| e-texts navigator |
| Wylie |
307b1 འདྲ་བ་ཁོ་ནར་མཛད་དེ། དབེན་པར་ཕྱོགས་གཅིག་ཏུ་གནས་པར་མཛད་པ་འདི་ནི་དེ་བཞིན་གཤེགས་པའི་སྒོམ་པའི་སྟོབས་སོ།། བཙུན་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དག་ཡབ་ཡུམ་ལས
307b2 བླང་བའི་སྟོབས་ཇི་ལྟ་བུ་དང་ལྡན་པ་ལགས་གནས་འཇོག་གི་རྒྱུད་དག་ཁྱེད་དེ་བཞིན་གཤེགས་པ་ལས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་ཡབ་ཡུམ་ལས་བྱུང་བའི་སྟོབས་ཉན་པར་འདོད་དམ། བཙུན་པ་བཅོམ་ལྡན་འདས་མཆོག་ཏུ་འཚལ་ལགས་སོ།
307b3 ། བདེ་བར་གཤེགས་པ་མཆོག་ཏུ་འཚལ་ལགས་སོ།། གནས་འཇོག་གི་རྒྱུད་དག་དེའི་ཕྱིར་ཁྱེད་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་ངས་ཁྱོད་ལ་བཤད་དོ།། གནས་འཇོག་གི་རྒྱུད
307b4 དག་མི་བཅུའི་སྟོབས་གང་ཡིན་པ་དེ་བ་ལ་དཔལ་གཅིག་གི་སྟོབས་སོ། ། བ་ལང་ཕལ་བཅུའི་སྟོབས་གང་ཡིན་པ་དེ་བ་ལང་སྔོན་པོ་གཅིག་གི་སྟོབས་སོ།། བ་ལང་སྔོན་པོ་བཅུའི་སྟོབས་གང་ཡིན་པ་དེ་བ་ལང་སྔོན་པོ་གཅིག་གི་སྟོབས་སོ།། བ་ལང
307b5 སྔོན་པོ་བཅུའི་སྟོབས་གང་ཡིན་པ་དེ་ཁྱུ་ཆོ་ག་གཅིག་གི་སྟོབས་སོ། ། ཁྱུ་མཆོག་བཅུའི་སྟོབས་གང་ཡིན་ཤེ་གཡག་གཅིག་གི་སྟོབས་སོ།། གཡག་བཅུའི་སྟོབས་གང་ཡིན་པ་དེ་བསེ་གཅིག་གི་སྟོབས་སོ།། བསེ་བཅུའི་སྟོབས་གང་ཡིན་པ་དེ་གླང
307b6 པོ་ཆེ་ཕལ་གཅིག་གི་སྟོབས་སོ། ། གླང་པོ་ཆེ་ཕལ་བཅུའི་སྟོབས་གང་ཡིན་པ་དེ་སྒྲ་གསལ་བར་མི་བྱེད་པའི་གླང་པོ་ཆེ་གཅིག་གི་སྟོབས་སོ།། སྒྲ་གསལ་བར་མི་བྱེད་པའི་གླང་པོ་ཆེ་བཅུའི་སྟོབས་གང་ཡིན་པ་དེ་སྒྲ་ཆེན་པོར་བྱེད
307b7 པའི་གླང་པོ་ཆེ་གཅིག་གི་སྟོབས་སོ། ། སྒྲ་ཆེན་པོར་བྱེད་པའི་གླང་པོ་ཆེ་བཅུའི་སྟོབས་གང་ཡིན་པ་དེ་མཆེ་བ་གཅིག་པའི་གླང་པོ་ཆེ་གཅིག་གི་སྟོབས་སོ།། མཆེ་བ་གཅིག་པའི་གླང་པོ་ཆེ་བཅུའི་སྟོབས་གང་ཡིན་པ
307b8 དེ་རི་སྔོན་པོའི་གླང་པོ་ཆེའི་གཅིག་གི་སྟོབས་སོ། ། རི་སེར་པོ་དང་། རི་དམར་པོ་དང་། རི་དཀར་པོ་དང་། དྲི་མཆོག་དང་ལྡན་པ་དང་། དྲི་དང་འཇམ་པ་དང་ལྡན་པ་དང་། དྲི་ཨུད་པ་ལ་དང་ལྡན་པ་དང་། དྲི་ཀྲ་མུད་དང
iiif viewer powered by OpenSeadragon
