| e-texts navigator |
| Wylie |
285b1 ཁྲི་ཕྲག་བཅུའི་འཕགས་པའི་ཚིགས་རྣམས་དང་། དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དང་། ཀླུ་ཆེན་བརྒྱད་དང་། ཕྱོགས་སྐྱོང་རྣམས་དང་། སྲིན་པོ་དང་། ལྷ་མ་ཡིན་དང་།། མི་འམ་ཅི་དང་། ལྷ་དང་། མི་དང་།
285b2 དྲི་ཟར་བཅས་པའི་ཚོགས་ཐམས་ཅད་བཅོམ་ལྡན་འདས་ལ་སེམས་རབ་ཏུ་དད་ཅིང་ཆོས་ཉན་པའི་ཕྱིར་འཁོད་དོ།། དེའི་ཚེ་བྱང་ཆུབ་སེམས་དཔའ་ཤེས་རབ་ཡེ་ཤེས་ཞེས་བྱ་བ་སྟན་ལས་ལངས་ཏེ་ཐལ་མོ་སྦྱར་ནས་བཅོམ་ལྡན
285b3 འདས་ལ་འདི་སྐད་ཅེས་གསོལ་ཏོ། ། བཅོམ་ལྡན་འདས་འཇིག་རྟེན་གྱི་ཁམས་ཁྲི་ཕྲག་བརྒྱད་དང་སྟོང་ཕྲག་བཞིའི་ཞིང་ཁམས་བལྟ་བར་བྱས་པས་དེར་སྐྱེས་པའོ་མི་རྣམས་ལ་དགེ་བའི་རྩ་བ་རྣམ་པར་སྨིན་པའི་འབྲས་བུ་དུམ
285b4 ཡོད་དེ། ། འདོད་ཆགས་དང་། ཞེ་སྡང་དང་། ཕྲག་དོག་དང་། ཞེན་པ་ངས་པ་དང་། མི་ཚངས་སྤྱོད་ལ་སེམས་རྟག་ཏུ་སྐྱེས་པ་དང་། གང་ལ་ལ་གཙུག་ལག་ཁང་བཞེངས་པ་དང་། དགེ་འདུན་བསྙེན་ཅིང་བཀུར་བ་དང་། སྐུའི་རྟེན་ལ་ཡོན་ཏན་གྱིས
285b5 རབ་ཏུ་རྒྱན་པ་དང་། ཚུལ་ཁྲིམས་བསྲུངས་པ་དང་། གསུང་རབ་སྒྲོགས་པ་དང་། དབུལ་པོ་ལ་ཕན་པ་དང་། སྡུག་བསྔལ་བ་ལ་སྙིང་རྗེ་བ་དང་། རང་ལུས་སྦྱིན་པར་གཏོང་བ་དང་། སྤོས་འབུལ་བ་ལ་སོགས་པ་དེ་རྣམས་བཅོམ་ལྡན་འད
285b6 ཐུགས་རྗེ་དང་ལྡན་པས་རྒྱ་ཆེན་པོ་བཤད་དུ་གསོལ། ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཤེས་རབ་ཡེ་ཤེས་ལ་འདི་སྐད་ཅེས་བཀའ་སྩལ་ཏོ།། ཤེས་རབ་ཡེ་ཤེས་རིགས་ཀྱི་བུའམ
285b7 རིགས་ཀྱི་བུ་མོ་གང་ལ་ལ་ཞིག་བདེ་བར་གཤེགས་པའི་མཚན་ནས་བརྗོད་པའི་སེམས་སྐྱེས་པ་དང་། མ་འོངས་པའི་དུས་ན་རྣམ་པར་སྨིན་པ་དང་། སྤོས་དང་། མེ་ཏོག་དང་། མར་མེ་དང་། རྣམ་པར་དག་པས་མཆོད་པར་བྱའོ།།
285b8 བློན་པོ་ཐོབ་པར་འདོད་ན་བསོད་ནམས་དང་ཡེ་ཤེས་ཀྱི་ཚོགས་བསག་པར་བྱའོ།། ལུམ་ལོངས་སྤྱོད་འདོད་ན་སངས་རྒྱས་ཀྱི་སྐུ་གཟུགས་ལ་རྒྱན་བཀོད་པར་བྱའོ།། ཤེས་རབ་ཆེ་བ་འདོད་ན་ཆོས་ཀྱི་སྦྱིན་པ་སྦྱིན་པར་བྱའོ།།
iiif viewer powered by OpenSeadragon
