས་དང་། མེ་ཏོག་དང་། མར་མེ་རྣམས་ཅི་འབྱོར་པས་མཆོད་པ་བྱེད་ན།། གལ་ཏེ་དེ་ལ་ཚེ་སྔ་མའི་ལན་ཆགས་པ་དང་ཚེ་འདི་ལ་སྡིག་པ་བསགས་པ་ཐམས་ཅད་རྣམ་པར་དག།
286b6 ཅད་བྱང་བར་འགྱུར་རོ།། དེ་ལྟར་བྱས་ན་མ་འོངས་པའི་རྣམ་པར་སྨིན་པའི་འབྲས་བུ་ནི་ལོངས་སྤྱོད་དང་། ལྡན་པ་དང་། དབང་ཕྱུག་ཀྱང་མི་འབྱུང་བར་དོགས་པར་མི་བྱའོ།། སྐྱེ་བ་ཐམས་ཅད་དུ་གཟུགས་བཟང་བ་དང་ལྡན་པར་འགྱུར།
286b7 རོ།། ཡེ་ཤེས་དང་ཤེས་རབ་དང་། མཆོག་ཏུ་དགའ་བ་རྣམས་ཐོབ་པའི་ཕྱིར་ལས་ཀྱི་རྣམ་པར་སྨིན་པ་ཡོན་ཏན་བསམ་གྱིས་མི་ཁྱབ་པའི་ཚིགས་སུ་བཅད་པ་ལས་ཤེས་པར་བྱའོ།། མི་ཡི་ལུས་ནི་ཐོབ་པ་དཀའ།། སངས
286b8 རྒྱས་བསྟན་པ་ཐོས་པ་དཀའ། ། དགེ་བའི་སེམས་ནི་བསྐྱེད་པ་དཀའ།། དམ་པའི་ཆོས་ནི་ཤེས་པ་དཀའ།། སངས་རྒྱས་འདོད་ན་གསུང་རབ་སྒྲོགས་བཙོན་བྱ།། དགེ་སེམས་འདོད་ན་ཞེ་སྡང་མི་བྱའོ།། འབྲས་བཟང་འདོདན
iiif viewer powered by OpenSeadragon
