| e-texts navigator |
| Wylie |
37b1 པའི་བདེན་པ་དང་། སྡུག་བསྔལ་ཀུན་འབྱུང་བ་དང་། སྡུག་བསྔལ་འགོག་པ་དང་། སྡུག་བསྔལ་འགོག་པར་འགྲོ་བའི་ལམ་འཕགས་པའི་བདེན་པ་ནི་སེམས་ཅན་ནོ།། ཉེ་བར་ལེན་པའི་ཕུང་པོ་ལྔ་དང་ཁམས་བཅོ་བརྒྱང་ནི་སེམས་ཅན་ནོ།།
37b2 དྲང་སྲོང་ཆེན་པོ་སེམས་ཅན་ཡང་གཞན་ལ་ལས་ཀྱང་གཞན་མ་ཡིན། ལས་ཀྱང་གཞན་ལ་སེམས་ཅན་ཀྱང་གཞན་མ་ཡིན་ནོ།། དྲང་སྲོང་ཆེན་པོ་སེམས་ཅན་ནི་འགྲིབ་པ་མ་ཡིན། འཕེལ་བ་མ་ཡིན་ནོ།། དྲང་སྲོང་ཆེན་པོས་གསོལ་བ། ཀྱེ
37b3 གཽ་ཏ་མ་གལ་ཏེ་སེམས་ཅན་འགྲིབ་པ་མ་མཆིས་འཕེལ་བ་མ་མཆིས་ན། ཅིའི་སླད་དུ་སེམས་ཅན་ཁྱིའི་སྐྱེ་གནས་ནས་ཤི་འཕོས་ཏེ་དབང་སྒྱུར་དུ་འགྱུར། བཅོམ་ལྡན་འདས་ཀྱིས་བཀའ་སྩལ་པ། དྲང་སྲོང་ཆེན་པོ་དེ་ནི་ཇི་སྙེད་སྨྲས
37b4 པ་དེ་བཞིན་དུ་མ་ཡིན་ནོ། ། གལ་ཏེ་དབང་སྒྱུར་དབང་སྒྱུར་ཡིན་དུ་ཟིན་ན་ནི་དབང་མེད་པར་འཆི་བར་མི་རིགས་སོ།། དྲང་སྲོང་ཆེན་པོ་གང་རང་གི་ལུས་ཀྱི་གཙོ་བོ་མ་ཡིན་པ་དེ་ཇི་ལྟར་དབང་སྒྱུར་དུ་འགྱུར།། དྲང་སྲོང་ཆེན་པོ་འདི་ལྟ་སྟེ། དཔེར་ན
37b5 སྲིན་བུ་མེ་ཁྱེད་འདི་སྙམ་དུ་བདག་གིས་འཛམ་བུའི་གླིང་སྣང་བར་བྱའོ་སྙམ་དུ་སེམས་དཔའི་རྐྱེན་གྱིས་སྲིན་བུ་མེ་ཁྱེར་གྱིས་འཛམ་བུའི་གླིང་སྣང་བར་བྱེད་དམ། སེམས་མ་དུལ་བའི་དབང་སྒྱུར་ཡང་དག་པ་མ་ཡིན་ནོ།། དྲང་སྲོང་ཆེན་པོ་ཡང་གལ
37b6 ཏེ་དབང་སྨྲར་ཉོན་མོངས་པ་འབྲི་བར་གྱུར་ན་ནི་ཁྱི་ལ་ཉོན་མོངས་པ་ཤས་ཆེ་བར་འགྱུར་རོ། ། གང་གི་ཚེ་དབང་སྒྱུར་དང་ཉོན་མོངས་པ་དག་ཁྱི་ལ་ཡོད་ཅིང་དབང་སྒྱུར་ལ་ཡང་ཡོད་པ་དེའི་ཚེ་སེམས་ཅན་འགྲིབ་པ་ཡང་མི་དམིགས། འཕེལ་བ
37b7 ཡང་མི་དམིགས་སོ། ། དྲང་སྲོང་ཆེན་པོས་གསོལ་པ། གོ་ཏ་མས་ཉོན་མོངས་པ་དེ་གྲིབ་པར་མཛད་དམ། བཅོམ་ལྡན་འདས་ཀྱིས་བཀའ་སྩལ་པ། དྲང་སྲོང་ཆེན་པོ་ངས་ཕྱིན་ཅི་ལོག་དག་བཟློག་པ་ཡང་མེད། འགྲིབ་པར་བྱས
37b8 པ་ཡང་མེད་དོ། ། དྲང་སྲོང་ཆེན་པོས་གསོལ་པ། གལ་ཏེ་དེ་ལྟར་ན་ཁྱོད་ཀྱང་དབང་སླར་མ་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ།། དྲང་སྲོང་ཆེན་པོ་དེ་དེ་བཞིན་ཏེ། མ་བྱུང་བའི་ཕྱིར་དེ་ཡང་དབང་སྒྱུར་མ་ཡིན་ནོ།། དྲང་སྲོང་ཆེན་པོས
iiif viewer powered by OpenSeadragon
