| e-texts navigator |
| Wylie |
216b1 དབྱང་བ་ལེགས་པར་མཉན་ནས་སུ། ། དེ་ལྟར་རྣམ་པར་བསམས་ནས་རང་དོན་དང་།། གཞན་གྱིས་དོན་དག་ལགས་པར་སྤྱོད་པར་བྱེད།། མཁས་པ་རྣམས་ནི་འཚོ་བའི་རྒྱུ་ཙམ་གྱིས།། སྡིག་པའི་ལས་རྣམས་ཀུན་དུ་སྤྱོད་མི།།
216b2 འགྱུར།། གལ་ཏེ་བདེ་དང་སྡུག་བསྔལ་ལྡན་གྱུར་ཀྱང་།། རྟག་ཏུ་ཆོས་དོན་ཡོངས་སུ་གཏོང་བ་མེད།། བློ་ལྡན་གཡོ་སྒྱུ་ཅན་དུ་མི་འགྱུར་ཏེ།། རྨོངས་པར་མི་འགྱུར་ཚིག་རྩུབ་ཁྲོ་མི་འགྱུར།། ཕོངས་པའི་གནས་ན་མྱ་དན་མི
216b3 བྱེད་པ། ། གཞན་གྱིས་གནང་ལ་འབེབས་པར་བྱེད་རེ་སྐན།། ཧ་ཅང་ཐལ་དང་ཧ་ཅང་ཞུམ་པ་ཡི།། དམན་པའི་མི་རྣམས་ལོ་ཡང་མ་ཡིན་ཏེ།། བར་མའི་གནས་ལ་བསྟེན་པར་བྱེད་པ་དག། དེ་ནི་མཁས་པ་རྣམས་ཀྱི་མཚན་ཉིད
216b4 ཡིན། ཧ་ཅང་ཐལ་བ་རྟག་ཏུ་འཁོན།། ཧ་ཅང་ཞུམ་པ་རྟག་ཏུ་བསྙེས།། དེ་ཕྱིར་དེ་གཉིས་སྤངས་ནས་སུ།། གོ་འཕང་བར་མ་བསྟེན་པར་བྱ།། རེས་འགའ་ལྐུགས་པ་འམ་འོན་པ་ལྟ་བུར་གྱིས།། དུས་ལ་བབ་ནས་བདག་བཞིན་དུ
216b5 སྨྲས། ། རེས་འགའ་གངས་རི་བཞིན་དུ་བསིལ་བར་གྱིས།། དུས་ལ་བབ་ན་མེ་ལྕེ་བཞིན་དུ་སྤོང་།། རེས་འགའ་རྩཝ་དང་འདྲ་བ་ཞུམ་པར་བྱ།། དུས་ལ་བ་བ་ན་རི་རབ་ལྟ་བུར་གྱིས།། རེས་འགའ་རྒྱལ་པོ་ལྟ་བུར་འགྱུར་བར་བྱ།། དུས
216b6 ལ་བབ་ན་ཐུབ་འདྲ་ནགས་སུ་སོང་། ། རེས་འགའ་བཀྲེས་དང་སྐོམ་པའང་བཟོད་པར་བྱ།། དུས་སུ་བདེ་དང་སྡུག་བསྔལ་དང་དུ་བླང་།། ནོར་ཕྱིར་བྲན་བཞིན་བཀོལ་བར་མི་བྱ་སྟེ།། ཁྲོ་བའི་དབང་དུ་གྱུར་པར་མི་བྱའོ།། རེས་འགའ
216b7 དགའ་བའི་གླུ་དང་སིལ་སྙན་གྱིས། ། རྩེ་ཞིང་ཤ་དང་ཆང་ཡང་སྤྱད་པར་བྱ།། རེས་འགའ་རི་དགས་ལྟ་བུར་འཇིགས་བཞིན་སོང་།། དུས་སུ་གཅན་ཟན་བཞིན་དུ་མཉམས་སྩལ་བསྟན།། དང་པོར་རུས་དང་དུས་མིན་དང་།། བདག་ཉིད
216b8 སྟོབས་ལྡན་སྟོབས་མེད་དང་། ། དར་དང་རྒུད་པ་བརྟགས་ནས་སུ།། དེ་ནས་དོན་རྣམས་ལེགས་པར་བརྩམ།། བཟོད་མེད་རྣམས་ལ་བཟོད་པ་དང་།། བཟོད་ལྡན་རྣམས་ལའང་བཟོད་པར་གྱིས།། ཉམ་ཆུང་རྣམས་ལའང་བཟོད་པ།
iiif viewer powered by OpenSeadragon
