| e-texts navigator |
| Wylie |
72b1 ཆུབ་མངོན་པར་རྫོགས་པར་འཚང་རྒྱ་བའི་སངས་རྒྱས་ཀྱི་ཞིང་དེ་སྙེད་མཆིས་པར་ག་ལ་འགྱུར། ། བཅོམ་ལྡན་འདས་ཀྱིས་བཀའ་སྩལ་པ། ཤཱ་རིའི་བུ་ཁ་རོག་འདུག་དེ་སྐད་མ་སྨྲ་ཤིག། ཤཱ་རིའི་བུ་སངས་རྒྱས
72b2 ཀྱི་ཞིང་ཚད་མེད་པ་དག་དེ་བཞིན་གཤེགས་པས་སྟོང་ངོ་། ། ཤཱ་རིའི་བུ་ཡོངས་སུ་བརྟག་པ་གཟུང་ན། གལ་ཏེ་དེ་བཞིན་གཤེགས་པའི་ཚེའི་ཚད་བསྐལ་པ་གང་གཱའི་ཀླུང་གི་བྱེ་མ་སྙེད་དུ་གྱུར་ལ། ཉི་མ་རེ་རེ་ཐམས་ཅད
72b3 ལའང་ཆོས་བཤད་པ་གང་གཱའི་ཀླུང་གི་བྱེ་མ་སྙེད་འཇུག་པར་གྱུར་ཅིང་ཆོས་བཤད་པ་ཐམས་ཅད་ལའང་བྱང་ཆུབ་སེམས་དཔའ་གང་གཱའི་ཀླུང་གི་བྱེ་མ་སྙེད་ལུང་བསྟན་པར་གྱུར་ལ། གང་གིས་ཤར་ཕྱོགས་སུ་སངས།
72b4 རྒྱས་ཀྱི་ཞིང་གང་གཱའི་ཀླུང་གི་བྱེ་མ་སྙེད་འདས་ནས། བྱང་ཆུབ་སེམས་དཔའ་གཅིག་མཚན་མར་གཞག་ཀྱང་། སངས་རྒྱས་ཀྱི་ཞིང་རྣམས་དེ་བཞིན་གཤེགས་པ་དག་གིས་དེ་ཙམ་དུ་སྟོང་ན། ཕྱོགས་བཅུའི་སངས་རྒྱས
72b5 ཀ་ཡི་ཞིང་གང་དེ་བཞིན་གཤེགས་པའི་ཤའི་སྤྱན་ཐ་མལ་བས་གཟིགས་པར་འགྱུར་བའི་སངས་རྒྱས་ཀྱི་ཞིང་དེ་དག་ཏུ་སྐྱེས་པའི་སེམས་ཅན་དེ་དག་གི་སེམས་དེ་བཞིན་གཤེགས་པས་མཁྱེན་པའི་དེ་བཞིན་གཤེགས་པ་དེ
72b6 དག་གིས་སྟོང་པ་ལ་ལྟ་ཅི་སྨོས། དེ་ནས་ཉན་ཐོས་ཆེན་པོ་དེ་དག་དང་ཐམས་ཅད་དང་ལྡན་པའི་འཁོར་དེ་ངོ་མཚར་དུ་གྱུར་ནས། ཚིག་འདི་སྐད་དུ་བདག་ཅག་གི་སྟོན་པ་དེ་དག་དེ་ལྟར་རྫུ་འཕྲུལ་ཆེ། དེ་ལྟར་མཐུ་ཆེ།
72b7 དེ་ལྟར་ཡེ་ཤེས་གཟིགས་པ་ཆེན་པོ་དང་ལྡན་ཏེ། བདག་བཅག་གིས་རྙེད་པ་ལེགས་པར་རྙེད་དོ་ཞེས་སྨྲས་སོ།། དེ་ནས་བྱང་ཆུབ་སེམས་དཔའ་གང་ཕྱོགས་བཅུའི་འཇིག་རྟེན་གྱི་ཁམས་ནས་འདུས་པ
72b8 སྟེང་གི་བར་སྣང་ལ་འཁོད་པ་དེ་དག་བར་སྣང་དེ་ལས་བབས་ནས། བཅོམ་ལྡན་འདས་དང་། འཇམ་དཔལ་གཞོན་ནུར་གྱུར་པའི་ཞབས་ལ་མགོ་བོས་ཕྱག་འཚལ་ཏེ། བསྐོར་ནས་ཕྱོགས་བཅུར་དོང་ངོ་།། དེ་ནས་འཇམ།
iiif viewer powered by OpenSeadragon
