| e-texts navigator |
| Wylie |
199b1 བར་བྱེད་པ་དང་གུས་པར་མིཉན་པ་དང་ཡོངས་སུ་མི་འདྲི་བ་དང་དབང་པོ་རྣམས་ཀྱི་སྒོམ་བསྲུངས་པ་དང་ཟས་ཀྱི་ཚོད་མི་རིག་པ་དང་དབེན་པ་ལ་མངོན་པར་མི་དགའ་བ་དང་ཇི་ལྟ་བ་བཞིན་ལ་སོ་སོར་མི་རྟོག་པའོ། ། མི་རྟག་པའི་འདུ་ཤེས་ཀྱི་བར
199b2 དུ་གཅོད་པ་ནི་འདུ་བྱེད་ལ་རྗེས་སུ་ཆགས་པའོ། ། མི་རྟག་པ་ལ་སྡུག་བསྔལ་བའི་འདུ་ཤེས་ཀྱི་བར་དུ་གཅོད་པའི་ཆོས་ནི་དྲུག་སྟེ། འདི་ལྟ་སྟེ། ལེ་ལོ་དང་འགྱོད་པ་དང་ཡལ་བ་དང་བག་མེད་པ་དང་མི་བརྩོན་པ་དང་ཇི་ལྟ་བ་བཞིན་སོ་སོར་མི
199b3 རྟོག་པའོ། ། སྡུག་བསྔལ་ལ་བདག་མེད་པའི་འདུ་ཤེས་ཀྱི་བར་དུ་གཅོད་པ་ནི་བདག་ཏུ་ལྟ་བའོ།། ཟས་ལ་མི་འཕྲོད་པའི་འདུ་ཤེས་ཀྱི་བར་དུ་གཅོད་པ་ནི་རོལ་སྲེད་པའོ།། འཇིག་རྟེན་ཐམས་ཅད་ལ་མངོན་པར་མི་དགའ་བའི་འདུ་ཤེས་ཀྱི་བར
199b4 དུ་གཅོད་པ་ནི་འཇིག་རྟེན་གྱི་སྣ་ཚོགས་དག་ལ་འདུན་པ་དང་འདོད་ཆགས་ཀྱི་རྗེས་སུ་ཆགས་པའོ། ། སྣང་བའི་འདུ་ཤེས་ཀྱི་བར་དུ་གཅོད་པའི་ཆོས་ནི་བཅུ་གཅིག་སྟེ། འདི་ལྟ་སྟེ། ཐེ་ཚོམ་དང་ཡིད་ལ་མི་བྱེད་པ་དང་ལུས་ཀྱི་གནས་ངན་ལེན
199b5 དང་གཉིད་དང་མུགས་པ་དང་ཧ་ཅང་བརྩོན་འགྲུས་དྲགས་པ་དང་། ཧ་ཅང་བརྩོན་འགྲུས་ཞན་པ་དང་དགའ་བ་དང་སྤོབས་པ་མེད་པ་དང་འདུ་ཤེས་སྣ་ཚོགས་དང་། ཧ་ཅང་སྨྲ་བ་མང་བ་དང་གཟུགས་རྣམས་ལ་ངེས་པར་རྟོག་པ་ཉིད་དོ།། །
199b6 འདོད་ཆགས་དང་བྲལ་བའི་འདུ་ཤེས་ཀྱི་བར་དུ་གཅོད་པ་ནི་ཀུན་དུ་འདོད་ཆགས་པའོ།། འགོག་པའི་འདུ་ཤེས་ཀྱི་བར་དུ་གཅོད་པ་ནི་ཆོས་ལ་མཚན་མའི་རྗེས་སུ་འབྲང་བའོ།། འཆི་བའི་འདུ་ཤེས་ཀྱི་བར་དུ་གཅོད་པ་ནི་གསོན་པ་ལ
199b7 འཆུམས་པའོ། ། ཚེ་དང་ལྡན་པ་དག་ཆོས་གསུམ་པོ་གཅེས་སྤྲས་བྱེད་པ་དང་། འདུན་པ་སྤོང་བ་དག་དེ་ལ་མང་དུ་གནས་པ་ནི་བར་དུ་གཅོད་པ་མ་བཅོམ་པ་དེ་དག་ཡང་དག་པར་འཇོམས་པའོ།། ཚེ་དང་ལྡན་པ་དག་ཆོས་བཅུ་བཞི་ནི
199b8 མི་སྡུག་པའི་འདུ་ཤེས་ལ་གཅེས་སྤྲས་བྱེད་པ་སྟེ། འདི་ལྟ་སྟེ། བུ་ད་མེད་དང་ལྷན་གཅིག་མི་གནས་པ་དང་དྲན་པ་ཉེ་བར་གནས་པས་བུད་མེད་ལ་ལྟ་བ་དང་བག་ཡོད་པ་དང་འདོད་ཆགས་ཤེས་ཆུང་པ་དང་སྡུག་པའི་མཚན་མའི་རྗེས
iiif viewer powered by OpenSeadragon
