| e-texts navigator |
| Wylie |
305b1 དེ་ནས་བདག་ཅག་འདི་སྙམ་དུ་སེམས་སོ།། གང་འོ་ན་བདག་ཅག་གིས་རྡོ་ཆེན་པོ་ཡངས་པ་འདི་ཕྱོགས་འདི་ནས་བཏེག་ཏེ་ཕྱོགས་གང་ཡང་རུང་བར་བཞག་གོ།། དེའི་ཕྱིར་བདག་ཅག་གྱིས་ལམ་ཡང་ཤིན་དུ་ཕྱག་དར་བགྱིས
305b2 བར་འགྱུར་ལ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱང་མཆོད་པར་འགྱུར་ཞིང་། ཕྱོགས་དང་ཕྱོགས་འཚམས་དག་ཏུ་ཡང་བདག་ཅག་གི་དགེ་བ་རྒྱ་ཆེན་པོར་གྲགས་པ་དང་།
305b3 སྒྲ་དང་། ཚིགས་སུ་བཅད་པ་མངོན་དུ་འཕགས་པར་འགྱུར་ཏེ། གང་དག་གིས་རྡོ་ཆེན་པོ་ཡངས་པ་དེ་ཕྱོགས་འདི་ནས་བཏེག་སྟེ། ཕྱོགས་གཅིག་ཤོས་སུ་འཕངས་པས་ཀྱེ་མཀུ་ཤིའི་གྲོང་ཁྱེར་གྱི་གྱད་དཔའ་བོ་དགཟུང
305b4 ཀྱེ་མགུ་ཤིའི་གྲོང་ཁྱེར་གྱི་གྱད་རྟུལ་བོད་པ་ཡན་ལག་མཆོག་གི་གཟུགས་དང་ལྡན་པ། ཆོས་སྟོབས་དང་ལྡན་པདག་བྱུང་བར་གྱུར་ཏོ་ཞེས་ཟེར་རོ་སྙམ་ནས་དེ་ལྟར་རྗེས་སུ་རྣམ་པར་བསམས་ཏེ། དམ་བཅའ་བལ
305b5 བླང་བདག་ནི་ཤེས་ལྡན་དག་ཀུ་ཤིའི་གྲོང་ཁྱེར་གྱི་གྱད་དག་དང་། གྱད་ཀྱི་བུ་གཞོན་ནུ་དག་ཉོན་ཅིག། བདག་ཅག་གིས་ལམ་འདི་ཕྱག་དར་བྱ་བར་བརྩོན་ནོ།། རྡོ་ཆེན་པོ་ཡངས་པ་འདི་ནི་གནས་མ་ཡིན་པ་ན་འདུག་ཅིག
305b6 རྒྱལ་པོའི་ལམ་ན་གནས་ཏེ། གང་འོ་ན་བདག་ཅག་གིས་རྡོ་ཆེན་པོ་ཡངས་པ་འདི་ནས་བཏེག་སྟེ་ཕྱོགས་གཅིག་ཤོས་སུ་བཞག་པར་བྱའོ།། དེའི་ཕྱིར་བདག་ཅག་གིས་ལམ་ཡང་ཤིན་དུ་ཕྱག་དར་བྱས་པར་འགྱུར་ལ
305b7 དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱང་མཆོད་པར་འགྱུར་ཏེ། ཕྱོགས་དང་ཕྱོགས་མཚམས་དག་ཏུ་ཡང་བདག་ཅག་གིས་དགེ་བ་རྒྱ་ཆེན་པོ་གྲགས་པ་དང་། སྒྲ་དང་། ཚིགས་སུ་བཅད
305b8 པས་མངོན་པར་འཕགས་པར་འགྱུར་བ་ནི་གང་དག་གིས་རྡོ་ཆེན་པོ་ཡངས་པ་འདི་ཕྱོགས་འདི་ནས་བཏེག་སྟེ་ཕྱོགས་གཅིག་ཤེས་སུ་འཕངས་པས། ཀྱེ་མ་ཀུ་ཤིའི་གྲོང་ཁྱེར་གྱི་གྱད་དཔའ་བོ་དག་ཅིག་བྱུང་ངོ་།། ཀྱེ་མ
iiif viewer powered by OpenSeadragon
