| e-texts navigator |
| Wylie |
264b1 བཡིན་ན་ནང་དུ་ཡང་དག་འཇོག་ལ་མངོན་པར་དགའ་བ་རྣམས་རབ་ཏུ་དགའ་བ་ཡིན་ནོ། ། རྣལ་འབྱོར་སྤྱོད་པ་རྣམས་མཆག་ཏུ་ཆོག་ཤེས་པར་བྱེད་པ་ཡིན་ནོ།། ཉོན་མོངས་པའི་སྐུ་འཇོམས་པར་བྱེད་པ་རྣམས་ཀྱི་མཚན་ཆ་ཡིན་ནོ།།
264b2 ཕྱིར་མི་འོང་བ་རྣམས་མཆོག་ཏུ་རྒྱལ་བར་བྱེད་པ་ཡིན་ནོ།། གནས་མེད་པ་རྣམས་ཀྱི་གནས་སོ།། སྐྱོབ་པ་མེད་པ་རྣམས་ཀྱི་སློབ་པ་ཡིན་ནོ།། འཇིགས་པས་འབྲེལ་བ་རྣམས་ཀྱི་མི་འཇིགས་པར་བྱེད་པ་ཡིན་ནོ།། སྐྱབས་མེད་པ་རྣམས
264b3 ཀྱི་སྐྱབས་ཡིན་ནོ། ། སྡུག་བསྔལ་བ་རྣམས་ཀྱི་བདེ་བའི་ཡོ་བྱད་ཡིན་ནོ།། འཁོར་བའི་བཅིང་བས་བཅིངས་པ་རྣམས་འགྲོལ་བར་བྱེད་པ་ཡིན་ཏེ། དགའ་བོ་དེ་ནི་རབ་ཏུ་བྱུང་བ་ཞེས་བྱའོ།། ལྷ་དང་མི་རྣམས་ཀྱིས་བཀུར་སྟི་བྱ་བ་ཡིན་ནོ།།
264b4 དབང་པོ་རྣམས་ཀྱིས་མཆོད་པ་ཡིན་ནོ།། སངས་རྒྱས་ཐམས་ཅད་ཀྱིས་དགོངས་པ་ཡིན་ནོ།། ཁྱིམ་གྱི་གནས་ཡོངས་སུ་གཏོང་བ་ཡིན་ནོ།། མྱ་ངན་ལས་འདས་པའི་ལམ་འདྲེན་པ་ཡིན་ནོ།། སྒྲའི་ཁུར་འདྲེག་པ་ཡིན་ནོ།།
264b5 གོས་ངུར་སྨྲིག་ནི་འདོད་ཆགས་དང་བྲལ་བའི་རྟགས་ཡིན་ནོ།། རིགས་པ་ལ་བརྩོན་པ་བརྩོན་འགྲུས་ཀྱི་ཞིང་ཡིན་ནོ།། འདི་ནི་དྲང་སྲོང་རྣམས་ཀྱི་རྒྱལ་མཚན་ཡིན་ནོ།། བདུད་སྡིག་ཏོ་ཅན་རྣམས་ཀྱི་གྲགས་པ་འཇོམས་པ་ཡིན་ནོ།། ལྷ་དང
264b6 མི་རྣམས་རབ་ཏུ་དགའ་བར་བྱེད་པ་ཡིན་ཏེ། དགའ་བོ་རབ་ཏུ་བྱུང་བ་ནི་དེ་ལྟ་བུ་ཡིན་ན་ཅིའི་ཕྱིར་རབ་ཏུ་མི་འབྱུང་། དགའ་བོ་རབ་ཏུ་བྱུང་བ་ནི་འཁོར་ལོས་བསྒྱུར་བའི་རྒྱལ་སྲིད་ཀྱི་བདེ་བ་བས་ཀྱང་ཆོས་ཁྱད་པར་དུ་འཕགས་པར་བདེ
264b7 བ་ཡིན་ན་དགའ་བོ་གཞན་ཡང་དལ་བ་ཐོབ་པ་ནི་བསྐལ་པ་བྱེ་བརྒྱར་ཡང་ཤིན་དུ་རྙེད་པར་དཀའ་བ་ཡིན་ཏེ། སངས་རྒྱས་འབྱུང་བ་ནི་དེ་བས་ཀྱང་ཆེས་རྙེད་པར་དཀའ་བ་ཡིན་ནོ།། དགའ་བོ་ཐར་པར་འདོད་པ་རྒྱལ་པོའི་དྲང
264b8 སྲོང་རྣམས་དང་གཞན་ཡང་འཁོར་ལོས་བསྒྱུར་བའི་རྒྱལ་པོ་ནི་རིན་པོ་ཆེ་སྣ་བདུན་དང་ལྡན་པ་རྣམས་ཀྱང་བཙུན་མོའི་འཁོར་དང་བཅས་ཏེ་ས་བོར་ནས་རབ་ཏུ་བྱུང་ངོ་། ། དེ་བཞིན་དུ་ཁྱིམ་བདག་དང་བྲམ་ཟེའི་ཚོགས་གཞན
iiif viewer powered by OpenSeadragon
