| e-texts navigator |
| Wylie |
306a1 ཀུ་ཤིའི་གྲོང་ཁྱེར་གྱི་གྱད་རྟུལ་ཕོད་པ། ཡན་ལག་མཆོག་གི་གཟུགས་དང་ལྡན་པ། ཆེས་སྟོབས་དང་ལྡན་པ་དག་གཅིག་བྱུང་ངོ་ཞེས་ཟེར་གྱིས། ཤེས་ལྡན་དག་དེའི་ཕྱིར་རྡོ་ཆེན་པོ་ཡངས་པ་འདི་གལ་བར་ཀུན
306a2 ཀྱང་བྱའི་བྱུང་སྟེ་དེང་ཤིག། དེ་བཞིན་ནོ་ཞེས་སྨྲས་ནས་དེ་དག་དང་དེ་ཉིད་གཅིག་ལ་གཅིག་གི་ལྟ་ན་ཉན་ཏེ། སོ་སོ་ནས་བཞོན་པ་བཟང་པོ་དག་ལ་ཞོན་ཏེ། བདག་ཅག་ནི་ས་སྟེང་འདི་ནས་ཆེས་སྟོབས་དང་ལྡན་པའོ་སྙམ་དུ་རློམ
306a3 སེམས་བྱེད་ཅིང་འོངས་པ་དང་། རིགས་དང་། སྟོབས་དང་། ལུས་བྱེད་དང་། དབང་ཕྱུག་གི་རྒྱགས་པས་དྲེགས་ཏེ། སྐད་མཐོན་པོ་དང་། སྐད་ཆེན་པོས་གཞ་བྱེད་ཅིང་ཅ་ཅོ་བྱེད་ལ་དགའ་མགུ་རངས་ཤིང་དགའ་བ་དང་། བདེ་བ་དང་། ཡིད་བདེ
306a4 བ་སྐྱེས་ཏེ། འབྱོར་པ་ཆེན་པོ་མཆོག་གིས་ཀུ་ཤིའི་གྲོང་ཁྱེར་ནས་ཕྱིར་བྱུང་སྟེ། རྟ་དང་། རྔ་མོ་དང་། བ་ལང་སྔོན་པོའི་མཆོག་ཏུ་ཕྱིན་པ་དང་། ཁྱུ་མཆོག་དང་། གླང་པོ་ཆེ་དང་། སྤོས་ཀྱིས་གླང་པོ་ཆེ་བརྒྱ་ཕྲག་དུ་མ་དེད་ནས་རྡོ་ཆེན་པོ
306a5 ཡངས་པ་དེ་ག་ལ་བ་དེར་དོང་སྟེ་ཕྱིན་ནས། རྡོ་ཆེན་པོ་ཡངས་པ་དེ་རྩོད་པའི་ཐག་པ་སྲབས་རྣམ་པ་ཐམས་ཅད་དུ་དཀྲིས་ནས་དེ་དག་དང་དེ་ཉིད་ཁ་ཅིག་གིས་ནི་སྐས་བཙུགས་ཏེ། རྩཝ་མུན་ཛ་དང་། བལ་བ་ཛའི་ཐག་པ་དང་། རྟས
306a6 འདྲེན་པའི་ཐག་པ་དག་གིས་ཚུར་དྲང་བར་བྱ་བར་དྲང་བར་བྱའོ། ། ཁ་ཅིག་ནི་རྨོ་ལྕགས་བརྒྱས་རྩ་ནས་འབྱིན་པར་འདོད་དོ།། ཁ་ཅིག་ནི་སྒྲ་སྟེ་དག་གིས་གཅོད་པར་འདོད།། ཁ་ཅིག་ནི་རྡོ་རྗེས་གདབ་པ་དག་གིས་ཕྱེ་མར་བྱ་བར
306a7 འདོད། ཁ་ཅིག་ནི་ལུས་ཀྱི་སྟོབས་ཀྱིས་མཆུ་དག་བསྡམས་ཏེ་ཡོངས་སུ་བསྐུལ་བར་འདོད། ཁ་ཅིག་ནི་ཁྱུ་མཆོག་དག་དང་། བ་ལང་མཆོག་ཏུ་ཕྱིན་པ་དག་གིས་བསྒྱེལ་བར་འདོད།། ཁ་ཅིག་ནི་གླང་པོ་ཆེའི་ཚོགས་ཀྱིས་རབ་ཏུ
306a8 འཇོམས་པར་འདོད། ། ཁ་ཅིག་ནི་སྨན་གྱི་སྟོབས་ཀྱིས་གཞིག་པར་འདོད། ཁ་ཅིག་ནི་གསང་སྔགས་ཀྱི་སྟོབས་ཀྱིས་མི་སྣང་བར་བྱེད་པར་འདོད་པར་བྱའོ།། དེའི་ཕྱིར་བདག་གིས་བརྩོན་པ་དང་། དྲང་བ་དང་། འབད་པ་དེ་ལྟ་བུ
iiif viewer powered by OpenSeadragon
