| e-texts navigator |
| Wylie |
36b1 མོ་སྦྱར་བ་བཏུད་ནས་བཅོམ་ལྡན་འདས་ལ་ཚིགས་སུ་བཅད་པ་འདི་དག་གིས་མངོན་པར་སྟོད་དོ། ། ཀྱེ་མ་མི་རྣམས་ཀྱི་ནི་འདྲེན་པ་ཡིས།། སྔོན་ཆད་མ་བྱུང་མཛད་པ་སྣ་ཚོགས་འདི།། སྐྱེ་དགུ་ཀུན་ལ་མྱུར་དུ་ཀུན་བསྟེན་པ།། དེ་ཡིས་བདུད་དེ།
36b2 ཐམས་ཅད་མོ་ཆོན་གྱིས།། ཕན་ཚུན་དག་ཏུ་ཚིག་ཏུ་སྨྲ་བགྱིད་པ།། ཀྱེ་མཧོ་ཤིན་ཏུ་ངོ་མཚར་ཆེ་ཞེས་མཆི། བདག་ཅ་གཅི་ཞིག་ཕྱིར་ནི་འདིར་ལྷགས་ཀྱེ།། བདག་ཅག་གཅོམ་མོ་བདག་ཅག་བཅོམ་ཞེས་མཆི།། དཀའ་ཐུབ་ཅན་བདག
36b3 དཀའ་ཐུབ་ཅན་མིན་གྱུར། ། ཉམ་ཆུད་ལུས་ལ་ལྤགས་པ་ཙམ་ཞིག་ལས།། བདག་འཁོགས་བདག་སྐམས་ངན་པ་རྣམས་ལས་ཉམས།། བདག་ཅག་རྫུ་འཕྲུལ་ཐོབ་པར་གྱུར་པ་ཡིན།། ཡི་གེ་མ་མཆིས་རྫུ་འཕྲུལ་གསུམ་རྣམས་ཀྱིས།།
36b4 བསྟན་པའི་དགྲ་རྣམས་མོག་མོག་གྱུར་པར་མཛོད།། བསྟན་པའི་འདྲེན་པ་ཁྱོད་ཀྱིས་དེ་རིང་ནི།། སངས་རྒྱས་སྲས་ལ་དུས་སྟོན་ཆེན་པོ་མཛད།། འཁོར་འདི་ཐམས་ཅད་ཐེ་ཙོམ་འཚལ་བར་གྱུར།། དགའ་བ་སྐྱེས་ཤིང་སེམས་ཀྱང་རབ་དགའ་སྟེ།
36b5 གང་ཞིག་གནས་ནས་ལྷ་ཚོགས་བདག་ཅག་ཀྱང་།། འཇིག་རྟེན་མགོན་པོ་སངས་རྒྱས་གྱུར་ཅིག་མཆི།། འཇམ་དབྱངས་སངས་རྒྱས་མང་པོ་བསྙེན་བཀུར་བགྱིས།། སངས་རྒྱས་སྲས་པོ་མཐའ་ཡས་རྣམས་ཀྱིས་བསྐོར།། འཇམ་པའི་དབྱངས
36b6 ནི་འཁོར་གྱི་ནང་ན་མཆིས། ། ཆོ་འཕྲུལ་རྣམ་པར་ཕྱེ་སྟེ་བསྟན་དུ་གསོལ།། འདི་དག་ཆོས་ནི་གང་གིས་ལྟས་ཤིག་ལགས།། ཐུབ་པ་ཚེས་ནི་གང་ཞིག་གསུང་བར་གཞེད།། འཁོར་འདི་ཐམས་ཅད་འཁོད་ཅིང་མཆིས་ལགས་ན།། སེམས་ཅན་ཐུགས
36b7 བརྩེའི་སླད་དུ་བདག་ལ་གསུངས། ། དེ་ནས་སངས་རྒྱས་ཀྱི་བྱིན་གྱི་བརླབས་ཀྱིས། འཁོར་དེའི་ནང་ནས་དྲང་སྲོང་ཆེན་པོ། མེ་སྒྲོན་ཞེས་བྱ་བ་གཅིག་གིས་བྱང་ཆུབ་སེམས་དཔའ་རྒྱལ་བའི་ཕུང་པོ་ལ་འདི་སྐད་ཅེས་སྨྲས་སོ།། ཀྱེ་གཞོན་ནུ་རེ
36b8 ཤིག་ཁ་རོག་ཤིག། ཁོ་བོས་དྲི་བ་དྲི་བར་བྱའོ།། གལ་ཏེ་ཁོ་བོའི་དྲོ་བ་ཁོང་དུ་ཆུད་པར་བྱེད་ན་ནི་དེ་ཐམས་ཅད་མཁྱེན་པ་ཞེས་བྱའོ་མིང་དང་ཡང་མཐུན་ནོ།། འོན་ཏེ་སྲེད་མེད་ཀྱི་བུ་དང་། དབང་ཕྱུག་ཆེན་པོས་ཕྱུང་བའི་འགྲོ་ལྡིང་བ་རྣམས
iiif viewer powered by OpenSeadragon
