| e-texts navigator |
| Wylie |
9b1 གང་གིས་གང་གིས་དང་པོའི་ཐུགས་ཀྱིས་ནི།། བདུད་རྣམས་པ་མ་མཛད་སངས་རྒྱས་དེ།། དྲན་བཞིན་དུ་ནི་ཁྱོད་སོང་ན།། ཁྱོད་ལ་འཇིགས་པ་འབྱུང་མི་འགྱུར།། གཞོན་ནུ་ཤར་ལྷོའི་ཕྱོག་མ་ལོགས་མུ་སངས་རྒྱས་ཀྱི
9b2 ཞིང་འདི་ནས་སངས་རྒྱས་ཀྱི་ཞིང་ཉི་ཁྲི་འདས་པ་ན་འཇིག་རྟེན་གྱི་ཁམས་རྟག་ཏུ་སྣང་བ་ཞེས་བྱ་བ་ཞིག་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སེམས་དང་པོ་བསྐྱེད
9b3 པས་ཕྱིར་མི་ལྡོག་པའི་འཁོར་ལོ་འབྱུང་བའི་དཔལ་ཞེས་བྱ་བ་ད་ལྟར་བཞུགས་ཏེ་འཚེ་ཞིང་གཞེས་སོ། ། གཞོན་ནུ་དེ་བཞིན་གཤེགས་པ་དེས་དང་པོ་ཐུགས་བསྐྱེད་པ་ནས་བཟུང་སྟེ། སངས་རྒྱས་ཉིད་ཀྱི་བར་དུ་བར་ཆད
9b4 མེད་པར་སྦྱིན་པ་བྱིན། ཚུལ་ཁྲིམས་བསྲུངས། བཟོད་པ་ཀུན་ཏུ་བསྟེན། བརྩོན་འགྲུས་བརྩམས། བསམ་གཏན་བསྒྲུབས། ཤེས་རབ་སྤྱད་དེ། གཞོན་ནུ་དེ་ནི་དེ་བཞིན་གཤེགས་པ་དེའི་སྐྱེས་བུའི་རྩལ་དེ་ལྟ་བུ་བྱུང་བ་ཡིན་ནོ།། །
9b5 གཞོན་ནུ་ཁྱོད་གང་གི་ཚེ་བྱ་བ་འགའ་ཞིག་གི་ཕྱིར་ཤར་ལྷོའི་ཕྱོགས་སུ་འགྲོ་ན། དེའི་ཚེ་ཁྱོད་ཀྱིས་དེ་བཞིན་གཤེགས་པ་དེ་ལ་ཡན་ལག་ལྔས་ཕྱག་འཚལ་ཏེ། ཕྱིས་ཁྱིམ་ནས་སོང་ཤིག་དང་། ཁྱོད་ལ་ཕྱིས་འགྱོད་པའམ་འཇིགས
9b6 པ་གང་ནས་ཀྱང་འབྱུང་བར་མི་འགྱུར་རོ། ། རྣམ་པར་མ་གཡེངས་པས་ཡིད་ལ་བྱེད་ན། ཁྱོད་བྱ་བ་གང་གི་ཕྱིར་འགྲོ་བའི་བྱ་བ་དེ་འགྲུབ་པར་འགྱུར་རོ།། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་བཀའ
9b7 སྩལ་ཏོ། ། ཡན་ལག་ལྔས་ནི་ཕྱག་འཚལ་ཏེ།། ཕྱི་ནས་ཁྱིམ་ནས་སོང་ཤིག་དང་།། ཆོམ་རྐུན་རྣམས་ཀྱིས་ཁྱོད་ཀུན་དུ།། ཟིལ་གྱིས་མི་ནོན་འགྲོ་བར་འགྱུར།། གཞོན་ནུ་ལྷོནབ་ཀྱི་ཕྱོགས་ལོགས་སུ་སངས་རྒྱས་ཀྱི
9b8 ཞིང་འདི་ནས་སངས་རྒྱས་ཀྱི་ཞིང་སུམ་ཁྲི་འདས་པ་ན་འཇིག་རྟེན་གྱི་ཁམས་གསེར་གྱི་དྲ་བས་གཡོགས་པ་ཞེས་བྱ་བ་ཞིག་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན
iiif viewer powered by OpenSeadragon
