| e-texts navigator |
| Wylie |
38b1 པ་བདེན་པ་སྨྲ་བར་མི་འགྱུར་རོ། ། དྲང་སྲོང་ཆེན་པོ་གང་གི་ཕྱིར་འདི་ཐམས་ཅད་རྟག་པ་མ་ཡིན།། བརྟན་པ་མ་ཡིན། དབུགས་ཕྱིན་པ་མ་ཡིན་པ་དེའི་ཚེ་དེ་བཞིན་གཤེགས་པ་ཐམས་ཅད་མཁྱེན་པ་ཞེས་བྱ་བ་དེའི་མིང་ཐོབ་པོ།།
38b2 དྲང་སྲོང་ཆེན་པོས་བྲམ་ཟེའི་ཁྱེའུ་ལ་སྨྲས་པ། འདི་ཐམས་ཅད་མཁྱེན་པར་མཚན་གསོལ་བ་ནི་འཐུན་ནོ།། བཅོམ་ལྡན་འདས་ཀྱིས་བཀའ་སྩལ་པ། དྲང་སྲོང་ཆེན་པོ་གལ་ཏེ་བསྐལ་པས་བསྲེག་པར་མ་གྱུར་ན་འདི་ནི་དུས
38b3 བཟང་པོའོ། ། འདི་ནི་ངན་པའོ་ཞེས་བྱ་བར་དུས་ཐ་དད་པ་མེད་པར་འགྱུརརོ།། དྲང་སྲོང་ཆེན་པོ་གལ་ཏེ་ཡང་བསྐལ་པས་བསྲེགས་པར་མ་གྱུར་ན་ལེགས་པར་བྱས་པ་དང་། ཉེས་པར་བྱས་པའི་ལས་རྣམས་ཀྱིས་རྣམ་པར་སྨིན་པ་ཐ
38b4 དད་པ་མེད་པར་འགྱུར་རོ། ། དྲང་སྲོང་ཆེན་པོ་ཡང་འདི་ལྟ་སྟེ། བསྐལ་པས་བསྲེག་པ་འདི་ནི་དེ་བཞིན་གཤེགས་པ་རྣམས་ཀྱི་ཐབས་མཁས་པ་སྟེ། དྲང་སྲོང་ཆེན་པོ་སེམས་ཅན་ཇི་སྙེད་བསྐལ་པས་བསྲེག་པར་འགྱུར་བ་ཐོས
38b5 ནས་དད་པར་འགྱུར་བའི་སེམས་ཅན་དེ་སྙེད་དེ་བཞིན་གཤེགས་པས་བསྡུ་བའི་དངོས་པོས་སྡུད་པར་འགྱུར་རོ། ། དྲང་སྲོང་ཆེན་པོ་འདི་ལྟ་སྟེ། དཔེར་ན་ཁ་ཆུ་ལྡག་པའི་སྦྲུལ་ནི་མིག་གིས་ཀྱང་རྔུབ། རྣ་བ་དང་། སྣ་དང་། ཁའི་སྒོ
38b6 ནས་ཀྱང་རྔུབ་བོ། ། དྲང་སྲོང་ཆེན་པོ་དེ་བཞིན་གཤེགས་པ་ལ་ཡང་དེ་ལྟར་བལྟ་སྟེ། སྦྱིན་པས་ཀྱང་སྡུད། སྙན་པར་སྨྲ་བས་ཀྱང་སྡུད། དོན་སྤྱད་པས་ཀྱང་སྡུད། དོན་འཐུན་པས་ཀྱང་སྡུད་དོ།། དྲང་སྲོང་ཆེན་པོ་འདི་ལྟ་སྟེ། དཔེར
38b7 ན་གསེར་ལ་གནོད་པར་བྱ་བའི་ཕྱིར་མེར་འཇུག་པ་མ་ཡིན་གྱིས། གསེར་དུལ་མ་མ་ཡིན་པ་འདི་ཇི་ལྟར་ན་དུལ་མར་འགྱུར་སྙམ་ནས་དེའི་ཕྱིར་མེར་འཇུག་སྟེ། ཤིན་ཏུ་བསྲེགས་པའི་ཕྱིར་རིན་པོ་ཆེའི་འོས་སུ་འགྱུར་རོ།།
38b8 རིན་པོ་ཆེས་སྨྲས་པ་དེའི་རིན་ཐ་མེད་པར་འགྱུར་ཏེ། དྲང་སྲོང་ཆེན་པོ་དེའི་ཕྱིར་གསེར་བརྡུང་བ་དང་བསྲེག་པས་རྣམ་པར་སྤྱོད་དོ།། དྲང་སྲོང་ཆེན་པོ་དེ་བཞིན་དུ་སངས་རྒྱས་བཅོམ་ལྡན་འདས་རྣམས་ཀྱང་རྒྱུ་མེད་པར་སྲེག
iiif viewer powered by OpenSeadragon
