| e-texts navigator |
| Wylie |
159a1 ཚེ་འཕོས་པ་དེའི་ཆ་ལུགས་དང་གཏམ་དག་བྱེད་ཅིང་སྤྲུལ་པ་སྟོན་པ་ཡང་ཡོད་དོ།། ཀྱེ་རྒྱལ་པོ་ཆེན་པོ་འདི་ལ་གཞན་ཡང་ཡོད་དོ།། དྲི་ཟ་ལས་མ་ཏོགས་པ་གཞན་ཡང་གནོད་སྦྱིན་དང་། ཤ་ཟ་དང་། འབྱུང
159a2 པོ་ལ་སོགས་པས་ཚེ་འཕོས་པའི་ཕ་མའས། ། བུ་འམ། སྔུན་ལ་སོགས་པ་བསླུ་བའི་ཕྱིར་མི་མ་ཡིན་པ་དེ་ཡིས་འཇིག་རྟེན་པའི་རྫུ་འཕྲུལ་གྱིས་ཚེ་འཕོས་པའི་གཏན་ཚིགས་དང་། ས་མལ་དང་། ལོ་རྒྱུས་དག་ཤེས་པར
159a3 བྱས་ནས་མི་མ་ཡིན་པ་དེའི་བྱིན་གྱིས་ཕ་མ་ལ་སོགས་པས་མཐོང་བ་དང་། རྨི་ལམ་དུ་བྱུང་བ་ཡང་ཡོད་དོ།། ཀྱེ་རྒྱལ་པོ་ཆེན་པོ་འདི་ལ་གཞན་ཡང་ཡོད་དེ། སྤད་དང་སྤུན་ལ་སོགས་པ་ཡུན་རིང་པོར་ལྷན་ཅིག་པའི་བག་ཆགས་ཉས་པས
159a4 མཐོང་བ་དང་རྨི་ལམ་དུ་སྣང་བ་ཡང་ཡོད་དེ། དཔེར་ན་མི་ཞིག་གིས་ད་ལྟར་ཚམ་འཕོས་པའི་རང་གི་ཕ་མའམ། སྤུན་ཟླ་འམ། བྲན་སོལ་ལམ། གཞན་སུ་ཡང་རུང་བ་དག་དང་འགྲོགས་པ་དང་། ལོངས་སྤྱོད་ཀྱི་བདེ་བ་འམ་དགྲ་ཀུན་དང
159a5 འཐབ་རྩོད་ལ་སོགས་པ་བདེ་བ་དང་། སྡུག་བསྔལ་གར་ཡང་རུང་བ་དག་རྨིས་ན་མི་དེས་རྨིས་པ་བཞིན་དུ་གང་རྨིས་པའི་ཕ་མ་འམ།། སྤུན་ཟླ་འམ། བྲན་ཁོལ་ལམ། གཞན་སུ་ཡང་རུང་བ་རྨི་ལམ་ན་སྣང་བ་དེས་ཚོང
159a6 བ་ཡོད་ན་ནི་རྨིས་པ་དེ་བདེན་པ་ཡིན་ནི་དེས་སྨིས་པའི་ཕ་མ་འམ། སྤུན་ཟླ་འམ། བྲན་ཁོལ་ལམ། གཞན་སུ་ཡང་རུང་བ་རྨི་ལམ་ན་སྣང་བདེ་བདེན་པར་ཇི་ལྟར་བཟུང་། ཀྱེ་རྒྱལ་པོ་ཆེན་པོ་ཚེ་མ་འཕོས་པ་ཡང་གཅིག
159a7 གིས་རྨིས་པ་གཅིག་གིས་མི་ཚོར་ན་ཚེ་འཕོས་པའི་རྨིས་པ་ཚེ་འཕོས་པ་དེ་ཡིན་པར་ག་ལ་འགྱུར་ཏེ་བག་ཆགས་རྟས་པ་ཡིན་ན། ། ཀྱེ་རྒྱལ་པོ་ཆེན་པོ་བག་ཆགས་ལགས་པའི་དཔེ་ནི་གཞན་ཡང་མཆིས་ཏེ།
159a8 མི་ཞིག་སྔོན་ཆ་སྟོད་ལ་མཆིས་པའི་མཁར་དང་། ཁང་པ་དང་། གྲོང་གང་ཡིན་པ་ཞིག་བོར་ཏེ། ཡུལ་གཞན་ཞིག་ཏུ་ཚེ་སྨད་ལ་འདུག་པ་ན་སྔོན་གྱི་གྲོང་དེ་ཡང་ཞིག་སྟེ། སྔོན་མི་འདྲ་བ་ལས་མི་དེས་སྔོན་གྱི་ཁང་པར
iiif viewer powered by OpenSeadragon
