| e-texts navigator |
| Wylie |
85b1 ལག་ན་རིན་པོ་ཆེ་ཉིད་དང་། བླ་ན་མེད་པ་ཐམས་ཅད་མཁྱེན་པའི་ཡེ་ཤེས་འཐོབ་པ་དང་། གཞན་ཡང་འཇིག་རྟེན་དང་། འཇིག་རྟེན་ལས་འདས་པའི་དགེ་བའི་རྩ་བ་གང་དང་གང་ལགས་པ་དེ་དག་སེམས་ཅན་ཐམས།།
85b2 ད་ལ་ཡང་དག་པར་གྲུབ་པར་གྱུར་ཅིག། གང་སེམས་ཅན་ཐམས་ཅད་ལ་དགེ་བའི་རྩ་བ་བསྔོབ་བགྱིས་པ་དགེ་བའི་རྩ་བ་བསྔོས་པ་དེ་ལས་བསོད་ནམས་ཀྱི་འབྲས་བུ་ཡོད་པ་གང་ལགས་པའི་དགེ་བའི་རྩ་བ་འདིས
85b3 བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས། སེམས་ཅན་མ་རྒལ་བ་རྣམས་ན་བསྒྲལ་བར་བགྱིའོ།། མ་གྲོལ་བ་རྣམས་ནི་དགྲོལ་བར་བགྱིའོ།། དབུགས་མ
85b4 བྱིན་པ་རྣམས་ནི་དབུགས་དབྱུང་བར་བགྱིའོ། ། མྱ་ངན་ལས་མ་འདས་པ་རྣམས་ནི་ཡོངས་སུ་མྱ་ངན་ལས་བཟླ་བར་བགྱིའོ།། སྨན་པ་དང་བདེ་བའི་མཐའི་གནས་ཀྱི་གཞི་ལ་རབ་ཏུ་དགོད་པར་བགྱི་སྟེ། དེ་ལྟར་ལན
85b5 གཉིས་ལན་གསུམ་དུའོ། ། བསམ་པ་ཐམས་ཅད་ཡོངས་སུ་རྫོགས་པ་འབྱེད་པ་ཞེས་བྱ་བའི་ཡོངས་སུ་བསྔོ་བ་རྫོགས་སྷོ།། ། འཕགས་པ་འགྲོ་བ་ཐམས་ཅད་ཡོངས་སུ་སྐྱོབ་པར་བྱེད་པ་ཞེས་བྱ
85b6 བའི་ཡོངས་སུ་བསྔོ་བ། སངས་རྒྱས་དང་། ཆོས་དང་། དགེ་འདུན་ཐམས་ཅད་ལ་ཕྱག་འཚལ་ལོ།། སངས་རྒྱས་བཅོམ་ལྡན་འདས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཐམས་ཅད་བདག་ལ་དགོངས
85b7 ས་གསོལ། བདག་སྡིག་པ་ཐམས་ཅད་སོ་སོར་བཤགས་སོ།། བསོད་ནམས་ཐམས་ཅད་ལ་རྗེས་སུ་ཡི་རང་ངོ་།། སངས་རྒྱས་ཐམས་ཅད་ལ་གསོལ་བ་འདེབས་སོ།། བསོད་ནམས་ཐམས་ཅད་སེམས་ཅན།
85b8 ཐམས་ཅད་ཀྱིས་བླ་ན་མེད་པ་ཐམས་ཅད་མཁྱེན་པའི་ཡེ་ཤེས་ཐོབ་པར་བགྱི་བའི་སླད་དུ་ཡོངས་སུ་བསྔོ་བར་བགྱིའོ།། བདེན་པ་དང་བདེན་པའི་ཚིག་གང་གིས་བདེན་པ་གསུང་བ་སངས་རྒྱས་བཅོམ་ལྡན་འདས་ཀྱིས
iiif viewer powered by OpenSeadragon
