| e-texts navigator |
| Wylie |
324b1 འདེབས་པ་མ་ཡིན། ཐལ་བར་སྨྲ་བ་མ་ཡིན། དེ་ནི་གསུངས་པ་བཞིན་སྨྲ་བ་ཡིན། ཆོས་དང་འཐུན་པའི་ཆོས་ལུང་སྟོན་པ་ཡིན་ཏེ། དེ་དག་གི་དྲུང་དུ་ཕ་རོལ་པོ་ཆོས་དང་འཐུན་པའི་རྩོད་པའི་རྗེས་སུ་རྩོད་པ་འོངས་ན་སྨོད་པའི་ཆོས།
324b2 ཀྱི་གནས་སུ་མི་འགྱུར་རོ།། རྒྱལ་པོ་ཆེན་པོ་དེ་ཅིའི་ཕྱིར་ཞེ་ན། ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་སངས་རྒྱས་སོ།། ཤེས་ལྡན་གཽ་ཏ་མ་དེ་སྐད་མོད་ཀྱི་ཤེས་ལྡན་གཽ་ཏ་མ་ལ་བདག་ཉིད་མི་ཆེས་ལགས
324b3 སོ། ། དེ་ཅིའི་ཕྱིར་ཞེ་ན། ཀྱེ་གཽ་ཏ་མ་རེ་ཤིག་རྒན་ཞིང་རྒན་པའི་དགེ་སྦྱོང་དང་། བྲམ་ཟེ་ནི་འདི་དག་ལགས་ཏེ། འདི་ལྟ་སྟེ། འོད་སྲུང་རྫོགས་བྱེད་དང་། ཀུན་དུ་རྒྱུ་གནག་ལྷས་ཀྱི་བུ་དང་། སྨྲ་འདོད་ཀྱི་བུ་མོའི་བུ་ཡང་དག་རྒྱལ་བ་ཅན་དང་།།
324b4 མི་ཕམ་སྐྲའི་ལ་བ་ཅན་དང་། ཀ་ཏྱཱའི་བུ་ནོག་ཅན་དང་། གཅེར་བུ་པ་གཉེན་གྱི་བུ་གང་ལགས་པ་དེ་དག་ཀྱང་ད་དུང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པར་བདག་ཉིད་གཡར
324b5 གྱིས་མི་མཆེ་ལགས་ན། ཤེས་ལྡན་གཽ་ཏ་མ་འཁྲུངས་ནས་རིང་པོ་མ་ལགས་པ་གསར་དུ་རབ་ཏུ་འབྱུང་བས་ལྟ་སྨོས་ཀྱང་ཅི་འཚལ། རྒྱལ་པོ་ཆེན་པོ་གཞོན་ནུ་བཞི་པོ་འདི་དག་ལ་ཁྱད་དུ་གསད་པར་མི་བྱ། ཟིལ་གྱིས་གནན་པར་མི
324b6 བྱ་སྟེ། བཞི་གང་ཞེ་ན། རྒྱལ་པོ་ཆེན་པོ་རྒྱལ་རིགས་གཞོན་ནུ་ཁྱད་དུ་གསད་པར་མི་བྱ། གཞོན་ནུ་ལ་ཟིལ་གྱིས་གནན་པར་མི་བྱའོ།། རྒྱལ་པོ་ཆེན་པོ་སྦྲུལ་གཞོན་ནུ་ལ་ཁྱད་དུ་གསད་པར་མི་བྱ། གཞོན་ནུ་ལ་ཟིལ་གྱིས་གནན་པར
324b7 མི་བྱའོ། ། རྒྱལ་པོ་ཆེན་པོ་མེ་ཆུང་ངུལ་ཁྱད་དུ་གསད་པར་མི་བྱ། ཟིལ་གྱིས་གནན་པར་མི་བྱའོ།། རྒྱལ་པོ་ཆེན་པོ་དགེ་སློང་གཞོན་ནུ་ལ་ཁྱད་དུ་གསད་པར་མི་བྱ། གཞོན་ནུ་ལ་ཟིལ་གྱིས་མནན་པར་མི་བྱའོ།། དེ་ཅིའི་ཕྱིར་ཞེ་ན། དགེ
324b8 སློང་གཞོན་ནུར་གྱུར་ཀྱང་དེ་རྫུ་འཕྲུལ་ཆེ་ཞིང་མཐུ་ཆེ་བའི་དགྲ་བཅོམ་པར་འགྱུར་རོ། ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས་ནི་བདེ་གཤེགས་ཀྱིས།། དེ་སྐད་ཅེས་ནི་བཀའ་སྩལ་ནས། སྟོན་པས་གཞན་ཡང་འདི
iiif viewer powered by OpenSeadragon
