| e-texts navigator |
| Wylie |
270a1 དུ་རྣམ་འདྲན་པ། ། ཐུབ་པ་བདེན་པའི་རྩལ་མངའ་ཁྱོད་བྱུང་ཞིང་།། གཙོ་མཆོག་སྐྱོབ་པས་ལེགས་བཤད་ད་ལྟར་ནི།། གོ་འཕང་འདུས་མ་བགྱིས་དེ་བདག་གིས་མཐོང་།། བཅོམ་ལྡན་འདས་ཀྱིས་བཀའ་སྩལ་པ། རབ་ཏུ
270a2 རྣམ་པར་ཕྱེ་བའི་ཆོས་རྣམས་ལས། ། དམ་པ་གང་ཡིན་དེ་ནི་རྟོགས་གྱུར་པ།། དེ་ནི་ཁྱོད་ཀྱིས་ཉེས་བསམས་མ་ཡིན་ཏེ།། ཁྱོད་ཀྱིས་ངེས་པ་ལེགས་པར་རྟོགས་པ་ཡིན།། འོད་སྲུང་འཁོར་རྣམས་སྐྱོབ་མ་སྐྱེད་ཅིག། དེ་ནས་ཚེ་དང
270a3 ལྡན་པ་ལྟེང་རྒྱས་འོད་སྲུང་བཅོམ་ལྡན་འདས་ཀྱིས་སྐབས་ཕྱེ་བས། ཇི་ལྟར་སེམས་མཉམ་པར་གཞག་པ་བཞིན་དུ་བདག་གི་སྟན་གྱི་སྟེང་ན་མི་སྣང་བར་གྱུར་པ་དེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་ནས་ཤར་ཕྱོགས་ཀྱི
270a4 སྟེང་གི་ནམ་མཁའ་ལ་མངོན་པར་འཕགས་ཏེ། སྤྱོད་ལམ་རྣམ་པ་བཞི་པོ་འདི་ལྟ་སྟེ། འཆག་པ་དང་། འགྲེང་བ་དང་། འདུག་པ་དང་། ཉལ་བ་དག་བྱེད་དོ།། མེའི་ཁམས་ལ་ཡང་སྙོམས་པར་ཞུགས་ཏེ། ཚེ་དང་ལྡན་པ་ལྟེང་རྒྱས
270a5 འོད་སྲུང་མེའི་ཁམས་ལ་སྙོམས་པར་ཞུགས་པའི་ལུས་ལས་འོད་ཟེར་རྣམ་པ་སྣ་ཚོགས་འདི་ལྟ་སྟེ། སྔོན་པོ་དག་དང་། སེར་པོ་དག་དང་། དམར་པོ་དག་ད། དཀར་པོ་དག་དང་། བཙོད་ཀ་དག་དང་། ཤེལ་གྱི་ཁ་དོག་ལྟ་བུ་དག་བྱུང་ངོ་།། ཆོ་འཕྲུལ
270a6 ཟུང་དག་ཀྱང་རྣམ་པར་བསྟན་ཏེ། ལུས་ཀྱི་སྨད་ནས་མེ་འབར་ལ་ལུས་ཀྱི་སྟོད་ནས་ཆུ་གྲང་མོའི་རྒྱུན་འབབ་པ་དང་། ལུས་ཀྱི་སྟོད་ནས་མེ་འབར་ལ་ལུས་ཀྱི་སྨད་ནས་ཆུ་གྲང་མོའི་རྒྱུན་འབབ་པ་དག་ཀྱང་རྣམ་པར་སྟོན་ཏོ།།
270a7 ཤར་ཕྱོགས་སུ་ཇི་ལྟ་བ་བཞིན་དུ་ལྷོ་དང་། ནུབ་དང་། བྱང་ཕྱོགས་ཀྱི་སྟེང་གི་ནམ་མཁའ་ལ་ཡང་མངོན་པར་འཕགས་ཏེ། སྤྱོད་ལམ་རྣམ་པ་བཞི་པོ་འདི་ལྟ་སྟེ། འཆག་པ་དང་། འགྲེང་བ་དང་། འདུག་པ་དང་། ཉལ་བདག
270a8 བྱེད་དོ། ། མེའི་ཁམས་ལ་ཡང་སྙོམས་པར་ཞུགས་ཏེ། ཚེ་དང་ལྡན་པ་ལྟེང་རྒྱས་འོད་སྲུང་མའི་ཁམས་ལ་སྙོམས་པར་ཞུགས་པའི་ལུས་ལས་འོད་ཟེར་རྣམ་པ་སྣ་ཚོགས་འདི་ལྟ་སྟེ། སྔོན་པོ་དག་དང་། སེར་པོ་དག་དང་། དམར
iiif viewer powered by OpenSeadragon
