| e-texts navigator |
| Wylie |
201b1 གང་ཡང་རུང་བ་ཞིག་འཐོབ་བམ། བདག་ནི་སྐྱེ་བའི་ཆོས་ཅན་ཏེ། སྐྱེ་བའི་ཆོས་ཉིད་ལས་མ་འདས་པ། རྒ་བའི་ཆོས་ཅན་ན་བའི་ཆོས་ཅན་འཆི་བའི་ཆོས་ཅན་ཏེ། བདག་ནི་འདོད་པ་དང་སྡུག་པ་དང་། ཕངས་པ་དང་ཡིད་དུ་འོང་བ་ཐམས
201b2 ཅད་དང་འབྱེ་བ་དང་། མེད་པ་དང་བྲལ་བ་དང་མི་ལྡན་པར་འགྱུར་བའོ།། བདག་ནི་ལས་བདག་གིར་བྱ་བ། ལས་ཀྱི་སྐྱེས་གནས་དང་ལས་ཀྱི་བགོ་བསྐལ་ལ་སྤྱོད་པ་ལས་བརྟན་པར་བྱ་བ་སྟེ། ལས་དགེ་བ་འམ། མི་དགེ་བ་གང་དང་གང
201b3 བྱེད་པ་ལས་དེ་དང་དེ་ཉིད་ཀྱི་སྐལ་པ་ཅན་དུ་འགྱུར་རོ་སྙམ་དུ་གནས་འདི་རབ་ཏུ་བྱུང་བས་ཡང་དང་ཡང་དུ་སོ་སོར་བརྟག་པར་བྱའོ། ། གནས་ཉི་ཤུ་རྩ་གཉིས་པོ་འདི་དག་ལ་ཡང་དང་ཡང་དུ་སོ་སོར་རྟོག་པ་དེའི་དགེ་སྦྱོང་གི་འདུ
201b4 ཤེས་ཡོངས་སུ་རྫོགས་པར་འགྱུར་རོ། ། དགེ་སྦྱོང་གི་འདུ་ཤེས་ཡོངས་སུ་རྫོགས་ན་འདུ་ཤེས་བདུན་ཡོངས་སུ་རྫོགས་པར་འགྱུར་ཏེ། རྟག་པར་རྒྱུན་དུ་བྱེད་པ་དང་རྒྱུན་དུ་འཇུག་པ་དང་བརྣབ་སེམས་དང་གནོད་སེམས་མེད་པ་དང
201b5 ཡང་དག་པའི་དྲན་པ་དང་། ང་རྒྱལ་མེད་པ་དང་འཚོ་བའི་ཡོ་བྱད་རྣམས་དེའི་ཆེད་དང་། ཏིང་ངེ་འཛིན་ལ་དབང་ཐོབ་པ་ཡོངས་སུ་རྫོགས་པའོ།། ཚེ་དང་ལྡན་པ་དག་སེམས་དང་ཡིད་དང་རྣམ་པར་ཤེས་པ་གང་ཡུན་རིང་པོར་གཟུགས་ལ
201b6 ཆགས་པ་དང་སྒྲ་ལ་ཆགས་པ་དང་དྲི་ལ་ཆགས་པ་དང་རོ་ལ་ཆགས་པ་དང་རེག་བྱ་ལ་ཆགས་པ་དང་གཟུགས་དང་སྒྲ་དང་དྲི་དང་རོ་དང་རེག་བྱ་དག་གིས་ཀུན་དུ་བསགས་པ། ཉེ་བར་བསགས་པ་དེ་ནི་སོ་སོར་བརྟགས་པས་འདི་ལྟ
201b7 སྟེ། མི་འཆི་བའི་དབྱིངས་ལ་ཉེ་བར་རྣམ་པར་བཞག་པ་མ་ཡིན་པར་འགྱུར་རོ།། ཚེ་དང་ལྡན་པ་དག་སོ་སོའི་སྐྱེ་བོས་རྣམ་པ་ཉི་ཤུས་སེམས་སྐྱོ་བར་བྱ་སྟེ། བདག་ནི་རྟོགས་པས་གསོག་ཡིན་ནོ།། མ་དུལ་བར་འཆི་བར་འགྱུར་རོ།། གང་ཡང་།
201b8 སར་ལྟུང་བར་འགྱུར་རོ།། འཇིགས་པ་དང་བཅས་པའི་ཕྱོགས་སུ་འགྲོ་བར་འགྱུར་རོ།། འཇིགས་པ་མེད་པའི་ཕྱོགས་མི་ཤེས་པའོ།། ལས་མི་ཤེས་པའོ།། ཏིང་ངེ་འཛིན་མ་ཐོབ་པའོ།། ཡང་སྲིད་པ་ནི་སྡུག་བསྔལ་བའོ།། ངལ་བ་ཕུན་སུམ
iiif viewer powered by OpenSeadragon
