| e-texts navigator |
| Wylie |
209a1 ཀྱི་སྙིང་དུ་སྡུག། དེ་བཞིན་པ་མ་ལྷག་པར་བྱམས།། སྐྱེས་ནས་ལོངས་སྤྱོད་འཕེལ་བར་འགྱུར།། མཆོད་རྟེན་བསྐོར་བ་བྱས་པས་ནི།། ཤ་ཟ་དང་ནི་སྲིན་རྣམས་ཀྱིས།། དེ་ལ་གནོད་པར་མི་འགྱུར་ཏེ།། ལོངས་སྤྱོད་དག་ལ་སྐྱོན་མེད་སྤྱོད།
209a2 མཆོད་རྟེན་བསྐོར་བ་བྱས་པས་ནི།། བསྐལ་པ་བརྒྱར་ཡང་དེ་དག་རྣམས།། ཞར་བ་གྲུམ་པོར་ཡོངས་མི་འགྱུར།། ལུས་ཀྱང་རྣམ་པར་དག་པར་འགྱུར།། མཆོད་རྟེན་བསྐོར་བ་བྱས་པས་ནི།། མིག་ཀྱང་རྣམ་པར་དག་པར་གྱུར།། དཀྱུས་རིང་མཐོན་ཐིང
209a3 སྡུག་པ་དང་། ། ལྷ་ཡི་མིག་ཀྱང་དེ་ཡིས་འཐོབ།། མཆོད་རྟེན་བསྐོར་བར་བྱས་པས་ནི།། ལུས་བདེ་སེམས་ཀྱང་བརྟན་པ་དང་།། དེ་བཞིན་བརྩོན་འགྲུས་བརྟན་པ་དང་།། དཔུང་མགོ་ཟླུམ་ཞིང་བརྟན་པར་འགྱུར།། མཆོད་རྟེན་བསྐོར་བ་བྱས་པས་ནི།།
209a4 སྟོབས་དང་བྱེད་གཟུགས་ཕུན་སུམ་ཚོགས།། ཡན་ལག་ཐམས་ཅད་མཚན་རྣམས་ཀྱིས།། ལེགས་པར་བརྒྱན་ཅིང་ལྡན་པར་འགྱུར།། མཆོད་རྟེན་བསྐོར་བ་བྱས་པས་ནི།། སུམ་བཅུ་རྩ་གསུམ་དབང་ཕྱུག་རྗེ།། རྫུ་འཕྲུལ་ཆེ་བའི་བརྒྱ་བྱིན་དུ། ལྷའི
209a5 དབང་པོ་ཆེན་པོར་འགྱུར། ། མཆོད་རྟེན་བསྐོར་བ་བྱས་པས་ནི།། འཐབ་བྲལ་ལྷའི་རྒྱལ་པོ་དང་།། དེ་བཞིན་ཡོངས་སུ་དགའ་ལྡན་དང་།། འཕྲུལ་དགའ་གཞན་འཕྲུལ་དབང་བྱེད་འགྱུར།། མཆོད་རྟེན་བསྐོར་བ་བྱས་པས་ནི།། ཚངས་པའི་འཇིག་རྟེན
209a6 ཚངས་པ་ཡི། ། དབང་ཕྱུག་ཉིད་དུ་དེ་འགྱུར་ཞིང་།། ལྷ་རྣམས་བྱེ་བ་སྙེད་ཀྱིས་མཆོད།། མཆོད་རྟེན་བསྐོར་བ་བྱས་པས་ནི།། བསྐལ་པ་བྱེ་བ་སྟོང་དག་དང་།། ཁྲག་ཁྲིག་ཕྲག་བརྒྱ་དག་ཏུ་ཡང་།། ཤེས་རབ་ལྡན་པ་རྟག་ཏུ་མཆོད།། མཆོད་རྟེན་སྐོར་བ་བྱས
209a7 པས་ནི། ། བསྐལ་པ་བྱི་བ་སྟོང་དག་ཏུ།། ལུས་གཙང་གོས་ཀྱང་གཙང་བ་དང་།། དཀར་པོའི་ཆོས་དང་ལྡན་པར་འགྱུར།། མཆོད་རྟེན་བསྐོར་བ་བྱས་པས་ནི།། སྟོབས་དང་བརྩོན་འགྲུས་ཕུན་སུམ་ཚོགས།། དེ་ནི་ལེ་ལོ་མེད་པ་དང་།། ཤིན་དུ་བསྒྲུབ་པཐོབ
209a8 པར་འགྱུར། ། མཆོད་རྟེན་བསྐོར་བ་བྱས་པས་ནི། བརྩོན་འགྲུས་བརྟན་ཞིང་མཐུ་ཡང་བརྟན།། རྒྱལ་བརྟན་ཅེས་ཀྱང་མི་ཚུགས་ཤིང་།། དོན་རྣམས་མྱུར་དུ་འགྲུབ་པར་བྱེད།། མཆོད་རྟེན་བསྐོར་བ་བྱས་པས་ནི།། གདངས་སྙན་གསང་ཡང་མཐོབ་དང་། ཡིད
iiif viewer powered by OpenSeadragon
