| e-texts navigator |
| Wylie |
164a1 རིས་སུ་སྐྱེ་བར་བྱའོ་སྙམ་པས་ཀྱང་མ་ཡིན་ནོ། ། བདག་མཐོ་རིས་དང་ངན་སོང་གར་འདོད་པར་སྐྱེ་བར་བྱའོ་སྙམ་པས་ཀྱང་མ་ཡིན་ནོ།། ཅི་ཡང་མ་བྱས་ཏེ་རྒྱུ་རྐྱེན་ལ་བརྟེན་མི་དགོས་པར་སྐྱེའོ་སྙམ་པས་ཀྱང་མ
164a2 ཡིན་ནོ། ། ཕུང་པོ་འདི་ཞིག་སྟེ་ཤི་ནས་ཅི་ཡང་མེད་དོ་ཞེས་སྨྲ་བ་ཡང་མ་ཡིན་ནོ།། འདིར་ཚེ་འཕོས་ནས་ཕ་རོལ་ན་གཤིན་གྱི་ཁམས་སུ་མ་ཆགས་སུ་མཆིས་པས་འདི་ན་ཅི་སྤྱོད་པ་བྱེད་དེ་སྐྱེ་བ་མི་ལེན་ཞེས་ཟེར་བ་ཡང་མ་ཡིན་ནོ།།
164a3 ཚེ་འདིའི་རྣམ་པར་ཤེས་པ་མ་འགགས་པར་རྣམ་པར་ཤེས་པས་སྐྱེ་བ་ལེན་ཞེས་ཟེར་བ་ཡང་མ་ཡིན་ནོ།། འདི་དང་ཕ་རོལ་གཉིས་གར་ཕུང་པོ་དུས་གཅིག་ཡོད་ཅེས་ཟེར་བ་ཡང་མ་ཡིན་ནོ།། གྲུམ་པོ་ལས་གྲུམ་པོར་སྐྱེ། དཀར་པོ་ལས
164a4 དཀར་པོར་སྐྱེ་ཞེས་བྱ་བ་ལ་སོགས་པ་ཡང་མ་ཡིན་ནོ། ། ལྷ་ཚེ་འཕོས་པ་ཡང་ལྷར་སྐྱེའོ།། མི་ཚེ་འཕོས་པ་ཡང་མིར་སྐྱེའོ།། ཞེས་ཟེར་བ་ཡང་མ་ཡིན་ནོ།། དགེ་བས་ངན་སོང་དང་། མི་དགེ་བས་མཐོ་རིས་སུ་འགྲུབ་ཅེས་ཟེར་བ་ཡང་མ
164a5 ཡིན་ནོ། ། ཤེས་པ་གཅིག་ལས་མང་པོ་འཕེལ་བ་ཡང་མ་ཡིན་ནོ།། དགེ་བ་མ་བྱས་ཀྱང་ལྷར་སྐྱེ་བ་དང་། མི་དགེ་བ་མ་བྱས་ཀྱང་ངན་སོང་དུ་སྐྱེ་བ་ཡང་མ་ཡིན་ནོ།། སྐྱེ་བ་མི་བྱེད་པ་པོས་བྱས་པ་ཡང་མ་ཡིན་ནོ།། དེ་དག་ཅིའི་ཕྱིར་མ་ཡིན
164a6 ཞེ་ན་ཁ་དོན་གྱི་དཔེལ་གང་དག་གིས་རྣམ་པར་ཤེས་པ་འདི་མ་འགགས་པར་ཕ་རོལ་ཏུ་སྐྱེ་བ་ལེན་ནོ་ཞེས་ཟེར་བའི་སྐྱོན་བསལ་བའི་ཕྱིར་ས་བོན་གྱི་དཔེ་བསྟན་ཏེ། ས་བོན་དེ་མ་རུལ་བར་མྱུ་གུ་སྐྱེ་ན་ནི་བདག་ཏུ་སྨྲ་བ་དག་བདེན་ན
164a7 ས་བོན་དེ་རུལ་ནས་སྔ་མ་ལས་གྱུར་ཏེ་མི་འདྲ་བར་གྱུར་པ་ལས་མྱུ་གུ་སྐྱེའོ། ། མར་མའི་དཔེ་ལ་གང་གིས་མར་མ་གཅིག་ལས་གཅིག་སྤར་ན་གཉིས་ཡོད་པས་འདི་དང་ཕ་རོལ་གཉི་གར་ཕུང་པོ་དུས་གཅིག་ཡོད་དོ་ཞེས་ཟེར་པའི་སྐྱོན་བསལ
164a8 བའི་ཕྱིར་སྒྲའི་དཔེ་བསྟན་ཏེ། བྲག་ཅ་ནི་མིས་མ་བརྗོད་པར་སྒྲ་མི་གྲག་སྟེ། དུས་གཅིག་ཏུ་མི་འབྱུང་བས་ཕུང་པོ་ཡང་དུས་གཅིག་ཏུ་མི་འབྱུང་ངོ་།། མེ་ལོང་གི་དཔེ་ལ་འདྲ་བའི་ཕྱིར་གྲུམ་པོ་ལས་གྲུམ་པོར་སྐྱེ་བ་དག་དགག་པའི་ཕྱིར་མེ་ཤེལ་གྱི་དཔེ
iiif viewer powered by OpenSeadragon
