| e-texts navigator |
| Wylie |
265b1 མིག་གི་ནམ་དུ་བསྟན་ཏོ་ཡུངས་ཀར་གྱི་འབྲུ་རྣམས་འཐོར་བར་བྱེད་ན་དགའ་བོ་རྒྱལ་རྐྱེན་ཞིག་གིས་དེར་ཡུངས་ཀར་གྱི་འབྲུ་གང་ཡིན་པ་གཅིག་ཆུང་བར་འགྱུར་གྱི། ། དགའ་བོ་མི་ཉིད་རྙེད་པ་ནི་མ་ཡིན་ནོ།། ངལ་བ་ཕུན
265b2 སུམ་ཚོགས་པ་ཡང་དེ་བཞིན་ནོ། ། དགའ་བོ་མི་ཉིད་ཤིན་དུ་རྙེད་པར་དཀའ་བ་དང་། དེ་བཞིན་དུ་དལ་བ་ཕུན་སུམ་ཚོགས་པ་ཡང་རྙེད་ན།། དགའ་བོ་ཁྱོད་ཀྱིས་རབ་ཏུ་བྱུང་།། དལ་བ་ཤིན་དུ་རྙེད་དཀའ་རྙེད།། དགའ་བོ
265b3 སྟོན་པ་མངོན་གྱུར་པ། ། ད་ལ་མི་མཉེས་མ་བྱེད་ཅིག། དེ་ཅིའི་ཕྱིར་ཞེ་ན།། བསྐལ་པ་བྱེ་བ་སྟོད་དང་ནི།། བརྒྱ་དང་ཁྲག་ཁྲིག་དག་ཏུ་ཡང་།། སངས་རྒྱས་སྒྲ་ནི་མི་ཐོས་ན།། སངས་རྒྱས་མཐོང་བ་ག་ལ་ཞིག། ཨུ་དུམ་པ་རའི་མེ
265b4 ཏོག་ནི། ། ཤིང་ལས་ཤིན་དུ་རྙེད་དཀའ་ལྟར།། དེ་བཞིན་སངས་རྒྱས་རྙེད་དཀའ་སྟེ།། ཁྱེད་ཀྱིས་ང་ནི་རྙེད་གྱུར་ན།། དགའ་བོ་ཁྱོད་ཀྱིས་རབ་ཏུ་བྱུང་།། ངལ་བ་ཤིན་དུ་རྙེད་དཀའ་སྟེ།། དགའ་བོ་སྟོན་པ་མངོན་གྱུར་པ།། ད་ལ་མི་མཉེས་མ་བྱེད་ཅིག།
265b5 དེ་ནས་རིགས་ཀྱི་བུ་དགའ་བོ་ཁ་སྤུ་བྲེགས་ཏེ་གོས་ངུར་སྨྲིག་བགོས་ཏེ་རྒྱལ་བའི་བསྟན་པ་ལ་ཡང་དག་པར་དད་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་ངོ་།། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་།
265b6 ཚེ་དང་ལྡན་པ་ཀུན་དགའ་བོ་དང་རིགས་ཀྱི་བུ་དགའ་བོ་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། དགའ་བོ་རབ་ཏུ་བྱུང་བའི་མདོ་རྫོགས་སྷོ།། །། རྩངས་དབེན་དྲ་ར་ཥི་ཏ་ས་ཞུ་ཆེན་བགྱིས་པ།།
265b7 རྒྱ་གར་སྐད་དུ། དེ་བ་ཏ་སཱུཏྲ། བོད་སྐད་དུ། ལྷའི་མདོ།། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན་བཅོམ་ལྡན་འདས་མཉན་ཡོད་ན།
265b8 རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ། དེ་ནས་མཚན་མོ་མི་ཏལ་ཙམ་ན་ལྷ་མདོག་བཟང་པོ་ཞིག་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ
iiif viewer powered by OpenSeadragon
