| e-texts navigator |
| Wylie |
81b1 ཆུའི་ཆར་པའི་རྒྱུན་གྱིས་སེམས་ཅན་རྣམས་ཀྱི་དགེ་བའི་རྩ་བའི་ལོ་ཏོག་རྣམ་པར་སྤེལ་དུ་གསོལ། འཕགས་པའི་ཤེས་རབ་དང་ཡེ་ཤེས་ཀྱི་ནོར་གྱིས་སེམས་ཅན་ཐམས་ཅད་ཚིམ་པར་མཛད་དུ་གསོལ་ཞེས
81b2 བརྗོད་པར་བྱའོ། ། རིགས་ཀྱི་བུ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་བསྐུལ་བའི་ཕུང་པོ་ཁ་ན་མ་ཐོ་བ་མེད་པའོ།། རིགས་ཀྱི་བུ་གཞན་ཡང་བྱང་ཆུབ་སེམས་དཔའ་དེས་དེ་བཞིན་དུ་འདུག་སྟེ། ཚིག
81b3 འདི་སྐད་ཅེས་སངས་རྒྱས་བཅོམ་ལྡན་འདས་གང་དག་ཕྱོགས་བཅུའི་འཇིག་རྟེན་གྱི་ཁམས་རབ་འབྱམ་དཔག་ཏུ་མ་མཆིས་པ་དག་ན་སངས་རྒྱས་ཀྱི་མཛད་པ་དག་ཤིན་དུ་མཛད་པ། ལེགས་པར་བགྱིས་པའི་ཆོས
81b4 ཀྱི་རྒྱུན་མི་གཅོད་པ། བྱང་ཆུབ་སེམས་དཔའ་རྣམས་ཤིན་དུ་ལུང་བསྟན་པ། དགེ་འདུན་འཕགས་པ་རབ་ཏུ་གནས་པ། གདུལ་བའི་སེམས་ཅན་དག་ཤིན་ཏུ་བཏུལ་བ། མྱ་ངན་ལས་འདས་པའི་བདེ་བ་ཚོལ་བ།
81b5 ཆོས་གཟུང་བ་འཛིན་པར་མཛད་པའི་སླད་དུ་ཡོངས་སུ་མི་སྐྱོ་བ། ཡོངས་སུ་མྱ་ངན་ལས་འདའ་བར་བཞེད་པའི་སངས་རྒྱས་བཅོམ་ལྡན་འདས་དེ་དག་ལ་བདག་ཆོས་ཀྱི་དབྱིངས་གནས་པའི་ཚུལ་གྱིས་ཇི་ལྟར
81b6 དེ་དག་མི་སྐྱེ་བ། མ་སྐྱེས་པ་དེ་བཞིན་དུ། མ་འགགས། མི་འགག། འགག་པར་མི་འགྱུར་བར་བཞུགས་སུ་གསོལ་ལོ་ཞེས་བརྗོད་པར་བྱའོ།། རིགས་ཀྱི་བུ་འདི་ནི་བྱང་ཆུབ་སེམས་དཔའ་རྣམས་ཀྱི་གསོལ
81b7 པ་འདེབས་པ་ཡོད་པ་མ་ཡིན་པ་ལེན་པ་མེད་པ་ཁ་ན་མ་ཐོ་བ་མེད་པའོ། ། རིགས་ཀྱི་བུ་གཞན་ཡང་བྱང་ཆུབ་སེམས་དཔའ་དེས་དེ་བཞིན་དུ་འདུག་སྟེ། ཚིག་འདི་སྐད་ཅེས་མ་མཆིས་བཞིན་དུ་བདག་གིས
81b8 མགོས་ཕྱག་བགྱིས་པ་དང་། བཤགས་པ་དང་། རྗེས་སུ་ཡི་རང་བ་དང་། བསྐུལ་བ་དང་། གསོལ་བ་འདེབས་པ་གང་ལགས་པ་དང་། ཕྱག་འཚལ་བ་དང་། འཆགས་པ་དང་། རྗེས་སུ་ཡི་རང་བ་དང་། བསྐུལ
iiif viewer powered by OpenSeadragon
