| e-texts navigator |
| Wylie |
65a1 སྲོག་གི་ཕྱིར་ཡང་ཡོངས་སུ་བཏད་པར་མི་བྱ་སྟེ། དགེ་སློང་དག་བྱང་ཆུབ་སེམས་དཔའ་སེམས་དཔའ་ཆེན་པོས་ཇི་སྲིད་མཚོའི་བར་དུ་ཆོས་བཞི་པོ་འདི་དག་སྲོག་གི་ཕྱིར་ཡང་ཡོངས་སུ་བཏང་བར་མི
65a2 བྱའོ། ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ཏེ། བདེ་བར་གཤེགས་པས་དེ་སྐད་གསུངས་ནས། སྟོན་པས་གཞན་ཡང་འདི་སྐད་བཀའ་སྩལ་ཏོ།། ཐམས་ཅད་མཁྱེན་ཉིད་སེམས་ནི་མི་གཏོང་ཞིང་།། མཐ།
65a3 པས་རྫོགས་པའི་བྱང་ཆུབ་སེམས་སྤྱད་ཅིག། བཟོད་པ་དེས་པའི་སྟབས་ལ་རབ་གནས་ཏེ།། དགེ་བའི་བཤེས་གཉེན་ཡོངས་སུ་གཏད་མི་བྱ།། རི་དགས་རྒྱལ་པོ་བཞིན་དུ་འཇིགས་སྤངས་ཏེ།། མཁས་པས་དགོན་གནས
65a4 རྟག་ཏུ་བསྟེན་པར་བྱ། ། ཆོས་འདི་དག་ལ་རྟག་ཏུ་རབ་གནས་ན།། བདུད་རྣམས་བཅོམ་ནས་བྱང་ཆུབ་དེ་འཚང་རྒྱ།། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་དང་། བྱང་ཆུབ་སེམས་དཔའ
65a5 དེ་དག་དང་། ཐམས་ཅད་དང་ལྡན་པའི་འཁོར་དག་ཡི་རངས་ཏེ།། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། ། འཕགས་པ་ཆོས་བཞི་པ་ཞེས་བྱ་བ་ཐེག་པ་ཆེན་པོའི་མདོ་རྫོགས་སྷོ།།
65a6 རྒྱ་གར་སྐད་དུ། ཨཱནྟ་ཙ་རྠ་ཤྭེ་ནི་ཤཱར་ནཱ་མ་མ་ཧཱ་མཱ་ནཱ་སཱུ་ཛ། བོད་སྐད་དེ། འཕགས་པ་བཞིས་བསྒྲུབ་པ་ཞེས་བྱ་བ་ཟག་པ་ཆེན་པོའི་མདོ།། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་བཚལ
65a7 ལོ། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན། དགེ་སློང་ལྔ་བརྒྱ་ཙམ་གྱི་དགེ་སློང་གི་དགེ་འདུན་ཆེན་པོད
65a8 བྱང་ཆུབ་སེམས་དཔའ་བརྒྱ་སྟོང་ཐམས་ཅད་ཀྱང་གོ་ཆ་ཆེན་པོ་བགོས་པ་ཤ་སྟག་དང་། འདོད་པ་ན་སྤྱོད་པ་དང་། གཟུགས་ན་སྤྱོད་པའི་ལྷའི་བུ་རྣམས་དང་ཐབས་གཅིག་ཏུ་བཞུགས་ཏེ། དེ་ནས་བཅོམ་ལྡན་འདྲ
iiif viewer powered by OpenSeadragon
