| e-texts navigator |
| Wylie |
201a1 དང་ལྡན་པ་དག་གནས་ཉི་ཤུ་རྩ་གཉིས་པོ་འདི་དག་ནི་རབ་ཏུ་བྱུང་བས་ཡང་དང་ཡང་དུ་སོ་སོར་བརྟག་པར་བྱ་བ་སྟེ། བདག་ནི་ཁྱིམ་པའི་རྟགས་སྤངས་པ་སྟེ། མི་སྡུག་པའོ་ཞེས་གནས་འདི་རབ་ཏུ་བྱུང་བས་ཡང་དང་ཡང
201a2 དུ་སོ་སོར་བརྟག་པར་བྱའོ། ། བདག་ནི་མི་འདྲ་བ་ཁས་བླངས་པ་སྟེ། བདག་གི་ཆ་བྱད་དང་བྱ་བ་གཞན་ཡིན་ནོ།། བདག་གི་འཚོ་བ་ནི་གཞན་ལ་རག་ལས་པ་སྟེ། ཇི་སྲིད་འཚོའི་བར་དུ་བདག་གི་འདི་ལྟ་སྟེ། ཆོས་གོས་དང་བསོད་སྙོམས།
201a3 དང་མལ་སྟན་དང་ན་བའི་གསོས་སྨན་དང་ཡོ་བྱད་ཕ་རོལ་ལས་བཙལ་དགོས་པའོ།། བདག་ནི་ཇི་སྲིད་འཚོའི་བར་དུ་མི་རྣམས་ཀྱི་འདོད་པ་དག་ལས་ལྡོག་པ་བྱས་པའོ།། བདག་ནི་ཇི་སྲིད་འཚོའི་བར་དུ་མི་རྣམས་ཀྱི་རྩེད་མོའི་དགའ
201a4 བདག་ལས་ལྡོག་པ་བྱས་པའོ། ། ཅིག་བདག་གིས་བདག་ཚུལ་ཁྲིམས་དག་གིས་མ་སྨད་དམ། ཅིག་བདག་ལ་ཚངས་པ་མཚུངས་པར་སྤྱོད་པ་མཁས་པ་རྣམས་ཀྱིས་ཆོས་ཉིད་ཀྱིས་མ་སྨས་སམ། ཅིག་བདག་ཉིད་མ་སྨྲས་པ་དང་མ
201a5 ཉམས་པར་སྤོང་ངམ། ཅིག་ཡུལ་འཁོར་གྱི་བསོད་སྙོམས་དོན་ཡོད་པར་ཟ་འམ། ཅིག་གཅིག་པུ་ཀུན་དགའ་ར་བ་སྟོང་པར་མངོན་པར་དགའ་འམ། བདག་ཇི་ལྟ་བུར་གྱུར་པས་ཉིན་མཚན་འདའ། ཅིག་འདུ་བྱེད་ཐམས་ཅད་ཞི་བ།
201a6 སྟོང་པ་ཉིད་དུ་དམིགས་པ། སྲེད་པ་ཟད་པ། འདོད་ཆགས་དང་བྲལ་བའི་མྱ་ངན་ལས་འདས་པ་ལ་བདག་གི་སེམས་རབ་ཏུ་འཇུག་པ་དང་། དད་པ་དང་ཡང་དག་པར་གནས་པ་དང་རྣམ་པར་གྲོལ་བར་གྱུར་ཏམ། ཅིག་ཕུང་པོ་མི
201a7 རྟག་པ་ཉིད་དང་ཕུང་པོ་གསོབ་ཉིད་དང་ཕུང་པོ་སྙིང་པོ་མེད་པ་ཉིད་ལ་བདག་གི་སེམས་རབ་ཏུ་འཇུག་པ་དང་། དད་པ་དང་ཡང་དག་པར་གནས་པ་དང་། རྣམ་པར་གྲོལ་བར་གྱུར་ཏམ། ཅིག་བདག་འཆི་བའི་ཚེ་ཚངས་པ་མཚུངས་པར
201a8 སྤྱོད་པ་མཁས་པ་རྣམས་ཀྱིས་བདག་ལ་དྲིས་ན་ཡུལ་ཡུལ་པོ་མ་ཡིན་ཞིང་བག་ཚ་བ་མེད་པ་དང་། འཇིགས་པ་མེད་པར་ཡང་དག་པར་ལུང་སྟོན་པར་ལུང་བསྟན་པར་བྱ་བ་གང་ཡིན་པ་དགེ་སློང་གི་འབྲས་བུ་བཞི་ལས་འབྲས་བུ།
iiif viewer powered by OpenSeadragon
