| e-texts navigator |
| Wylie |
323a1 བ་ན་བཞུགས་ཏེ། ཀུ་ཤིའི་གྲོང་ཁྱེར་ནས་སྐྱེས་པའི་གྱད་རྣམས་རྫུ་འཕྲུལ་ཆེན་པོས་འདུན་པར་མཛད་ནས་རིང་པོ་མི་ཐོགས་པར་དཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས
323a2 འདའ་བར་འགྱུར་གྱིས། གང་འོ་ན་བདག་ཅག་དོང་ནས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ཐ་མར་བལྟ་བའི་ཕྱིར་འདོད་དོ་སྙམ་མོ།། དེ་ནས་འཁོར་གྱི་བདག་པོ
323a3 ཚངས་པ་དང་། ལྷ་རྣམས་ཀྱི་དབང་པོ་བརྒྱ་བྱིན་རང་གི་རིས་ནས་མི་སྣང་བར་གྱུར་ཏེ། འདོད་པ་ནི་སྤྱོད་པ་དང་། གཟུགས་ནི་སྤྱོད་པའི་ལྷ་རྣམས་དང་ལྷན་ཅིག་བཅོམ་ལྡན་འདས་ཀྱི་སྤྱན་སྔར་འཁོད་དོ།། འཁོར་གྱི་བདག་པོ་ཚངས
323a4 པ་ཕྱོགས་གཅིག་ཏུ་འདུག་པས་དེའི་ཚེ་ཚིགས་སུ་བཅད་པ་དག་གསོལ་པ། རྫོགས་པའི་སངས་རྒྱས་གྲགས་ལྡན་པ།། དེ་དག་མཐོང་བ་རྙེད་པར་དཀའ།། ཨུ་དུམ་བ་རའི་མེ་ཏོག་བཞིན། བསྐལ་པ་བྱེ་བར་རྙེད་པར་དཀའ།།
323a5 ཤཱཀྱ་སེང་གེ་མི་ཡི་མཆོག། སྟོན་ཁྱོད་དེ་བཞིན་རྙེད་པར་དཀའ།། གཟུགས་ན་སྤྱོད་པའི་ལྷར་བཅས་ཏེ། ཐལ་མོ་རབ་སྦྱར་ཁྱོད་ལ་འདུད།། ལྷ་རྣམས་ཀྱི་དབང་པོ་བརྒྱ་བྱིན་ཕྱོགས་གཅིག་ཏུ་འདུག་པས་དེའི་ཚེ་ཚིགས་སུ་བཅད
323a6 པ་དག་གསོལ་པ། ། བདག་གི་ཆོས་མིག་རྣམ་པར་དག། སྙིང་ལ་ཆོས་ཀྱི་སྒྲོན་མོ་འབར།། ངན་སོང་སྒོ་རྣམས་བཅད་ལེགས་ཏེ།། བདག་ལ་ངན་འགྲོའི་འཇིགས་མ་མཆིས། ཨེ་མའོ་སྟོན་པ་ཐུགས་རྗེ་ཅན།། ཕན་པར་བཞེད
323a7 དང་ཐུགས་བརྩེ་བ། ། འདོད་པར་སྤྱོད་པའི་ལྷར་བཅས་ཏེ།། ཐལ་མོ་རབ་སྦྱར་ཁྱེད་ལ་འདུང་།། མི་ཐོགས་ཡོངས་སུ་མྱ་ངན་འདའ།། ཁྱོད་ལ་ཐ་མར་ལྟ་བ་ལགས། འཁོར་གྱི་བདག་པོ་ཚངས་པ་དང་།། ལྷ་རྣམས་ཀྱི་དབང
323a8 པོ་བརྒྱ་བྱིན་གྱིས་དེ་སྐད་ཅེས་གསོལ་ནས། བཅོམ་ལྡན་འདས་ཀྱི་ཞབས་གཉིས་ལ་མིག་བོས་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་བཅོམ་ལྡན་འདས་ཀྱི་ཐད་ནས་ཞལ་དུ་ཕྱོགས
iiif viewer powered by OpenSeadragon
