| e-texts navigator |
| Wylie |
310b1 གཞན་འཕྲུལ་དབང་བྱེད་ཀྱི་ལྷ་བྱེ་བ་ཕྲག་འབུམ་གྱི་བསོད་ནམས་གང་ཡིན་པ་དེ་ལྷའི་བུ་དབང་སྒྱུར་གྱི་བསོད་ནམས་དག་ཏུ་ངེས་པར་བརྟག་པར་བྱས་ཀྱང་བརྒྱའི་ཆར་ཡང་ཉེ་བར་མི་འགྲོའོ།། སྟང་གི་ཆ་དང་། བརྒྱ་སྟོང་གི་ཆ་དང་། གྲངས
310b2 དང་། ཆ་དང་། བགྲང་བ་དང་དཔེ་དང་། རྒྱུར་ཡང་ཉེ་བར་མི་འགྲོའོ།། ལྷའི་བུ་དབང་སྒྱུར་དག་བྱེ་བ་ཕྲག་འབུམ་གྱི་བསོད་ནམས་གང་ཡིན་པ་དེ་ཚངས་རིས་ཀྱི་ལྷ་རྣམས་ཀྱི་བསོད་ནམས་དག་ཏུ་ངེས་པར་བརྟག་པར་བྱས་ཀྱང་བརྒྱའི་ཆར་ཡང
310b3 ཉེ་བར་མི་འགྲོའོ། ། སྟོང་གི་ཆ་དང་། བརྒྱ་སྟོང་གི་ཆ་དང་། གྲངས་དང་། ཆ་དང་། བགྲང་བ་དང་། དཔེ་དང་། རྒྱུར་ཡང་ཉེ་བར་མི་འགྲོའོ།། ཚངས་རིས་ཀྱི་ལྷ་དག་བྱེ་བ་ཕྲག་འབུམ་གྱི་བསོད་ནམས་གང་ཡིན་པ་དེ་འཁོར་གྱི་བདག་པོ་ཚངས
310b4 པའི་བསོད་ནམས་དག་ཏུ་ངེས་པར་བརྟག་པར་བྱས་ཀྱང་བརྒྱའི་ཆར་ཡང་ཉེ་བར་མི་འགྲོའོ། ། སྟོང་གི་ཆ་དང་། བརྒྱ་སྟོང་གི་ཆ་དང་། གྲངས་དང་། ཆ་དང་བགྲང་བ་དང་། དཔེ་དང་། རྒྱུར་ཡང་ཉེ་བར་མི་འགྲོའོ།། ཚངས་རིས་དག་ཇི་ལྟར་བ
310b5 ཚངས་པའི་མདུན་ན་འདོན་དག་དང་། ཚངས་པ་ཆེན་པོ་དག་དང་། འོད་ཆུང་དག་དང་། ཚད་མེད་འོད་དག་དང་། འོད་གསལ་དག་དང་། དགེ་ཆུང་དག་དང་། ཚད་མེད་དགེ་དག་དང་། དགེ་རྒྱས་དག་དང་། སྤྲིན་མེད་དག་དང་། བསོད་ནམས
310b6 སྐྱེས་དག་དང་། འབྲས་བུ་ཆེ་དག་དང་། མི་ཆེ་དག་དང་། མི་གདུང་དག་དང་། གྱ་ནོམ་སྣང་དག་དང་། ཤིན་དུ་མཐོང་དག་དང་། འོག་མིན་དག་ཀྱང་དེ་བཞིན་ནོ།། འོག་མིན་གྱི་ལྷ་དག་བྱེ་བ་ཕྲག་འབུམ་གྱི་བསོད་ནམས་གང་ཡིན་པ་དེར
310b7 སངས་རྒྱས་བསེ་རུ་ལྟ་བུ་གཅིག་གི་བསོད་ནམས་དག་ཏུ་ངེས་པར་བརྟག་པར་བྱས་ཀྱང་བརྒྱའི་ཆར་ཡང་ཉེ་བར་མི་འགྲོའོ། ། སྟོང་གི་ཆ་དང་། བརྒྱ་སྟོང་གི་ཆ་དང་གྲངས་དང་། ཆ་དང་། བགྲང་བ་དང་། དཔེ་དང་། རྒྱུར་ཡང་ཉེ་བར་མི་འགྲོལ
310b8 རང་སངས་རྒྱས་བསེ་རུ་ལྟ་བུ་དག་བྱེ་བ་ཕྲག་འབུམ་གྱི་བསོད་ནམས་གང་ཡིན་པ་དེ་བྱང་ཆུབ་སེམས་དཔའ་བྱམས་པ་གཅིག་གི་བསོད་ནམས་དག་ཏུ་ངེས་པར་རྟག་པར་བྱས་ཀྱང་། བརྒྱའི་ཆར་ཡང་ཉེ་བར་མ་འགྲོའོ།། སྟོང་གི་ཆ
iiif viewer powered by OpenSeadragon
