| e-texts navigator |
| Wylie |
210a1 དག། ལུས་ཆེན་ནམཆོད་ཡངས་པ་དང་།། སྭ་ཡང་གཤོལ་མདའ་འདྲ་བའི་གླང་།། གསེར་དང་ནོར་བུས་བརྒྱན་པ་དང་།། བསྐོར་བའི་གོམ་པ་གཅིག་བོར་བའི།། བཅུ་དྲུག་ཆར་ཡང་མི་བོད་དོ།། མཁས་པ་གང་གིས་སངས་རྒྱས་མཆོད
210a2 རྟེན་ལ། ། དགའ་བའི་སེམས་ཀྱིས་གོམ་པ་གཅིག་པོར་བ།། འཛམ་བུའི་ཆུ་ཀླུང་གསེར་སྲང་འབུམ་གྲངས་སྙེད།། དེ་ནི་དེ་དང་མཚུངས་པ་ཡོད་མ་ཡིན།། མཁས་པ་གང་གིས་སངས་རྒྱས་མཆོད་རྟེན་ལ།། དགའ་བའི་སེམས་ཀྱིས་འཇིམ
210a3 གོང་གཅིག་བོར་བ། ། འཛམ་བུའི་ཆུ་ཀླུང་གསེར་གྱི་ཕོ་བྲང་འབུམ།། དེ་ནི་དེ་དང་མཚུངས་པ་ཡོད་མ་ཡིན།། མཁས་པ་གང་གིས་སངས་རྒྱས་མཆོད་རྟེན་ལ།། དགའ་བའི་སེམས་ཀྱིས་མེ་ཏོག་སིལ་མ་སྤུངས།། འཛམ་བུའི་ཆུ་ཀླུང་གསེར
210a4 སྣོད་འབུམ་བཞག་པ། ། དེ་ནི་དེ་དང་མཚུངས་པ་ཡོད་མ་ཡིན།། མཁས་པ་གང་གིས་སངས་རྒྱས་མཆོད་རྟེན་ལ།། དགའ་བའི་སེམས་ཀྱིས་མེ་ཏོག་ཕྲེང་བ་ཐོགས།། འཛམ་བུའི་ཆུ་ཀླུང་གསེར་ཁལ་བྱེ་བ་གཉིས།། དེ་ནི་དེ་དང་མཚུངས་པ་ཡོད
210a5 མ་ཡིན། ། མཁས་པ་གང་གིས་སངས་རྒྱས་མཆོད་རྟེན་ལ།། དགའ་བའི་སེམས་ཀྱིས་སྤོས་ཆུས་དབང་བསྐུར་བ།། འཛམ་བུའི་ཆུ་ཀླུང་གསེར་གྱི་ཕུང་པོ་འབུམ།། དེ་ནི་དེ་དང་མཚུངས་པ་ཡོད་མ་ཡིན།། མཁས་པ་གང་གིས་སངས་རྒྱས
210a6 མཆོད་རྟེན་ལ། ། དགའ་བའི་སེམས་ཀྱིས་མར་མེ་འབུལ་བྱེད་པ།། འཛམ་བུའི་ཆུ་ཀླུང་གསེར་སྲང་བྱེ་བ་འབུམ།། དེ་ནི་དེ་དང་མཚུངས་པ་ཡོད་མ་ཡིན།། མཁས་པ་གང་གིས་སངས་རྒྱས་མཆོད་རྟེན་ལ།། དགའ་བའི་སེམས་ཀྱིས་རྒྱལ
210a7 མཚན་འཕན་གདུགས་ཐོགས། ། གསེར་གྱི་རི་བོ་ལྷུན་པོ་ཆེར་འབུམ་ཡང་།། དེ་ནི་དེ་དང་མཚུངས་པ་ཡོད་མ་ཡིན།། འདི་ནི་དཔག་མེད་དེ་བཞིན་གཤེགས།། རྒྱ་མཚོ་འདྲ་བའི་རྫོགས་སངས་རྒྱས།། དེད་དཔོན་བླ་ན་མེད་པ་ལ།། ཕུལ
210a8 པའི་ཕན་ཡོན་བསྟན་པ་ཡིན། ། བཞུགས་པའི་ཚེ་ན་གང་གིས་མཆོད།། མྱ་ངན་འདས་འོག་གང་གིས་མཆོད།། སེམས་དགེ་བ་ནི་མཚུངས་འགྱུར་ན།། བསོད་ནམས་ལ་ནི་ཁྱད་པར་མེད།། དེ་ལྟར་སངས་རྒྱས་བསམ་མི་ཁྱབ།
iiif viewer powered by OpenSeadragon
