| e-texts navigator |
| Wylie |
63a1 བཅོས་ཀྱི་དབྱིངས་སུ་གཏོགས་པའི་འཇིག་རྟེན་གྱི་ཁམས་རྣམས་སུ་འཇུག་གོ། ། དེ་བས་གོང་དུ་ཡང་མཆོད་པ་ཡོན་ཏན་དཔག་ཏུམ་མཆིས་པ་དང་ལྡན་པ། དགེ་བའི་རྣ་བ་ཆེན་པོའི་ཐུགས་ཀྱིས
63a2 བསྐྱེད་པ། རྡོ་རྗེའི་དབང་པོ་སྣང་བར་བགྱིད་པ། སངས་རྒྱས་ཀྱི་ཡུལ་ཐམས་ཅད་དུ་སྣང་བའི་མེ་ཏོག་གི་རྒྱལ་པོའི་ཡེ་ཤེས་ལས་བྱུང་བའི་མཆོད་པས་དེ་བཞིན་གཤེགས་པ་དེ་དག་ལ་སྟི་སྟང་དུ་བགྱིའོ།། བཙུན་པར
63a3 བགྱིའོ། ། རི་མོར་བགྱིའོ།། མཆོད་དོ།། གསོལ་ལོ།། རིམ་གྲོར་བགྱིའོ།། ཇི་ལྟར་བདག་གི་དོན་མཆོད་པ་དེ་བཞིན་དུ་འཇིག་རྟེན་གྱི་ཁམས་རབ་འབྱམ་མ་ལུས་པ་ཐམས་ཅད་ན་སེམས་ཅན་ཇི་ཙམ་སེམས་ཅན་གྱི
63a4 རིས་ན་མཆིས་པ། སེམས་ཅན་གྱི་ཁམས་དེ་དག་ཐམས་ཅད་ཀྱི་ཆེད་དུ་ཡང་དེ་བཞིན་གཤེགས་པ་དེ་དག་ལ་མཆོད་པར་བགྱིའོ།། དེ་ལྟར་བདག་དེ་བཞིན་གཤེགས་པ་ལ་མཆོད་པའི་སྟོབས་ཀྱིས་བསླན་པའི
63a5 སེམས་བསྐྱེད་པ། བྱམས་པ་ཆེན་པོ་དང་། སྙིང་རྗེ་ཆེན་པོས་ཉེ་བར་བསྟན་པ། འགྲོ་བ་ཐམས་ཅད་ཡོངས་སུ་སྐྱོབ་པའི་སྨོན་ལམ་དང་ལྡན་པས་དེ་བཞིན་གཤེགས་པ་ཐམས་ཅད་ཀྱི་བྱིན་གྱི་བརླབས་ཀྱི་མཛོད་ཀྱི
63a6 རྗེས་སུ་ཞུགས་པར་གྱུར། ཤེས་རབ་དང་། ཐབས་ཀྱི་སྟོབས་ཆེན་པོས་ཡོངས་སུ་བཟུང་བར་གྱུར།། བདུད་ཀྱི་ལམ་དང་ཡུལ་ཐམས་ཅད་ལས་ཡང་དག་པར་འདས་པར་གྱུར་ནས་སྒྲིབ་པར་འགྱུར་བའི་ལས་ཐམས
63a7 ཅད་བཤགས་པར་བགྱི་སྟེ། གང་སངས་རྒྱས་བཅོམ་ལྡན་འདས་རྣམས་ཀྱིས་བཀའ་མ་སྩལ་པ་དང་། གང་སེམས་ཅན་དམ་པ་རྣམས་ཀྱིས་རྣམ་པར་སྤངས་པ་དང་། གང་དེ་བཞིན་གཤེགས་པ་རྣམས་ཀྱིས
63a8 ཕྲད་པ་དང་། གང་བྱང་ཆུབ་སེམས་དཔའ་རྣམས་ཀྱིས་ཡོངས་སུ་སྤངས་པ་དང་། གང་འཕགས་པ་རྣམས་ཀྱིས་བཤུད་པ་དང་། གང་མཁས་པ་རྣམས་དང་ཞེ་འགྲས་པ་དང་། གང་རིག་པ་རྣམས་ཀྱིས་བོར་བ
iiif viewer powered by OpenSeadragon
