| e-texts navigator |
| Wylie |
315a1 ཡལ་ག་དང་། ཤིང་གི་དུམ་བུ་ཆེ་གེ་མོ་ལས་ཆར་འབབ་པའོ།། འདི་ནི་བ་ལང་སྤྱོད་པ་དང་། ཤར་གྱི་ལུས་འཕགས་དང་། བྱང་གི་སྒྲ་མི་སྙན་གྱི་གླིང་ནས་ཆར་བབ་པའོ།། གྲོང་ཆེ་གེ་མོ་དང་། གྲོང་རྡལ་ཆེ་གེ་མོ་དང་། ལྗོངས
315a2 གེ་མོ་དང་། ལྗོངས་ཀྱི་ཕྱོགས་ཆེ་གེ་མོ་དང་། ཤིང་ལྗོན་པ་ཆེ་གེ་མོ་དང་། སྡོང་པོ་ཆེ་གེ་མོ་དང་། ཡལ་ག་དང་། མདབ་མ་དང་། མེ་ཏོག་དང་། འབྲས་བུ་དང་། རྩཝ་དང་། ཤིང་དང་། ཡལ་ག་དང་། ཤིང་གི་དུམ་བུ་ཆེ་གེ་མོ་ལས
315a3 ཆར་བབ་པའོ། ། ནས་ཡོངས་སུ་གཅོད་པར་མཛད་དེ། ཆུའི་ཐིགས་པ་དེ་ཡང་རྡུལ་ཕྲ་རབ་ཙམ་དུ་ཡོངས་སུ་བཅོད་པར་མཛད་དོ།། གནས་འཇོག་གི་རྒྱུད་དག་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི
315a4 སངས་རྒྱས་དག་ནི་བསྒོམ་པའི་སྟོབས་དེ་ལྟ་བུ་དང་ལྡན་པ་དག་ཡིན་ཞིང་། གང་དག་འདས་པ་དག་དང་། གང་དག་མ་བྱོན་པ་དག་དང་། གང་ཡང་ད་ལྟར་བྱུང་བའི་དུས་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར
315a5 རྫོགས་པའི་སངས་རྒྱས་ཐམས་ཅད་མཉམ་པ་དང་མཉམ་པ་སྟེ། མཚན་མཉམ་པ། ཡོན་ཏན་མཚུངས་པ་མཉམ་པ། བསོད་ནམས་ཀྱི་འབྲས་བུ་རྣམ་པར་སྨིན་པ་མཉམ་པ་དག་ཡིན་གྱི་རྒྱུ་གསུམ་པོ་རིགས་དང་།
315a6 སྐུ་ཚེ་དང་། སྐུ་ལུས་ཀྱི་མཉམ་པ་དག་ནི་མ་ཡིན་ནོ།། གནས་འཇོག་གི་རྒྱུད་དག་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དག་ནི་སྟོབས་བཅུ་གཞན་དག་དང་ལྡན་ཞི་བ་དག་ཡིན
315a7 ཞིང་། ཁྱུ་མཆོག་གི་གནས་རླབས་པོ་ཆེ་ནལ་གྱིས་འཆེ་སྟེ། ཚངས་པའི་འཁོར་ལོ་རབ་ཏུ་སྐོར་ཞིང་འཁོར་གྱི་ནང་དུ་ཡང་དག་པར་སེང་གེའི་སྒྲ་སྒྲོགས་པར་མཛད་ཅིང་། གང་དག་འདས་པ་དག་དང་། གང་དག་མ་བྱོན་པ་དག་དང་།
315a8 གང་ཡང་དད་ལྟར་བྱུང་བའི་དུས་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པར་སངས་རྒྱས་པའི་སངས་རྒྱས་ཐམས་ཅད་མཉམ་པ་དང་མཉམ་པ་སྟེ། མཚན་མཉམ་པ། ཡོན་ཏན་མཚུངས་པ་མཉམ་པ
iiif viewer powered by OpenSeadragon
