| e-texts navigator |
| Wylie |
313b1 ཆུ་ཤིང་གི་མདབ་མ་བསྒྱུར་བར་བགྱིད་པ་ན་འདུ་ཤེས་མཆོག་ཏུ་ཡང་བ་དང་ལྡན་པར་བགྱིད་ལགས་སོ།། བཙུན་པ་དེ་བཞིན་དུ་བདག་ས་ཆེན་པོ་བསྒྱུར་བར་བགྱིད་པ་ན། འདུ་ཤེས་མཆོག་ཏུ་ཡང་བ་དང་ལྡན་པར་བགྱིད་ལགས་སོ།། དེ་ལ་ཡང
313b2 འདི་སྐད་ཅེས་བཀའ་སྩལ་ཏོ། ། མོ་འགལ་གྱི་བུ་ལེགས་སོ་ལེགས་སོ།། མཽད་གལ་གྱི་བུ་ཁྱོད་ཀྱིས་རྫུ་འཕྲུལ་དེ་དང་ཐབས་དེས་ས་ཆེན་པོ་ནི་བསྒྱུར་བར་ནི་ནུས་པར་གྱུར་ནས་ཆེན་པོ་བསྒྱུར་བར་དེ་བཞིན་གཤེགས་པ་ཁྱོད་ལ་གནང
313b3 བམི་མཛད་དོ། ། མཽད་གལ་གྱི་བུ་དེ་ཅིའི་ཕྱིར་ཞེ་ན། སེམས་ཅན་གང་ཕལ་ཆེར་ཁ་ཟས་ཀྱི་རོལ་ཆགས་ཤིང་། ཁ་ཟས་ཀྱི་རོལ་རྨོངས་ཏེ། ཀུན་དུ་གཏི་མུག་པར་འགྱུར་རོ།། མཽད་གལ་གྱི་བུ་དེ་ཅིའི་ཕྱིར་ཞེ་ན། ས་ཆེན་པོའི་སྟེང་ནས
313b4 ལས་བྱུང་བའི་རོའི་ཁམས་གྱ་ནོམ་པ་དེ་ཡང་ཡུན་རིང་དུ་མི་གནས་ཏེ། རིང་པོ་མ་ཐོགས་པར་དེ་ས་ཆེན་པོའི་སྟེང་ན་ཐམས་ཅད་ཀྱི་ཐམས་ཅད་དུ་ནུབ་པར་འགྱུར་རོ།། དེའི་ཕྱིར་སེམས་ཅན་དང་། འབྱུང་པོ་དང་། སྲོག་ཆགས་དེ
313b5 ངག་ཀྱང་ཁ་ཟས་ཀྱི་རོ་ལ་ཆགས་ཤིང་། ཁ་ཟས་ཀྱི་རོ་ལ་རྨོངས་ཏེ། མཆོག་ཏུ་མྱོས་པར་འགྱུར་བ་འམ། སྲོག་ཆད་ནས་ཤི་བའི་དུས་བྱེད་པར་འགྱུར་ཏེ། མཽད་གལ་གྱི་བུ་དེའི་ཕྱིར་ས་ཆེན་པོ་སྒྱུར་བར་དེ་བཞིན་གཤེགས་པ
313b6 ཁྱོད་ལ་གནང་བར་མི་མཛད་དོ། ། གནས་འཇོག་གི་རྒྱུད་དག་དགེ་སློང་མོད་འགལ་གྱི་བུ་ནི་རྫུ་འཕྲུལ་གྱི་སྟོབས་དེ་ལྟ་བུ་དང་ལྡན་ནོ།། གནས་འཇོག་གི་རྒྱུད་དག་འདི་ལྟ་སྟེ། རྣམ་པར་སྣང་བྱེད་ཀྱི་ཉི་མ་དག་ནི་ཀུན་དུ་འགྲོ་བ་ན་ཕྱོགས
313b7 སྣང་བར་བྱེད་དོ། ། དེ་སྲིད་དུ་སྟོང་དུ་འཇིག་རྟེན་ན་ཟླ་བ་སྟོང་དང་། ཉི་མ་སྟོང་དང་། རིའི་རྒྱལ་པོ་རི་རབ་སྟོང་དང་། ཤར་གྱི་ལུས་འཕགས་སྟོང་དང་། བ་ལང་སྤྱོད་སྟོང་དང་། བྱང་གི་སྒྲ་མི་སྙན་སྟོང་དང་། འཛམ་བུའི་གླིང་སྟོང་དང་།
313b8 རྒྱལ་ཆེན་བཞིའི་རིས་ཀྱི་ལྷ་སྟོང་དང་། སུམ་ཅུ་རྩ་གསུམ་པ་དང་། འཐབ་བྲལ་དག་དང་། དགའ་ལྡན་དག་དང་། འཕྲུལ་དགའ་དག་དང་། གཞན་འཕྲུལ་དབང་བྱེད་ཀྱི་ལྷ་སྟོང་དང་། ཚངས་པའི་འཇིག་རྟེན་སྟོང་པོ་འདི་ནི་སྟོང
iiif viewer powered by OpenSeadragon
