| e-texts navigator |
| Wylie |
274a1 ཡུལ་མ་ག་དྷའི་བྲམ་ཟེ་དང་། ཁྱིམ་བདག་འབུམ་ཕྲག་དུ་མ་དག་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་སྐྱེས་སོ།། དེ་ནས་ཡུལ་མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོས་ཆོས་མཐོང་ཞིང
274a2 ཆོས་ཐོབ་ལ། ཆོས་རྟོགས་ཤིང་ཆོས་ཀྱི་གཏིང་སླེབས་ཏེ། ནེམ་ནུར་ལས་རྒལ་ཏེ། ཐེ་ཙོམ་ལས་རྒལ་ཅིང་གཞན་གྱི་དྲིང་མི་འཇོག་པ་དང་། གཞན་གྱིས་དཀྲིར་མི་བཟུག་པ་དང་། སྟོན་པའི་བསྟན་པའི་ཆོས་རྣམས་ལ་མི་འཇིགས་པ
274a3 ཐོབ་ནས་སྟན་ལས་ལངས་ཏེ། བླ་གོས་ཕྲག་པ་ཅིག་ཏུ་བྱས་ནས་པུས་མོ་གཡས་པའི་ལྷ་ང་ས་ལ་གཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།།
274a4 བཙུན་པ་བདག་ནི་མངོན་པར་ཞུགས་པ་ལགས་སོ།། བདག་ནི་མངོན་པར་ཞུགས་པ་ལགས་སོ།། བདག་བཅོམ་ལྡན་འདས་དང་། ཆོས་དང་། དགེ་སློང་གི་དགེ་འདུན་ལ་སྐྱབས་སུ་མཆི་ལགས་ཀྱིས། བདག་དེང་སླན་ཆད་ཇི་སྲིད་འ
274a5 པར་དུ་སྲོག་གཅོད་པ་ལ་སོགས་པ་སྤངས་པ་སྐྱབས་སུ་མཆིས་པ། མངོན་པར་དད་པར་གྱུར་པའི་དགེ་བསྙེན་ལགས་པར་གཟུང་དུ་གསོལ། བདག་གིས་ཇི་སྲིད་མཚོའི་བར་དུ་བཅོམ་ལྡན་འདས་དགེ་སློང་གི་དགེ་འདུན་དང་བཅས་པ
274a6 ལན་བཟའ་དང་། བསོད་སྙོམས་དང་། གཟིམས་ཆ་དང་གདན་དང་སྙུན་གྱིས་གསོས་སྨན་ཡོ་བྱད་དག་གིས་བསྙེན་བཀུར་བགྱི་བར་འཚལ་ན། བཅོམ་ལྡན་འདས་རྒྱལ་པོའི་ཁབ་ཏུ་གཤེགས་པར་ཅི་གནང་། བཅོམ་ལྡན་འདས
274a7 ཀྱིས་ཡུལ་མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ལ་ཅང་མི་གསུང་བས་གནང་བར་མཛད་དོ། ། དེ་ནས་ཡུལ་མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོས་བཅོམ་ལྡན་འདས་ཀྱིས་ཅང་མི་གསུང་བས
274a8 གནང་བར་རིག་ནས། བཅོམ་ལྡན་འདས་ཀྱིས་བཀའ་སྩལ་བ་ལ་མངོན་པར་བསྟོད་ཅིང་རྗེས་སུ་ཡིད་རང་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ཀྱི་སྤྱན་སྔ་ནས་ཕྱིར་སོང་ངོ་།།
iiif viewer powered by OpenSeadragon
