| e-texts navigator |
| Wylie |
62a1 ལུས་ཀྱི་ལས་དང་། ངག་གི་ལས་དང་། ཡིད་ཀྱི་ལས་ཀྱིས་སངས་རྒྱས་བཅོམ་ལྡན་འདས་དེ་དག་ལ་ཕྱག་འཚལ་ལོ།། བསྟོད་དོ།། བཀུར་རོ།། བསྔགས་སོ།། རབ་ཏུ་བསྔགས་སོ།། འདུད་དོ།། རབ་ཏུ་འདུད་དོ།། ཕྱག
62a2 བགྱིའོ། ། གཞོལ་ལོ།། བལྟའོ།། བརྟག་གོ།། དམིགས་པ་དཔག་ཏུ་མ་མཆིས་པ་དང་ལྡན་པའི་མེ་ཏོག་དང་། སྤོས་དང་། ཕྲེང་བ་དང་། བྱུག་པ་དང་། ཕྱེ་མ་དང་། ཆོས་གོས་དང་། གདུགས་དང་། རྒྱལ་མཚན་དང་། བ་དན་ད་།
62a3 མར་མེ་དང་། བཀོད་པ་དང་། ལྷབ་ལྷུབ་དང་། མཆོད་རྟེན་རྩིག་པ་དང་། སྐུ་གཟུགས་བགྱི་བ་དང་། རིན་པོ་ཆེ་དང་། རྒྱན་དང་། བཞོན་པ་དང་། འཆགས་དང་། གཙུག་ལག་ཁང་དང་། ཡོ་བྱད་ཐམས་ཅད་བཀོད་པ་རྣམ་པར
62a4 དག་པ་རྒྱ་ཆེན་པོ་འདི་དག་གིས་ཀྱང་དེ་བཞིན་གཤེགས་པ་དེ་དག་ལ་སྟི་སྟང་དུ་བགྱིའོ། ། བཙུན་པར་བགྱིའོ།། རི་མོར་བགྱིའོ།། མཆོད་དོ།། གསོལ་ལོ།། རིམ་གྲོར་བགྱིའོ།། མཆོད་པ་མོས་པའི་སྟོབས་ལས་ངེས་པར
62a5 བྱུང་བ། ། ཁམས་གསུམ་པ་ལས་ཤིན་ཏུ་འདས་པ། ཉོན་མོངས་པ་མ་མཆིས་པའི་ཆོས་ལས་བྱུང་བ། མངོན་པར་འདུ་བགྱིད་པ་མ་མཆིས་པའི་ཕྱག་རྒྱས་བཏབ་པ། ཡེ་ཤེས་སྒྱུ་མ་ལས་ཤིན་ཏུ་ཡོངས་སུ
62a6 གྲུབ་པ། ལས་སྒྱུ་མ་ལས་ཤིན་ཏུ་རྣམ་པར་ཕྱེ་བ། གནས་ཐམས་ཅད་ལས་ཤིན་ཏུ་སྤགས་པ། འཇིག་རྟེན་སྣུ་མ་ལས་བྱུང་བ། ངོ་བོ་ཉིད་ཀྱི་ཆོས་དང་འབྲེལ་པ། ཡང་དག་པར་རྫོགས་པའི་སངས་རྒྱས་ཀྱིས་བཀའ
62a7 སྦལ་པའི་མཆོད་པས་དེ་བཞིན་གཤེགས་པ་དེ་དག་ལ་བསྟི་སྟང་དུ་བགྱིའོ། ། བཙུན་པར་བགྱིའོ།། རིམ་མོར་བགྱིའོ།། མཆོད་དོ།། གསོལ་ལོ། མ་གྲོར་བགྱིའོ།། གོང་དུ་ཡང་བྱང་ཆུབ་སེམས་དཔའ་དེ་བཞིན་གཤེགས
62a8 པའི་རྒྱུད་བསབ་པར་འཚལ་བ། སེམས་ཅན་གྱི་རྒྱུད་ཡོངས་སུ་སྨིན་པར་བགྱིད་པར་འཚལ་བ། ཞིང་གི་རྒྱུད་རྣམ་པར་སྦྱོང་བར་འཚལ་བ། ལས་ཀྱི་རྒྱུད་དང་མི་འགལ་བར་འཚལ་བ། ཆོས་ཀྱི་རྒྱུད་རབ་ཏུ་རྣམ་པར
iiif viewer powered by OpenSeadragon
