| e-texts navigator |
| Wylie |
93a1 བརྙན་གྱི་སྤྱན་སྔར་མི་གཅིག་གིས་ཁ་ཏོན་གླགས་ལ་གཅིག་གིས་འཐོལ་ཚངས་བྱ་སྟེ། གཅིག་གམ་གཉིས་སམ་གང་ཡང་རུང་སྟེ། སྟོང་བརྒྱ་དེ་ཡང་མི་གཅིག་གིས་ཁ་ཏོར་ཀློག་གོ། ཁ་ཏོན་ཀློག་པ་ནི་ས་མཐོན་པོ
93a2 ལ་འདུག་ལ་ཉན་པ་ནི་དམའ་བ་ལ་འདུག་གོ། ། སོ་སོ་ནས་ཆོས་གོས་ཚལ་བུ་དགུ་པ་དང་། ལྔ་པ་དང་། བདུན་པ་བགོས་ཏེ་ཚུལ་དུ་འཇུག་པ་ནི་གཅིག་ནས་གཅིག་ཏུ་ཆོས་བཞིན་དུའོ།། སྦྱངས་པའི་ཡོན་ཏན་སྤྱོད་པའི་ཚེ་བགེགས་ཡོད་ཅིང
93a3 མི་བདེ་བའི་ནང་དུ་མ་འགྲོ་ཅིག། ཡུལ་གྱི་བགེགས་དང་། རྒྱལ་པོ་མི་སྲུན་པ་དང་། ས་མཐོ་ན་དམན་དང་། རྩི་ཤིང་ཟབ་མོ་དང་། དབྱར་སེང་གེ་དང་། སྟག་དང་། སྤྱད་ཀི་དང་། ཆུསྟེ་རླུང་གི་བགེགས་དང་། རྐུན་པོ་ཆེམ་པོ་དང་། སྦྲུལ་གདུག་སྡེ
93a4 ལམ་ལ་སོགས་ཏེ། བགེགས་ཡོད་དོ་ཅོག་ཐམས་ཅད་སྦྱངས་པའི་ཡོན་ཏན་པ་འགྲོར་མི་རུང་ངོ་།། དེ་ལ་ཆེད་ཀར་སོང་ན་ནི་ལྟུང་བའོ།། སངས་རྒྱས་ཀྱི་བུ་ཆོས་འདི་བཞིན་དུ་རིམ་པར་འཁོད་ཅིག། ཚུལ་ཁྲིམས་སྔར་ནོས་པ་ནི་སྔ
93a5 འདུག་ཤིག། ཚུལ་ཁྲིམས་ཕྱིས་ནོས་པ་ནི་ཕྱི་ནས་འདུག་ཤིག། རྒན་གཞོན་མི་ལྟ། དགེ་སློང་ཕོ་དང་། དགེ་སློང་མོ་དང་། ཡ་རབས་དང་། བཙུན་པ་དང་། རྒྱལ་པོ་དང་། རྒྱལ་བུ་དང་། ཉུང་རུམ་དང་། བྲན་པོས་སྨོས་ལ་སོགས་པ་ཚུལ
93a6 ཁྲིམས་སྔར་ནོས་པ་ནི་སྔར་འདུག་ཤིག། ཕྱིས་ནོས་པ་ནི་ཕྱིས་གོ་རིམས་བཞིན་དུ་འདུག་ཤིག། མུར་འདུག་ངན་པ་དང་། མི་གླེན་པ་བཞིན་དུ་རྒན་ཡང་རུང་། གཞོན་ཡང་རུང་། སྔ་མེད་ཕྱི་མེད་པའི་གོ་རིམིས་མེད་པ་ནི་གཡུང་པོ་བྲན་གྱི་ཚེས་སོ།།
93a7 ངསངས་རྒྱས་ཀྱི་ཆོས་ཀྱི་ནང་ན་ནི་སྔ་མ་ནི་སྟེང་དུ་འདུག་ཕྱི་མ་ནི་འོག་ཏུ་འདུག་གོ། བྱང་ཆུབ་སེམས་དཔའ་ནི་ཆོས་བཞིན་དུ་གོ་རིམས་སུ་མ་འཁོད་ན་ལྟུང་བའོ།། སངས་རྒྱས་ཀྱི་བུ་རྟག་པར་སེམས་ཅན་ནོ་ཅོག་བསྟན་ཅིང་བཅོས་ཏེ། དགེ
93a8 འདུན་གྱི་ཁང་ཁྱིམ་བྱེད་ཅིང་རི་དང་། ཚལ་དང་། ར་བ་དང་། ཞིང་ལ་སངས་རྒྱས་ཀྱི་རྟེན་གྱི་ཁང་པ་བྱས་ལ་དབྱར་དགུན་དུ་ཚུལ་དང་། བསམ་གཏན་དུ་འཇུག་པའི་གནས་དང་། གཙང་མའི་འཆགས་ས་འཛུགས་སུ་བཞུགས་པའི་རིགས་སོ།།
iiif viewer powered by OpenSeadragon
