| e-texts navigator |
| Wylie |
305a1 ཡོངས་སུ་བསྐོར་ཅིང་། དགེ་སློང་གི་དགེ་འདུན་གྱིས་མདུན་དུ་བདར་ཏེ། བདག་གི་གྲོང་གི་ཞིང་དུ་ཀུ་ཤིའི་གྲོང་ཁྱེར་དུ་གཤེགས་སོ་ཞེས་ཐོབ་ལགས་ཏེ། དེ་སྐད་ཐོས་ནས་ཀྱང་བདག་ཅག་འདི་སྙམ་དུ་སེམས་སོ།། གང
305a2 འོ་ན་བདག་ཅག་གིས་ཀྱང་བཅོམ་ལྡན་འདས་དེ་ལ་རི་མོར་བགྱི་བ་དང་། མཆོད་པར་བགྱི་བས་བདག་ལ་ཕན་པར་བགྱི་བའི་སླད་དུ་ཀུ་ཤིའི་གྲོང་ཁྱེར་ཐམས་ཅད་ཆོ་ག་བཞིན་དུ་ཕྱག་དར་དག་བགྱི། ཆག་ཆག་ལེགས་པར་བཏབ་པ།
305a3 དང་། བྱི་དོར་ལེགས་པར་བགྱི་བདག་བགྱིས་ནས་རྒྱན་དང་ལྷབ་ལྷུབ་ཐམས་ཅད་ཀྱིས་བརྒྱན་པར་བགྱི། དེ་ནས་དྲི་དང་། ཕྲེང་བ་དང་། མེ་ཏོག་དང་། བདུག་པ་དང་། རོལ་མོའི་སྒྲ་གྱ་ནོམ་པ་དག་གིས་བརྒྱན་པར་བགྱི། གདུགས
305a4 དང་། རྒྱལ་མཚན་དང་། བ་དན་དག་ཀྱང་གཟུགས་པར་བགྱི། དུས་སྟོན་ཡང་རབ་ཏུ་གཞག་པར་བགྱི། ཤུལ་གང་ནས་བཅོམ་ལྡན་འདས་གཤེགས་པར་བརྩོན་པར་མཛད་པའི་གཤེགས་ཤུལ་དེ་ཡང་ཆོ་ག་བཞིན་དུ་ཕྱག་དར་དག
305a5 བགྱི། དེ་སླན་ཆད་བདག་ཅག་ཐམས་ཅད་ཀྱིས་བསུ་བ་བགྱིས་འབའ་ཤིག་ན་ལེགས་སོ་སྙམ་ནས་དེ་ནས་བདག་ཅག་ཐམས་ཅད་ཚོགས་ཤིང་ཡང་དག་པར་དགའ་བར་བགྱིད་ལ། རྩོད་པ་མ་མཆིས་ཤིང་རྩེ་གཅིག་སྟེ་བློ
305a6 གཅིག་པར་གྱུར་ནས་ཀུ་ཤིའི་གྲོང་ཁྱེར་ཐམས་ཅད་ནི་ཆོ་ག་བཞིན་དུ་ཕྱག་དར་དག་བགྱིད། ཆག་ཆག་ལེགས་པར་བཏབ་པ་དང་། བྱི་དོར་ལེགས་པར་བགྱི་བ་དག་བགྱིས་ནས་རྒྱན་དང་། ལྷབ་ལྷུབ་ཐམས་ཅད་དང་། བདུག
305a7 པ་དང་། ཕྲེང་བ་དང་། མེ་ཏོག་དང་། སྤོས་དང་། རོལ་མོའི་སྒྲ་གྱ་ནོམ་པདག་གིས་བརྒྱན་པར་བགྱིད། གདུགས་དང་། རྒྱལ་མཚན་དང་། བ་དན་དག་ཀྱང་འཛུགས་པར་བགྱིད། དུས་སྟོན་ཡང་རབ་ཏུ་འཇོག་པར་བགྱིད།
305a8 བཅོམ་ལྡན་འདས་ཤུལ་གང་ནས་གཤེགས་པའི་ཤུལ་དེ་ཡང་ཆོ་ག་བཞིན་དུ་ཕྱག་དར་དག་བགྱིས་པས་གོར་མ་ཆེན་པོས་ཡངས་པ་དེ་གནས་མ་ལགས་པ་ན་མཆིས་ཤིང་། ཤུལ་པོ་ཆེན་གནས་པ་མཐོང་ལག་སོ།།
iiif viewer powered by OpenSeadragon
