| e-texts navigator |
| Wylie |
39b1 སྲོང་ཆེན་པོ་རྣམ་གྲངས་འདི་ལྟ་བུར་འོག་མིན་གྱི་བར་གྱི་ལྷ་རྣམས་ཀྱི་ནང་དུ་སྐྱེའོ། ། དེ་བཞིན་དུ་འཁོར་ལོས་སྒྱུར་བ་རྣམས་དང་། སྟོབས་ཀྱི་འཁོར་ལོས་བསྒྱུར་བ་རྣམས་དང་། ཁམས་ཀྱི་རྒྱལ་པོ་རྣམས་སུ་འགྱུར་ཏེ། དྲང་སྲོང་ཆེན་པོ།
39b2 རྒྱལ་རིགས་དང་བྲམ་ཟེ་དང་། ཁྱིམ་བདག་རྣམས་ཀྱི་བར་དུ་ཡང་འགྱུར་རོ།། དྲང་སྲོང་ཆེན་པོ་རྣམ་གྲངས་འདི་ལྟ་བུས་དེ་བཞིན་གཤེགས་པའི་གཟུགས་ཀྱི་སྐུ་མཐོང་ཞིང་བདག་ཉིད་ཀྱང་འཇིགས་པ་ཆེན་པོ་ལས་གྲོལ་བར་མཐོང་ན།
39b3 དེ་བཞིན་གཤེགས་པ་ལ་བྱས་པ་གཟོ་ཞིང་བྱས་པ་ཤེས་པར་འགྱུར་རོ།། དེ་བཞིན་གཤེགས་པ་ཆོས་ཉིད་ཐོས་ནས་བསླབ་པའི་གནས་རྣམས་ལ་བག་བྱེད་པར་འགྱུར་རོ།། ཐབས་འདིས་ན་ངན་སོད་དུ་འགྲོ་བར་མི་འགྱུར་རོ།། དྲང
39b4 སྲོང་ཆེན་པོ་ཡང་ས་བཅུ་ལ་གནས་པའི་བྱང་ཆུབ་སེམས་དཔའ་རྣམས་ཀྱི་མིག་ལ་སའི་ཁམས་ཇི་སྙེད་སྣང་བར་འགྱུར་བ་དེ་བས་ནི། སེམས་ཀྱི་ཁམས་གང་འཁོར་བ་ཆགས་པའི་སྐྱོན་ཆགས་པར་ཤེས་ནས་ཕུང་པོ་མ་ལུས
39b5 པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདའ་བར་བྱེད་པ་ཆེས་མང་སྟེ། དྲང་སྲོང་ཆེན་པོ་དེའི་ཕྱིར་བསྐལ་པས་སྲེག་པར་འགྱུར་རོ།། དེ་ནས་དྲང་སྲོང་ཆེན་པོ་མེ་སྒྲོན་གྱིས་རང་གི་ཡིད་ཀྱིས་རྣམ་པར།
39b6 དཔྱད་ནས་ཚིག་ཏུ་སྨྲས་པ། ཀྱེ་མ་འོ་གང་བདག་དྲང་སྲོང་ཆེན་པོ་ཞེས་འབོད་པ་ཤཱཀྱའི་སྲས་འདིའི་ཆེ་བ་ཉིད་ནི་རྒྱ་ཆེ་བའོ།། བདག་གིས་འདི་ལ་འགམས་པས་ཀྱང་ཆག་སྟེ་འདི་ནི་ཐམས་ཅད་མཁྱེན་པར་མངོན་གྱིས། བདག་གིས།
39b7 ཀྱང་འདི་ལ་ཡང་དག་པའི་མིང་གིས་འབོད་པར་བྱའོ་ཞེས་སྨྲས་སོ།། དེ་ནས་བཅོམ་ལྡན་འདས་ལ་དྲང་སྲོང་ཆེན་པོ་མེ་སྒྲོན་གྱིས་འདི་སྐད་ཅེས་གསོལ་ཏོ།། ཡོན་ཏན་གྱིས་པ་བྱུང་གནས་སུ་གྱུར་ཅིང་མཁྱེན་པ་དཔག་ཏུ་མ་མཆིས
39b8 པས་ཐམས་ཅད་མཁྱེན་པ་ཞེས་མཚན་གསོལ་པ། སེམས་ཅན་གནས་གང་དུ་འདུ་བར་འགྱུར་བ་བདག་ལ་བཀའ་སྩོལ་ཅིག། བཅོམ་ལྡན་འདས་ཀྱིས་བཀའ་སྩལ་པ། དྲང་སྲོང་ཆེན་པོ་གནས་མེད་པ་ལ་སེམས་ཅན་འདུ་བར།།
iiif viewer powered by OpenSeadragon
