| e-texts navigator |
| Wylie |
266b1 སྡུག་བསྔལ་མི་ཟད་པ།། ཕུང་པོ་མེད་པའི་བདེ་བའི་མཆོག། ལྷས་གསོལ་པ།། སྡུག་ལ་མི་ཕན་དེ་གང་ལགས།། ཕན་ཡང་མི་སྡུག་གང་ཞིག་ལགས།། གནོད་པ་བགྱིད་པའི་ནད་གང་ལགས།། སྨན་པའི་མཆོག་གཅིག་དེ་གང་ལགས།། བ
266b2 ལྡན་འདས་ཀྱིས་བཀའ་སྩལ་པ། ། འདོད་པ་སྡུག་ཀྱང་མི་ཕན་པ།། ཐར་པ་ཕན་ལ་མི་སྡུག་པ།། འདོད་ཆགས་གནོད་པ་མེད་པའི་ནད།། སྨན་པའི་མཆོག་གཅིག་སངས་རྒྱས་ཡིན།། ལྷས་གསོལ་པ།། གང་གིས་འཇིག་རྟེན་འདི་བསྒྲིབས
266b3 ལགས། ། གང་གིས་འཇིག་རྟེན་དབང་དུ་བགྱིས།། གང་གིས་མཛའ་བཤེས་འབྱེད་པར་བགྱིད།། གང་གིས་མཐོ་རིས་མཆི་མི་འགྱུར།། བཅོམ་ལྡན་འདས་ཀྱིས་བཀའ་སྩལ་པ།། མི་ཤེས་པས་ནི་འཇིག་རྟེན་བསྒྲིབས།། གཏི་མུག་གིས་ནི་དབང
266b4 དུ་བྱས། ། ཞེན་པ་མཛའ་ཤེས་འབྱེད་པར་བྱེད།། ཆགས་པས་མཐོ་རིས་འགྲོ་མི་འགྱུར།། ལྷས་གསོལ་པ།། གང་གིས་མཛའ་བཤེས་འཕེལ་བར་འགྱུར།། གང་གིས་དགྲ་རྣམས་ཞི་བར་བགྱིད།། གང་གིས་མཐོ་རིས་འཐོབ་པར་བགྱིད།། གང
266b5 གིས་ཐར་བར་འགྲོ་བར་འགྱུར། ། བཅོམ་ལྡན་འདས་ཀྱིས་བཀའ་སྩལ་པ།། གཏོང་བས་མཛའ་བཤེས་འཕེལ་བར་འགྱུར།། བྱམས་པས་དགྲ་རྣམས་ཞི་བར་བྱེད།། ཚུལ་ཁྲིམས་ཀྱིས་ནི་མཐོ་རིས་ཐོབ།། ཤེས་པས་ཐར་བར་འགྲོ་བར་འགྱུར།།
266b6 ལྷས་གསོལ་པ། རྒྱལ་པོ་དང་ནི་ཆོམ་རྐུན་གྱིས།། ཤིན་དུ་བསྒྲིམ་པ་བགྱིས་གྱུར་ན།། སྐྱེས་པ་འམ་བུད་མེདག་གི་འང་རུང་།། འབྲོག་པར་མི་ཚུགས་ཅི་ཞིག་ལགས།། བཅོམ་ལྡན་འདས་ཀྱིས་བཀའ་སྩལ་པ།། རྒྱལ་པོ་དང་ནི་ཆོམ་ཀུན་གྱིས།།
266b7 ཤིན་དུ་བསྒྲིམ་པ་བྱས་གྱུར་ཀྱང་།། སྐྱེས་པའམ་བུད་མེད་གང་གིའང་རུང་།། དབྲོག་པར་མི་ཚུགས་ཚུལ་ཁྲིམས་སོ།། ལྷས་གསོལ་པ། འཇིག་རྟེན་འདི་ནི་གང་གིས་འཆིང་།། གང་གིས་འཇིག་རྟེན་རྣམ་པར་གྲོལ།། གང་ཞིག་རྣམ་པར་སྤང
266b8 པས་ན། ། མྱ་ངན་འདས་ཤེས་བགྱི་བར་བགྱི།། བཅོམ་ལྡན་འདས་ཀྱིས་བཀའ་སྩལ་པ།། འདོད་པས་འཇིག་རྟེན་འཆིང་བར་བྱེད།། འདོད་པ་མེད་པས་རྣམ་པར་འགྲོལ།། སྲེད་པ་རྣམ་པར་སྤངས་པས་ན།། མྱ་ངན་འདས་ཤེས
iiif viewer powered by OpenSeadragon
