| e-texts navigator |
| Wylie |
76b1 པནི་ཤིན་ཏ་རབ་ཏུ་བྱུང་ངོ་། ། སེམས་ཅན་གང་ཟ་དད་པ་འདི་ལྟ་བུས་རབ་ཏུ་བྱུང་བ་དེ་ནི་ཡང་དག་པར་རབ་ཏུ་བྱུང་བའོ།། གང་རབ་ཏུ་བྱུང་ཡང་ཚུལ་ཁྲིམས་དང་། སྤྱོད་ཡུལ་དང་། འཚོ་བ་དང་། ལྟ་བ་དང་། བསམ་པ་ཉམས་པ་སྟེ། དེ་ནི་མགོ་དང་ཁ་སྤུ
76b2 བྲེགས་ཀྱང་དོན་མེད་པ་སྟེ། རྙོག་པ་འཆང་བས་རང་རྙོག་པ་དེས་ངན་སོང་དུ་གཞོལ་བ་ཡིན་ནོ།། ངས་དད་པས་བྱིན་པ་སྤྱོད་དུ་གནང་བ་ནི་རིགས་པས་གྲོལ་བ་སྟེ། དགེ་སློང་གང་བརྩོལ་བ་མི་འདོར་བ་དེས་གཟུགས་མི་འདོར་ཚོར་བ་དང་། འདུ་ཤེས་དང་། འདུ
76b3 བྱེད་དང་། རྣམ་པར་ཤེས་པ་མི་འདོར། ཕུང་པོ་ལྔ་ཐ་དད་པ་དང་། རིལ་གྱིས་བརྟགས་པའི་རང་བཞིན་པས་ན་མི་རྟག་པ་དང་། སྡུག་བསྔལ་བ་དང་། སྟོང་པ་དང་། བདག་མེད་པར་ལྟ་བ་དེ་དག་ཀྱང་མི་དམིགས་པའི་ཚུལ་གྱིས་ཁམས་དང་། སྐྱེ་མཆེད་རྣམས
76b4 མ་ཡིན་པར་སྤྲོ་བ་དམ་པར་བྱེད་པས་རྟག་ཏུ་བསྒོམ་མོ། ། སྙིང་པོ་མེད་པ་དང་། འབྲུམ་པ་ཅན། ཟུག་རྔུ་ཅན་དང་ལྡན་པ། སྐྱོན་ཅན། ཕ་རོལ་པོ་སླུ་བའི་ཆོས་ཉིད་ཅེས་སུན་འབྱིན་པ་དེ་དག་ཀྱང་མི་དམིགས་པའི་ཚུལ་དུ་སྦྱོར་བས། གང་ལུས་ཀྱིས་ལུས
76b5 ལ་སྲིད་པ་དང་། ལུས་ལ་བྱམས་པ་དང་། ལུས་ལ་བདག་ཡིད་ཆེས་པ་དང་། ལུས་ལ་ཞེན་པ་དེ་དག་རབ་ཏུ་སྤོང་ངོ་།། གང་འདི་ལྟ་བུའི་དགེ་སློང་ནི་དགེ་བར་གསུངས་པའི་ཆོས་དང་འདུལ་བ་ལ་རབ་ཏུ་བྱུང་བར་གྱུར། དད་པས་བསྙེན་པར་རྫོགས་པའི
76b6 ཡང་དག་པར་རྫོགས་པ་ཡིན་ཏེ། འདི་ལྟ་བུའི་དགེ་སློང་ནི་ལྷ་དང་འཇིག་རྟེན་ཏུ་བཅས་པ་རྣམས་ཀྱི་སྦྱིན་གནས་སུ་གྱུར་པའོ།། དེ་ནས་བྱམས་པ་བྱང་ཆུབ་སེམས་དཔས་འཇིག་རྟེན་གྱི་དབང་པོ་བྱང་ཆུབ་སེམས་དཔའ་ལ་སྨྲས་པ
76b7 བཅོམ་ལྡན་འདས་ཀྱིས་ཅི་ལས་དགོངས་ཏེ་འགྲོ་བ་ཐ་དད་པའི་ཆོས་རྣམས་ལ་འདས་ཤིང་འཇིག་རྟེན་ལས་འདས་པའི་ཆོས་རྣམས་ཐོས་པ་དེ་ནི་དགེ་བར་གསུངས་པའི་ཆོས་འདུལ་བ་ལ་རབ་ཏུ་བྱུང་བར་གྱུར། བསྙེན
76b8 པར་རྫོགས་པའི་ཡང་དག་པར་རྫོགས་པ་ཞེས་གསུངས། གཞན་གང་ཞིག་རབ་ཏུ་བྱུང་ཞིང་བསྙེན་པར་རྫོགས་ཀྱང་བདག་བསླུས་པ་སྟེ། ཕ་བང་ལྟར་བྱི་བ་ཡང
iiif viewer powered by OpenSeadragon
