| e-texts navigator |
| Wylie |
131b1 དབྱེབ་མིང་གི་དགེ་སློང་གང་ཡིན་དང་།། རྟགས་ཙམ་འཛིན་དང་ཡང་དག་དགེ་སློང་སྟེ།། སྒྲ་འཇུག་རྣམ་པར་ཟད་ཕྱིར་དང་།། དགེ་བ་སློང་དང་ཟད་སྲོང་དང་།། ཞི་བར་གནས་དང་ལམ་ཞུགས་དང་།། ལེགས་པར་འཚོ་དང་ཆགས་སྤངས་དང་།། ཡིད་འོང་མར་ན
131b2 དགེ་སློང་ངོ་། ། དགེ་སློང་ཞེས་བྱ་བརྒྱན་པ་ས།། རྒྱན་སྤངས་རྒྱན་གྱིས་ལེགས་པར་རྒྱན།། ཆགས་སྤངས་ཆགས་པ་ཆེན་པོས་སྤྱད།། བྱུག་པ་ཁྲུས་དང་བཟའ་བ་དང་། རྒྱན་དང་གོས་དང་ཁ་དོག་དང་། རྟ་དང་གླང་པོ་ཁྱོགས་སོགས་ཀྱི།། བཞོན་པ་ཐ་མེད་ད་པ
131b3 བཞེད། ། དེ་དག་འབྱོར་པ་དགེ་སློང་སྟེ།། དེ་དག་མི་འབྱོར་དགེ་སློང་མིན།། དེ་ནས་ཉེ་བར་འཁོར་དེ་ཡིས།། བཅོམ་ལྡན་འདས་ལ་འདི་སྐད་གསོལ།། ཅི་བདེ་བར་གཤེགས་པ་ཡིས།། སྐ་དབྱིངས་རྟོགས་པར་དཀའ་བ་གསུངས།། དེ་ཉིད་བདེ་བར་གཤེགས་པ་ཡིས།།
131b4 ཚིག་གི་མུན་པ་ཚིག་གི་ནི།། མང་མེས་གསལ་བར་མཛད་དུ་གསོལ།། བཅོམ་ལྡན་འདས་ཀྱིས་བཀའ་སྩལ་པ།། གསེར་ལོ་སོགས་པ་འཇིག་རྟེན་རྒྱན།། རབ་ཏུ་སྤངས་པས་སྙིང་རྗེ་ཡི།། བརྒྱན་གྱིས་མཆོག་གིས་བརྒྱན་པར་བྱ། འཇིག་རྟེན་མ་ཡིན
131b5 བསླབ་པ་ཡི། ། གོས་གྱོན་གོས་མཆོག་བཟང་པོ་ཡིན།། ག་བུར་ལ་སོགས་མ་ཡིན་པའི།། ཚུལ་ཁྲིམས་བྱུག་པ་མཆོག་གིས་བྱུག། དཀར་དམར་ལ་སོགས་མ་ཡིན་པའི།། དད་པའི་ཁ་དོག་རྣམ་པར་མཛེས།། འཇིག་རྟེན་མ་ཡིན་བརྩོན་འགྲུས་ཀྱི
131b6 བཞོན་པ་བླ་མེད་མགྱོགས་པའི་མཆོག། བསམ་གཏན་ཆོས་སྤྱོད་ཟས་མཆོག་ནི།། འབྲས་ཆན་པས་ནི་རོ་མཆོག་ལྡན།། དགེ་འདུན་ཚོགས་ཀྱི་གཞལ་ཡས་ཁང་།། ཞི་གནས་སྟན་ལ་རབ་ཏུ་སྤྱད།། དེ་དག་ལྡན་ཞིང་ཕྱིར་མི་ལྡོག། དེ་ནི
131b7 ཡང་དག་དགེ་སློང་ཡིན། ། གཙོ་བོ་གསུམ་དང་འཁོར་ལྡང་ལྡན།། དྲང་སྲོང་སྣང་བཅས་ཁར་བསིལ་ལྡན།། ལུས་ངག་ཡིད་གསུམ་རྣམ་པར་བསྡམས།། རང་གི་སྤྱོད་པ་བཏུལ་ཞུགས་བསྟན།། དེ་ཡང་ཡང་དག་དགེ་སློང་ཡིན།། དེ་གཉིས
131b8 ཐར་པའི་ཀོང་ཁྱེར་ལ། ། བསྙེན་པས་ཐར་པའི་བདེ་བའི་མཆོག། ཡང་དག་མ་ཡིན་གཅིག་ཤོས་ནི།། ལྷུང་བཟེད་ལ་སོགས་རབ་འབར་བས།། དམྱལ་བར་ཁྲོ་ཆུ་ལྟ་བུར་ནི།། བསྐལ་པ་སྟོང་ཕྲག་བཞི་རུ་འཚེད
iiif viewer powered by OpenSeadragon
