| e-texts navigator |
| Wylie |
271b1 རྣམ་པར་ཤེས་པ་ཡང་བདག་མ་ཡིན། འོ་ན་ཅི་གང་ན་པ་ཡང་བྱུང་བར་མ་གྱུར་པ་དང་། འབྱུང་བར་མི་འགྱུར་བ་དང་། ད་ལྟར་ཡང་མེད་པ་ཡང་མ་ཡིན་ཞིང་། གང་དེ་དང་དེ་དག་ཏུ་དགེ་བ་དང་། སྡིག་པའི་ལས་བྱས་ཤིང་། བྱས་པ་དག
271b2 གི་རྣམ་པར་སྨིན་པ་སོ་སོར་མྱོང་བར་བྱེད་པ་དང་། གང་ཕུང་པོ་འདི་འདོར་ཞིང་ཕུང་པོ་གཞན་དང་ཉིང་མཚམས་སུ་སྦྱོར་བར་འགྱུར་བའི་བདག་གམ། སེམས་ཅན་ནམ་སྲོག་གམ། སྐྱེ་བའམ། གསོ་བ་འམ། གང་ཟག་གམ།
271b3 ཤེད་ལས་སྐྱེས་སམ། ཤེད་བུའམ། བྱེད་པ་པོའམ། བྱེད་དུ་འཇུག་པ་པོ་འམ། སྐྱེད་པ་པོ་འམ། ཀུན་ནས་སྐྱེད་པ་པོ་འམ། སློང་བ་པོ་འམ། ཀུན་ནས་སློང་བ་པོ་འམ། སྨྲབ་པོ་འམ།
271b4 མྱོང་བ་པོ་འམ། སོ་སོར་མྱོང་བ་པོ་དེ་གང་ཞིག་ཡིན་སྙམ་མོ།། དེ་ནས་བཅོམ་ལྡན་འདས་ཀྱིས་ཡུལ་མ་ག་དྷའི་བྲམ་ཟེ་དང་། ཁྱིམ་བདག་རྣམས་ཀྱི་སེམས་ཐུགས་ཀྱིས་མཁྱེན་ནས་དགེ་སློང་རྣམས་ལ་བཀའ་སྩལ་པ། དགེ
271b5 སློང་དག་བྱིས་པ་སོ་སོའི་སྐྱེ་བོ་ཐོས་པ་དང་མི་ལྡན་པ་ནི་བདག་བདག་ཅེས་ཐ་སྙད་འདོགས་པའི་རྗེས་སུ་ལྷུང་སྟེ། དེ་ལ་ནི་བདག་གམ་བདག་གིར་བྱ་བ་མེད་དོ།། དགེ་སློང་དག་སྡུག་བསྔལ་འདི་སྐྱེ་བ་ནི་སྐྱེ་ལ། སྡུག་བསྔལ
271b6 འགགས་པ་ནི་འགག་གོ། འདུ་བྱེད་རྣམས་སྐྱེ་བ་ནི་སྐྱེ་ལ། འདུ་བྱེད་རྣམས་འགག་པ་ནི་འགག་པ་སྟེ། རྒྱུ་དེ་དག་དང་། རྐྱེན་དེ་དག་ལ་བརྟེན་ནས་སེམས་ཅན་རྣམས་ཀྱི་འདུ་བྱེད་ཀྱི་རྒྱུན་འབྱུང་བར་འགྱུར་ཏེ། དགེ་སློང་དག
271b7 དེ་བཞིན་གཤེགས་པ་ནི་འདུ་བྱེད་ཀྱི་རྒྱུན་ཉིད་མཚམས་སྦྱོར་བར་ཐུགས་སུ་ཆུད་ནས་སེམས་ཅན་རྣམས་ཀྱི་འཆི་འབོ་དང་། སྐྱེ་བ་འདོགས་པར་མཛད་དོ།། དགེ་སློང་དག་ངས་ལྷའི་སྤྱན་རྣམ་པར་དག་པ་མིའི་ལས་ཤིན་ཏུ
271b8 འདས་པས་སེམས་ཅན་འཆི་འཕོ་བདག་དང་། ཀྱེ་བ་དག་དང་། མདོག་བཟང་བདག་དང་། མདོག་ངན་པ་དག་དང་། ངན་པ་དག་དང་། བཟང་པོ་དག་དང་། བདེ་འགྲོར་འགྲོ་བ་དག་དང་། ངན་འགྲོར་འགྲོ་བ་དག་ཀྱང་གཟིགས་ལ། སེམས་ཅན
iiif viewer powered by OpenSeadragon
