| e-texts navigator |
| Wylie |
218a1 བལ་འཇིགས་སྐྲག་མེད་པ་ཉིད།། ཆོས་སྤྱོད་པ་ནི་ངན་འགྲོར་མ་འགྲོ་སྟེ།། ཆོས་སྤྱོད་པ་ནི་འདོད་པའི་འདོད་པར་འགྲོ།། ཆོས་མི་སྤྱོད་པ་ཤི་ནས་གདུང་བར་འགྱུར།། མཁས་པ་ནོར་རྙེང་དགའ་བར་མིའི་འགྱུར་ལ།།
218a2 ནོར་ཟད་ན་ཡང་བློ་གྲོས་མིའི་འལྡར་བར།། འཇིག་རྟེན་དག་ན་ཅིང་ཀར་ལེགས་ཆུ་བ།། སེམས་ཅན་ནང་ན་མི་ཡི་སྙིང་པོར་ཆུད།། གང་ཞིག་དགའ་བས་གཞན་ལ་ནོར་སྦྱིན་ཞིང་།། ང་རྒྱལ་མཆེ་བ་རྣམ་སྤངས་བདེན་ལ་གནས།
218a3 རྒྱ་མཚོ་འདྲ་བའི་སེམས་ལྡན་དེ་དག་ནི།། དཔའོ་རྟུལ་པོ་ད་ཡ་རབས་ཐབས་ལྡན་ཡིན།། གང་ཞིག་དེ་དང་དེ་ལ་ལེགས་བསླབས་པས།། དོན་རྣམས་ཀུན་ལ་མཁས་པར་གྱུར་པ་དང་།། དེས་ལ་འགྲོགས་ན་བདེ་བ་དེ་དག་ནི།
218a4 དམ་པས་ལེགས་པ་ཡིན་ཞེས་བསྔགས་པ་མཛད།། ཉེ་རྫས་སྨྲས་པ།། རྔ་ཁྱོད་ལ་ནི་ཕྱི་ཕྱིར་ཞིང་།། འདི་ལྟར་བདག་ནི་རབ་ཏུ་དང་།། བདག་གི་ལུས་འདི་སྐམས་པ་འམ།། ཡང་ན་སེམས་ནི་མེད་ཀྱང་བླ།། སྡུག་བསྔལ
218a5 ཤིན་དུ་མི་བཟད་པར། ། ལྷུར་ཡང་ཕྱིན་ཆད་སྡིག་མི་བགྱིད།། ཚུལ་ཁྲིམས་ཉམས་པ་གསོན་པ་བས།། ཚུལ་ཁྲིམས་ལྡན་པ་ཤི་ཡང་བླ།། སྐྱེ་བ་གཅིག་ཏུ་འདི་ཡི་ཕྱིར།། ཇི་ལྟ་བུར་ནི་མི་ཟད་སྤྱད།། བཅོམ་ལྡན་འདས
218a6 ཀྱིས་བཀའ་སྩལ་པ། ། སྔོན་ཚེ་གང་དུ་རབ་གནས་ཤིང་།། དེ་དང་དེར་ནི་སྐྱེས་པ་ན།། མི་དགེའི་གྲོགས་དང་གྲོགས་པ་ཡིས།། ང་ཡིས་མི་དགེ་ལས་རྣམས་བྱས།། དགེ་བའི་བཤེས་དང་ཕྲད་པ་ན།། མི་དགེའི་ལས་རྣམས་སྤངས་པར།།
218a7 གྱུར།། བཅོམ་ལྡན་འདས་དེ་བཞིན་གཤེགས་པ་ཡིས།། སྔོན་གྱི་གནས་རྣམས་མངོན་མཁྱེན་ནས།། དེ་ཕྱིར་དགེ་སློང་རྣམས་ལ་ནི།། ཐུབ་པས་ལུང་ཡང་བསྟན་པའི་མཛད།། སྔོན་ཚེ་ང་ནི་རྔར་གྱུར་ཏེ།། ཀུན་དགའ་བོ་ནི
218a8 ཉིརྔ་ཡིན། ། ལྷ་སྦྱིན་རྔ་སྒྲར་གྱུར་ཏོ་ཞེས།། སྐྱེས་རབས་དེ་ལྟར་གཟུང་བར་གྱིས།། ཆོས་རྣམས་སྡུད་པར་བྱེད་པ་ཡི།། དོན་རྒྱས་མདོ་སྡེ་འདི་ཐོས་ནས།། དགེ་སློང་ཐམས་ཅད་གོས་བཅས་པར།། ཆོས་ལ་སྤྱད་པ་ཉིད་དུ་གྱིས།།
iiif viewer powered by OpenSeadragon
