| e-texts navigator |
| Wylie |
267a1 བརྗོད་པ་ཡིན། ། ལྷས་གསོལ་པ།། རླུང་མར་གྱིས་ཀྱང་མི་ཤིགས་ཤིང་།། ཐུགས་ཀྱིས་མི་འཚིག་དེ་ཅི་ལགས།། དོགས་བལྟམ་པར་བགྱིད་པ་ཡི།། ཆབ་ཀྱིས་མི་འདྲུལ་ཅི་ཞིག་ལགས།། བཅོམ་ལྡན་འདས་ཀྱིས་བཀན
267a2 སྩལ་པ། ། དྲང་མར་གྱིས་ཀྱང་མི་ཤིགས་ཤིང་།། མེས་ཀྱང་མི་འཆིག་བསོད་ནམས་ཡིན།། ས་རྣམས་ཁེབས་པར་བྱེད་པ་ཡི།། ཆུས་ཀྱང་མི་འདྲུལ་བསོད་ནམས་སོ།། ལྷས་གསོལ་པ།། སུ་ཞིག་ཤིན་དུ་བསླུས་གྱུར་ནས།། འཇིག་རྟེན
267a3 འདི་ནས་ཕ་རོལ་མཆིས། ། ད་དུང་བདག་གི་དོགས་པ་འདི།། ཁྱོད་ཀྱིས་བསལ་བ་མཛད་པའི་རིགས།། བཅོམ་ལྡན་འདས་ཀྱིས་བཀའ་སྩལ་པ།། གང་གིས་ལོངས་སྤྱོད་ཡོད་བཞིན་དུ།། བསོད་ནམས་བསགས་པ་མ་བྱས་པ།།
267a4 དེ་ནི་ཤིན་དུ་བསླུས་གྱུར་ནས།། འཇིག་རྟེན་འདི་ནས་ཕ་རོལ་སོང་།། ལྷས་གསོལ་པ།། འཇིགས་པ་ཀུན་ལས་འདས་གྱུར་ཅིང་།། རྒལ་བའི་འཇིག་རྟེན་མཐུ་ལྡན་པའི།། བྲམ་ཟེ་མྱ་ངན་ཡོངས་འདས་པར།། ཀྱེ་མ་བདག་གིས་རིང་ནས
267a5 མཐོང་། ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས་ལྷ་དེ་དག་ཡིད་རངས་ཏེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་རྗེས་སུ་ཡིད་རང་སྟེ་དེ་ཉིད་དུ་མི་སྣང་བར་གྱུར་ཏོ།། ལྷའི་མདོ་རྫོགས་སྷོ།།
267a6 རྒྱ་གར་སྐད་དུ་ཨ་ཝལ་བ་དེ་བ་ཏ་སཱུ་ཏྲ། བོད་སྐད་དུ། ལྷའི་མདོ་ཉུང་ངུ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན་བཅོམ་ལྡན་འདས་མཉན་ཡོད
267a7 ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ། དེ་ནས་ལྷ་ཞིག་བཅོམ་ལྡན་འདས་གལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག
267a8 དུ་འདུག་གོ། ། ཕྱོགས་གཅིག་ཏུ་འདུག་ནས་ལྷ་དེས་བཅོམ་ལྡན་འདས་ལ་ཞུ་བ་ཞུས་པ། ཚུལ་ཁྲིམས་གང་ལགས་སྤྱོད་པ་གང་།། ཡོན་ཏན་གང་ལགས་ལས་གང་གིས།། གནས་པ་ཇི་ལྟར་ཤེས་རབ་གང་།། སྐྱེ་བོ་གང་དག་མཐེ།
iiif viewer powered by OpenSeadragon
