| e-texts navigator |
| Wylie |
77a1 མ་ཡིན། བྱ་ཡང་མ་ཡིན་པ་བཞིན་དུ་དེ་ནི་ཁྱིམ་པ་ཡང་མ་ཡིན། རབ་ཏུ་བྱུང་བ་ཡང་མ་ཡིན་པས་ན་གླེན་པའི་སྐྱེས་བུ་དེ་དེ་ལྟ་བུའི་ཚུལ་དུ་ཟུང་ཤིག། སྐྱེས་བུ་དམ་པ་འགྲོ་བ་ཐ་དད་པའི་ཆོས་དེ་དག་ནི་སྒྱུ་མ་ལྟ་བུ་སྟེ། དེ
77a2 ལས་འདའ་བར་ཡང་མི་ནུས། འགྲོ་བ་ཐ་དད་པའི་ཆོས་ནི་ཡོངས་སུ་མ་རྫོགས་པས་ན། དེ་ལས་འདའ་བར་ཡང་དགའ། སེམས་ཅན་གྱི་ཁམས་ནི་ཕྱིན་ཡང་མེད། ནང་ན་ཡང་མེད་དེ།། གཉིས་ཀར་ཡང་དམིགས་སུ་མེད་པས་ན། གང
77a3 སེམས་ཅན་གྱི་ཁམས་ཀྱི་དངོས་པོ་དེ་ནི་འགྲོ་བ་ཐ་དད་པའི་ཆོས་ཀྱི་དངོས་པོ་སྟེ། དེ་ལས་འདའ་བར་ཡང་དགའ་བ་དེ་ལ་ཀྱེ་རྒྱལ་བའི་སྲས་བཅོམ་ལྡན་འདས་ཀྱིས་འགྲོ་བ་ཐ་དད་པའི་ཆོས་ལས་འདས་ཤིང་འཇིག་རྟེན་ལས་འདས།
77a4 པའི་ཆོས་ཐོབ་པའི་དགེ་སློང་དེ་ནི་རབ་ཏུ་བྱུང་བར་གྱུར། བསྙེན་པར་རྫོགས་པར་ཡང་དག་པར་རྫོགས་པ་སྟེ། དེ་ནི་དད་པས་བྱིན་པ་སྤྱོད་པའི་མཆོད་གནས་སུ་གྱུར་པའོ་ཞེས་གསུངས་པ་ཡང་ཀྱེ་རྒྱལ་བའི་སྲས་རྟེན་པའི་གནས
77a5 མེད་ན། དེ་ལ་འཐོབ་པ་གང་ཅི་སྟེ་འཇིག་རྟེན་ལས་འདས་པའི་ཆོས་རྣམས་འཐོབ་པར་འགྱུར་ན་དེ་ནི་དམིགས་པར་གྱུར་པའོ།། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་ཆོས་ཉིད་ནི་མི
77a6 དམིགས་པ་སྟེ། བཅོམ་ལྡན་འདས་ཀྱིས་ཀྱང་འདི་ལྟར་དགོངས་ནས་འགྲོ་བ་ཐ་དད་པའི་ཆོས་ལས་འདས་ཤིང་འཇིག་རྟེན་ལས་འདས་པའི་ཆོས་ཐོབ་པ་དེ་ནི་དགེ་སློང་ཡང་དག་པར་གྱུར་པ་སྟེ། དད་པས་བྱིན་པ་སྤྱོད་པའི་མཆོད་གནས
77a7 སོ། ། དེ་ནས་བྱམས་པ་བྱང་ཆུབ་སེམས་དཔས་འཇིག་རྟེན་གྱི་དབང་པོ་བྱང་ཆུབ་སེམས་དཔའ་ལ་སྨྲས་པ། བཅོམ་ལྡན་འདས་ཀྱིས་ཅི་ལས་དགོངས་ཏེ། བརྩོན་པ་མི་འདོར་བའི་དགེ་སློང་གང་གིས་གཟུགས་མི་འདོར། ཚོར་བ་དང
77a8 འདུ་ཤེས་དང་། འདུ་བྱེད་དང་། རྣམ་པར་ཤེས་པ་མི་འདོར་བ་དེ་ནི་རབ་ཏུ་བྱུང་བའི་དགེ་སློང་སྟེ། དེ་ནི་དགེ་བར་གསུངས་པའི་ཆོས་ཀྱི་འདུལ་བ་ལ་ཤིན་དུ་རབ་ཏུ་བྱུང་བར་གྱུར་པས་ན་འདི་ལྟ་བུའི་དགེ་སློང་ནི་དད་པས་བྱིན་པ་སྤྱོད་པའི
iiif viewer powered by OpenSeadragon
