| e-texts navigator |
| Wylie |
199a1 བ་ཡོངས་སུ་རྫོགས་པར་འགྱུར་རོ། ། ཚེ་དང་ལྡན་པ་དག་འཕགས་པ་ཉན་ཐོས་དེ་ལྟར་ཆོས་ཡང་དག་པར་ཉན་ན་སྒྲོགསལ་བ་ཡང་མཐོ་མི་འཚམ། ཆོས་ཀྱི་གཏམ་གྱི་རོ་ཡང་མྱོང་བར་འགྱུར། སྟེན་པ་ལ་ཡང
199a2 ཆོས་ཉིད་ཀྱིས་རིམ་གྲོ་བྱེད། བདག་གི་དོན་ཡང་རྗེས་སུ་འཐོབ། མྱ་ངན་ལས་འདས་པ་ཡང་འཐོབ་པར་འགྱུར། ཆོས་འདི་དག་ནི་དེའི་ཤེས་རབ་ཡོངས་སུ་སྨིན་པར་འགྱུར་བ་སྟེ། འདི་ལྟ་སྟེ། དགེ་བའི་བཤེས་གཉེན་ལ་སྟོན་པ
199a3 དང་དགེ་བའི་ངང་ཚུལ་ཅན་ཉིད་དང་སེམས་ཤེས་རབ་ཅན་ཉིད་དང་བཀའ་བློ་བདེ་བ་ཉིད་དང་གུས་པར་ཉན་པ་དང་ཡོངས་སུ་འདྲི་བ་དང་དམ་པའི་ཆོས་ཉན་པ་དང་དམ་པའི་ཆོས་རྟག་ཏུ་བྱེད་པ་དང་སྐྱེ་བར་བྱ་བའི་ཆོས་རྣམས་ལ་སྐྱོ་བ་དང་། དེ
199a4 བཞིན་དུ་ཀུན་དུ་སྐྱོ་བ་ལ་ཡང་ཚུལ་བཞིན་དུ་ཡིད་ལ་བྱེད་པ་དང་། མི་དགེ་བའི་ཆོས་ཐམས་ཅད་སྤོང་བས་དགེ་བའི་ཆོས་རྣམས་ལ་ཚུལ་བཞིན་དུ་རབ་ཏུ་འཇོག་པ་དང་དེ་རྣམ་པར་བྱང་བ་དང་ཏིང་ངེ་འཛིན་ལ་དབང་ཐོབ་ཅིང་ཚུལ་བཞིན
199a5 དུ་ཡང་ཡིད་ལ་བྱེད་པའོ། ། ཚེ་དང་ལྡན་པ་དག་འཕགས་པ་ཉན་ཐོས་དེ་ལྟར་ཡང་དག་པར་ཚུལ་བཞིན་ཡིད་ལ་བྱས་པའི་བདག་ཉིད་ཀྱིས་འདུ་ཤེས་བཅུ་པོ་འདི་ལྟ་སྟེ། མི་སྡུག་པའི་འདུ་ཤེས་དང་མི་རྟག་པའི་འདུ་ཤེས་དང་མི་རྟག་པ
199a6 ལ་སྡུག་བསྔལ་བའི་འདུ་ཤེས་དང་སྡུག་བསྔལ་ལ་བདག་མེད་པའི་འདུ་ཤེས་དང་ཟས་ལ་མི་འཕྲོད་པའི་འདུ་ཤེས་དང་འཇིག་རྟེན་ཐམས་ཅད་ལ་མངོན་པར་མི་དགའ་བའི་འདུ་ཤེས་དང་། སྣང་བའི་འདུ་ཤེས་དང་འདོད་ཆགས་དང་བྲལ
199a7 བའི་འདུ་ཤེས་དང་འགོག་པའི་འདུ་ཤེས་དང་འཆི་བའི་འདུ་ཤེས་བསྒོམ་པར་བྱའོ། ། ཚེ་དང་ལྡན་པ་དག་མི་སྡུག་པའི་འདུ་ཤེས་ཀྱི་བར་དུ་གཅོད་པའི་ཆོས་ནི་བཅུ་བཞི་སྟེ། འདི་ལྟ་སྟེ་བུད་མེད་དང་ལྷན་ཅིག་གནས་པ་དང་དྲན་པ་གཡེངས་པས
199a8 བུད་མེད་ལ་ལྟ་བ་དང་བག་མེད་པ་དང་འདོད་ཆགས་ཤས་ཆེ་བ་ཉིད་དང་སྡུག་པའི་མཚན་མའི་རྗེས་སུ་བརྩོན་པ་དང་མི་གཙང་བ་ལ་སོ་སོར་མི་རྟོག་པ་དང་ལས་ཀྱི་མཐའ་ལ་ཞུགས་པའི་གང་ཟག་དང་། ལྷན་ཅིག་སྦྱོར་བ་དང་དེ་དག་དང་འཐུན
iiif viewer powered by OpenSeadragon
