| e-texts navigator |
| Wylie |
217b1 མཁས་པ་མྱུར་དུ་ཡུལ་གཞན་སོང་། ། གང་ན་མི་རྣམས་འཆེ་བར་བྱེད་གྱུར་ནས།། ཕན་ཚུན་གནོད་ལ་འབེབས་པར་དགའ་བ་དང་།། ལུས་དང་ངག་ཡིད་སྡོམ་པ་མེད་འགྱུར་བ།། དེ་ཚེ་མཁས་པ་མྱུར་དུ་ཡུལ་གཞན་སོང་།། གང
217b2 ན་མི་རྣམས་ཕྲག་དོག་བྱེད་གྱུར་ནས། ། གཞན་གྱི་རྙེད་ལ་རྟག་ཏུ་མི་བཟོད་ཅིང་།། སྡང་བའི་བསམ་པས་རྣམ་རྨོངས་ཚུལ་འཆོས་པ།། དེ་ཚེ་བདག་འདོད་ཡུལ་གཞན་འགྲོ་བར་གྱིས།། གང་ན་མི་རྣམས་སྡིག་བྱེད་འདོད་གྱུར་ནས།།
217b3 བརྐྱང་སྟི་འདོད་ཅིང་ཚུལ་འཆོས་གཡོ་སྨྲ་བྱེད།། ནང་ཡང་མ་དག་ཕྱི་ཡང་མ་དག་པ།། དེ་ཚེ་བདག་འདོད་ཡུལ་གཞན་འགྲོ་བར་གྱིས།། གང་ན་མི་རྣམས་ཞེས་མེད་གྱུར་ནས།། ཡ་རབས་ཚུལ་མེད་ཁེངས་ཤིང་ང་རྒྱལ་ལྡན།།
217b4 བྱིས་པས་མཁས་པ་རྟག་ཏུ་བརྙས་བྱེད་པ།། དེ་ཚེ་བདག་འདོད་ཡུལ་གཞན་འགྲོ་བར་གྱིས།། གང་དང་གང་དུ་བཟའ་བཏུང་དང་།། གང་དུ་གོས་རྣམས་རྙེད་པ་དང་།། གང་དུ་འཚོ་བ་དེར་སོང་ལ།། ཆགས་འགྱུར་གནས་སུ་མ་འདུག
217b5 ག་ལན་འགའ་རྩོད་འགྱུར་སྲེད་པ་གང་ཡིན་སྤོངས། ། རྟག་ཁེངས་མཆོད་མེད་ང་རྒྱལ་ག་ང་ཡིན་སྤོངས།། འབྲས་བུ་ངན་པའི་ཁྲོ་བ་གང་ཡིན་སྤོངས།། ཕོངས་དུས་མི་ལྟའི་གྲོགས་པོ་གང་ཡིན་སྤོངས།། མེ་ཡིས་གང
217b6 བའི་ལམ་འདྲའི་མ་རིག་སྤོངས། ། བྱས་གཟོ་མེད་པའི་གཉེན་འདྲའི་འདོད་ཆགས་སྤོངས།། མཆེ་བ་མི་བཟད་ཀླུ་འདྲའི་ཆགས་པ་སྤོངས།། དགྲ་བོ་མཚོན་ཐོགས་ལྟ་བུའི་སྡུག་བསྔལ་སྤོངས།། ཀླུ་མོ་ལྟ་བུ་མི་བཟང་ཆུང་མ་སྤོང
217b7 མགོ་ལ་མེ་འབར་ལྟ་བུའི་བུ་རྣམས་ཐོང་། ། འགོ་བའི་ནད་བཅས་ལྟ་བུའི་ཁྱིམ་རྣམས་ཐོད།། བཏུང་བ་དུག་ཆེན་ལྟ་བུའི་འདོད་པ་ཐོད།། ཁྱིམ་གྱི་ཕྱིར་ནི་ཅི་བཏང་སྟེ།། གྲོང་ཁྱེར་དོན་དུ་ཁྱིམ་བཏང་ངོ་།། ལྗོངས་ཀྱི་ཕྱིར་ནི་གྲོང
217b8 བྱེར་ཏེ། ། བདག་གི་དོན་དུ་ས་བཏང་ངོ་།། མི་ཡི་ཡན་ལག་ཕྱིར་ནི་ནོར་བཏང་ཞིང་།། སྲོག་གི་དོན་དུ་ཡན་ལག་བཏང་བར་བྱ།། ནོར་དང་ཡན་ལག་རྣམས་དང་དེ་བཞིན་སྲོག། ཐམས་ཅད་གཏང་གི་འདིར་ནི་ཆོས་སུང་ངོ་།། ཆོས་སྤྱོད།
iiif viewer powered by OpenSeadragon
