| e-texts navigator |
| Wylie |
83b1 ཆོས་ཆོས་མ་ཡིན་པར་བསྟན་པ་འམ། འདུལ་བ་མ་ཡིན་པ་འདུལ་བར་བསྟན་པ་འམ། འདུལ་བ་འདུལ་བ་མ་ཡིན་པར་བསྟན་པའམ། ལམ་མ་ཡིན་པ་ལམ་དུ་བསྟན་པའམ། ལམ་ལམ་མ་ཡིན་པར་བསྟན་པའམ། སྒྲིབ་པ
83b2 གང་གིས་བསྒྲིབས་ནས་བདག་མི་དགེ་བའི་ཆོས་མངོན་དུ་འགྱུར་ཞིང་དགེ་བའི་ཕྱོགས་ལ་སེམས་ཡང་དག་པར་མི་གནས་པ་འམ། སྒྲིབ་པ་གཞན་གྱིས་བསྒྲིབས་ནས་བློ་གཡེང་བར་འགྱུར་བའམ། སེམས་གཡེང་བར
83b3 འགྱུར་བའི་ནོངས་པ་གང་ལགས་པ་དེ་དག་ཐམས་ཅད་ནོངས་པ་བཤགས་པར་བགྱིའོ། ། ཇི་ལྟར་བྱིས་པ། ཇི་ལྟར་བླུན་པ། ཇི་ལྟར་མི་གསལ་བ། ཇི་ལྟར་མི་མཁས་པ། ཇི་ལྟར་འཆལ་པའི་ཤེས་རབ་ཀྱི་རང་བཞིན་ཅན
83b4 དེ་ལྟར་ནོངས་པ་ནོངས་པར་བཤགས་པར་བགྱིའོ། ། ནོངས་པ་ནོངས་པར་བཤགས་ནས་ཕྱིས་སྡོམ་པ་བླངས་ཤིང་ཡང་དེ་ལྟར་མི་བགྱི་སྟེ། དེ་ལྟར་ལན་གཉིས་དེ་ལྟར་ལན་གསུམ་ངའོ།། ཡང་སངས་རྒྱས་བཅོམ་ལྡན
83b5 འདས་དེ་དག་བདག་ལ་དགོངས་སུ་གསོལ། གང་སངས་རྒྱས་ཐམས་ཅད་སྔོན་བྱང་ཆུབ་སེམས་དཔར་གྱུར་པ་རྣམས་ཀྱིས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་མཛད་པ་འདི་ལྟ་སྟེ། སྦྱིན་པ་དང་། ཚུལ་ཁྲིམས
83b6 དང་། བཟོད་པ་དང་། བརྩོན་འགྲུས་དང་། བསམ་གཏན་དང་། ཤེས་རབ་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས་ཆོས་ཀྱི་འཁོར་ལོ་རབ་ཏུ་བསྐོར། ཆོས་ཀྱི་དུད
83b7 ཀུན་ནས་བུས། ཆོས་ཀྱི་རྔ་རབ་ཏུ་བརྡུངས། ཆོས་ཀྱི་སྒྲོན་མ་འབར་བར་མཛད། ཆོས་དང་མཐུན་པར་ཆོས་སྒྲུབ་པ་དག་ལ་སེམས་ཅན་གྱི་ཁམས་རབ་ཏུ་བཙུད། དམ་པའི་ཆོས་ཀྱི་ཚུལ་རབ་ཏུ་བསྟན་ཅིང་དགེ་བའི་རྩ་བ
83b8 གང་གིས་རང་སངས་རྒྱས་རྣམས་རང་སངས་རྒྱས་ཉིད་རྟོགས་པར་འགྱུར་བ་དང་། དགེ་བའི་རྩ་བ་གང་གིས་ཉན་ཐོས་རྣམས་ཉན་ཐོས་ཉིད་རྟོགས་པར་འགྱུར་ཞིང་རིག་པ་གསུམ་དང་། མངོན་པར་ཤེས་པ་དྲུག་རྟོགས
iiif viewer powered by OpenSeadragon
