| e-texts navigator |
| Wylie |
308a1 ལྡན་པའི་སྟོབས་ཀྱང་དེ་བཞིན་ནོ། ། ཀུ་མུ་དའི་སྤོས་ཀྱི་གླང་པོ་ཆེའི་སྟོབས་གང་ཡིན་པ་དེ་པད་མའི་གླང་པོ་ཆེ་གཅིག་གི་སྟོབས་སོ།། པད་མའི་གླང་པོ་ཆེ་བཅུའི་སྟོབས་གང་ཡིན་པ་དེ་པད་མ་ཆེན་པོའི་གླང་པོ
308a2 གཅིག་གི་སྟོབས་སོ། ། པད་མ་ཆེན་པོའི་གླང་པོ་ཆེ་བཅུའི་སྟོབས་གང་ཡིན་པ་དེ་གངས་ཁྲོད་དུ་སྐྱེས་པའི་གླང་པོ་ཆེ་གཅག་གི་སྟོབས་སོ།། གངས་ཁྲོད་དུ་སྐྱེས་པའི་གླང་པོ་ཆེ་བཅུའི་སྟོབས་གང་ཡིན་པ་དེ་ཚན་པོ་ཆེ་དང་ལྡན་པ
308a3 བལ་གླང་སྤོས་ཀྱི་གླང་པོ་ཆེ་གཅིག་གི་སྟོབས་སོ། ། ཚན་པོ་ཆེ་དང་ལྡན་པ་བལ་གླང་སྤོས་ཀྱི་གླང་པོ་ཆེ་བཅུའི་སྟོབས་གང་ཡིན་པ་དེ་ཆེན་པོ་ཆེ་དང་ལྡན་པོ་ཕྱེད་པོ་གཅིག་གི་སྟོབས་སོ།། ཆེན་པོ་ཆེ་དང་ལྡན་པ་ཕྱེད་པོ་གཉིས་ཀྱི
308a4 སྟོབས་གང་ཡིན་པ་དེ་ཚན་པོ་ཆེ་དང་ལྡན་པ་གཅིག་གི་སྟོབས་སོ། ། ཚན་པོ་ཆེ་དང་ལྡན་པ་བཅུའི་སྟོབས་གང་ཡིན་པ་དེ་རབ་གནོན་ཕྱེད་པོ་གཅིག་གི་སྟོབས་སོ།། རབ་གནོན་བྱེད་པོ་གཉིས་ཀྱི་སྟོབས་གང་ཡིན་པ་དེ་རབ་གནོན
308a5 གཅིག་གི་སྟོབས་སོ། ། རབ་གནོན་བཅུའི་སྟོབས་གང་ཡིན་པ་དེ་སྟོབས་མཆོག་གི་སྟོབས་གཅིག་གི་སྟོབས་མཆོག་གི་སྟོབས་བཅུ་གང་ཡིན་པ་དེ་ཡན་ལག་མཆོག་གི་སྟོབས་གཅིག་གོ། ཡན་ལག་མཆོག་གི་སྟོབས་བཅུ་གང་ཡིན་པ་དེ
308a6 སྲེད་མེད་ཀྱི་བུ་ཕྱེད་ཀྱི་སྟོབས་གཅིག་གོ། སྲེད་མེད་ཀྱི་བུ་ཕྱེད་པོ་གཉིས་ཀྱི་སྟོབས་གང་ཡིན་པ་དེ་སྲེད་མེད་ཀྱི་བུའི་སྟོབས་ཅིག་གོ། སྲེད་མེད་ཀྱི་བུའི་སྟོབས་སུམ་བརྒྱ་ཉི་ཤུ་གང་ཡིན་པ་དེ་དེ་བཞིན་གཤེགས་པ་དགྲ
308a7 བཅོམ་པ་ཡང་དག་པར་རྫོགས་པའི་སངས་རྒྱས་གཅིག་གི་ཡབ་དང་ཡུམ་ལས་བྱུང་བའི་སྟོབས་སོ། ། དེ་ཅིའི་ཕྱིར་ཞེ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི་སྐུའི་གནད་ཀྱི
308a8 གནས་རེ་རེ་ལ་ཡང་སྲེད་མེད་ཀྱི་བུའི་སྟོབས་འཆང་བར་མཛད་པའི་ཕྱིར་རོ། ། གང་དག་འདས་པ་དང་གང་དག་མ་བྱོན་པ་དང་། གང་དག་ད་ལྟར་བྱུང་བའི་དུས་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི
iiif viewer powered by OpenSeadragon
