| e-texts navigator |
| Wylie |
96b1 བསྟན་པ་ལྟ་སྨོས་ཀྱང་ཅི་དགོས་ཏེ། སྲི་ཞུ་དང་མི་འགལ་བའི་སེམས་མེད་དོ།། དེ་ལྟ་བུ་བྱས་ན་ལྟུང་བའོ།། ཚུལ་ཁྲིམས་འདི་དགུ་བསླབས་ལ་སེམས་གུས་པར་གཟུངས་སུ་གཟུང་ཤིག། སངས་རྒྱས་ཀྱི་བུ་རྣམས་ཚུལ་ཁྲིམས
96b2 ཡང་བ་བཞི་བཅུ་རྩ་བརྒྱད་ཁྱེད་ལ་སོགས་པས་རྟག་པར་གཟུངས་སུ་ཟུང་ཤིག། སྔར་འདས་པའི་སངས་རྒྱས་དང་བྱང་ཆུབ་སེམས་དཔའ་རྣམས་ནི་ཁ་ཏོན་ཟིན་ཏོ།། ད་ལྟར་གྱི་སངས་རྒྱས་དང་བྱང་ཆུབ་སེམས་དཔའ་རྣམས
96b3 ཀྱིས་ནི་ད་ལྟར་ཁ་ཏོན་བྱས་སོ། ། སངས་རྒྱས་དང་བྱང་ཆུབ་སེམས་དཔའ་ཕྱིས་འོང་བའི་རྣམས་ནི་དེ་དེའི་ཁར་ཁ་ཏོན་བྱེད་དོ།། སངས་རྒྱས་ཀྱི་བུ་ཉོན་ཅིག། ཕས་ཕམ་པ་བཅུ་དང་། ལྟུང་བ་བཞི་བཅུ་རྩ་བརྒྱད་ཅིག་འདས་པའི
96b4 སངས་རྒྱས་ཀྱིས་ཁ་ཏོན་ཟིན། ད་ལྟར་གྱི་ཁ་ཏོན་བྱས་ཕྱིས་ཀྱང་ཁ་ཏོན་བྱེད་དེ། དའང་དེ་བཞིན་ད་ལྟར་ཁ་ཏོན་བྱེད་དོ།། དེ་ལྟ་བས་ན་ཁྱེད་ལ་སོགས་པས་སེམས་ཅན་ཕལ་མང་པོ་རྒྱལ་པོ་དང་རྒྱལ་བུ་དང་། བློན་པོ་དང་དགེ་སློང
96b5 དང་དགེ་སློང་མ་དང་། དགེ་བསྙེན་དང་དགེ་བསྙེན་མས་བྱང་ཆུབ་སེམས་དཔའི་ཚུལ་ཁྲིམས་ནོས་ནས་འགྲུས་པར་ཁ་ཏོན་བླགས་ལ་བཀྲོལ་བཤད་དེ། ཡི་གེར་བྲིས་ལ་སངས་རྒྱས་ཀྱི་རང་བཞིན་གྱིས་སྐལ་པ་རྟག་པར་འདུག
96b6 སྟེ། སེམས་ཀྱི་གླེགས་བམ་རུས་གསུམ་གྱི་བར་དུ་ཚུལ་བཞིན་འབབ་ཅིང་ཐོགས་པ་མེད་པར་བྱས་ཏེ། སེམས་ཅན་ཐམས་ཅད་བསྟན་ཅིང་བསླབ་པའི་རྒྱུན་མི་གཅོད་ཅིང་སངས་རྒྱས་མཐོང་ལ་སངས་རྒྱས་གཅིག་གིས་གཅེ
96b7 ལ་གཏད་དེ། ཚེ་ཚེ་རབས་སུ་ཡང་ངན་སོང་དང་བགེགས་བརྒྱད་ཀྱི་ནང་དུ་ཡང་མི་ལྟུང་ཞིང་རྟག་པར་མིའི་ལམ་དང་། གནམ་གྱི་སྟེང་དུ་སྐྱེའོ།། ངས་དེ་ལྟར་ཤིང་འདིའི་དྲུང་དུ་འདུག་སྟེ། སངས་རྒྱས་རབས་བདུན་གྱི་ཆོས་ཀྱི་ཁྲིམས
96b8 མདོ་ཙམ་ཞིག་ཕྱེ་བ་ཁྱེད་ལ་སོགས་པ་སྙིང་གཅིག་ཏུ་བརྟུལ་ཏེ་སོ་སོར་ཐར་པ་ལ་བསླབས་ལ་དགའ་ཞིང་གུས་པར་གྱིས་ཤིག། གཟུགས་མེད་པའི་གནམ་གྱི་རྒྱལ་པོའི་ལེའུ་སློབ་པའི་བློན་འདེབས་པའི་ནད་ནས་གཅིག་པུ་གཅིག
iiif viewer powered by OpenSeadragon
